ສ່ວນເກີນທີ່ຍື່ນອອກມາທັກທາຍໂດຍສະເພາະຂີ້ໂພ່ນບໍ່ມີສາວໆຄົນໃດມັກແນ່ນອນ ມື້ນີ້ມີວິທີອອກກຳລັງກາຍແບບງ່າຍໆທີ່ສາມາດຊ່ວຍຫລຸດສ່ວນເກີນຈາກໜ້າທ້ອງໄດ້ພຽງແຕ່ຫາຍໃຈຊຶ່ງສາມາດເຝິກໄດ້ທຸກທີ່ທຸກເວລາເອີ້ນວ່າທ່າStomach Vacuumຄືການສູບລົມຫາຍໃຈເຂົ້າມາໃນບໍລິເວນທ້ອງເປັນການຈັງກ້າມຊີ້ນຊຶ່ງເປັນວິທີການອອກກຳລັງກາຍທີ່ດີທີ່ສຸດໃນການຊ່ວຍຫລຸດຂີ້ໂພ່ນວິທີການປະຕິບັດມີດັ່ງນີ້
1.ນັ່ງຫລືຍືນກໍໄດ້ມືວາງບ່ອນໜ້າຂາຍືດໂຕກົງຫາຍໃຈອອກປົກກະຕິ
2.ຫາຍໃຈເຂົ້າເລິກໆທາງດັງແລ້ວຫາຍໃຈອອກທາງປາກຈັ່ງໃຫ້ໜ້າທ້ອງຫົດເຂົ້າມາ
3.ຫາຍໃຈເຂົ້າອີກເທື່ອໜຶ່ງຈັງໜ້າທ້ອງຢູ່ບ່ອນເກົ່າແລ້ວຫາຍໃຈອອກທາງປາກຈັງໃຫ້ໜ້າທ້ອງຫົດລົງເຂົ້າໄປອີກເຮັດຊ້ຳໆໄປເລື່ອຍໆໂດຍແຕ່ລະເທື່ອພະຍາຍາມໃຫ້ທ້ອງຫົດຈັງເຂົ້າມາແລະຍືດເອິກຂຶ້ນຕະຫລອດຈັງໜ້າທ້ອງຄືການເຮັດໃຫ້ສະບືດັນເຂົ້າມາຕິດກັບກະດູກສັນຫລັງແລ້ວຫົດຈັງໜ້າທ້ອງໃຫ້ສຸດໆ
4.ພໍສຸດແລ້ວໃຫ້ຄ້າງໄວ້ປະມານ30ວິນາທີຫລື1ນາທີເວລາທີ່ໜ້າທ້ອງຫົດຈັງສຸດໆໄລຍະທີ່ຄ້າງໄວ້ຫ້າມກັ້ນຫາຍໃຈພະຍາຍາມຫາຍໃຈເຂົ້າແລະອອກຈາກນັ້ນເລີ່ມເຮັດຕາມລຳດັບອີກເທື່ອໜຶ່ງໂດຍສາມາດເຮັດໄດ້ຕະຫລອດໝົດມື້
ຖ້າເຝິກແບບນີ້ເປັນປະຈຳຈະເຮັດໃຫ້ກ້າມຊີ້ນຮັດໜ້າທ້ອງຂອງເຮົາເຂົ້າໄປແລະຄວນ ອອກກຳລັງກາຍແບບເມື່ອຍແຮງໆເຄິ່ງຊົ່ວໂມງຂຶ້ນໄປຄອບຄູ່ໄປດ້ວຍວິທີງ່າຍໆພຽງເທົ່ານີ້ກໍຊ່ວຍກຳຈັດສ່ວນເກີນທີ່ບໍ່ຕ້ອງການອອກໄດ້ແລ້ວ