-ໃຊ້ເກືອສະປາຂັດຜິວ ເກືອສະປາຫລືເກືອຂັດຜິວນັ້ນເຮັດມາຈາກເກືອທະເລຊຶ່ງມີຄຸນສົມບັດໃນການຊ່ວຍໃຫ້ກ້າມເນື້ອແລະຜິວກະຊັບຂຶ້ນເພາະສະນັ້ນລະຫວ່າງອາບນ້ຳຫາກໝັ່ນນຳເກືອດສະປາມາຂັດຜິວເລື້ອຍໆກໍສາມາດຊ່ວຍໃຫ້ຜິວທີ່ເປັນຮອຍແຕກບໍ່ລຽບນຽນເບິ່ງກະຊັບຂຶ້ນແລະການໃຊ້ເກືອຂັດຍັງເປັນການນວດຜິວໃຫ້ເຊນລູໄລແຕກຕົວໄດ້ງ່າຍອີກດ້ວຍແຕ່ກໍຢ່າລືມທາໂລຊັ່ນເພື່ອບຳລຸງທຸກເທື່ອຫລັງໃຊ້ເກືອຂັດນຳ
-ດື່ມນ້ຳສະອາດໃຫ້ຫລາຍໆ ຮ່າງກາຍທີ່ຂາດນ້ຳຈະບໍ່ສາມາດຂັບໄຂມັນອອກໄດ້ຢ່າງເປັນປົກກະຕິ ແລະໄຂມັນພວກນີ້ເອງທີ່ຈະສະສົມຢູ່ໃຕ້ຜິວໜັງເຮັດໃຫ້ເກີດລອນຄື້ນບໍ່ລຽບນຽນເປັນຜິວເປືອກສົ້ມດັ່ງນັ້ນເຈົ້າຈະຕ້ອງດື່ມນ້ຳເປັນປະຈຳທຸກມື້ໃຫ້ໄດ້ມື້ລະ8-10ຈອກຂຶ້ນໄປແລະທີ່ສຳຄັນຢ່າລືມອອກກຳລັງກາຍນຳທັງນີ້ກໍເພື່ອບໍ່ໃຫ້ເກີດຜິວເປືອກສົ້ມນັ້ນເອງ
–ລຸດປະລິມານອາຫານທີ່ມີໄຂມັນ ຫລີກລ້ຽງການບໍລິໂພກອາຫານໄຂມັນສູງເຊັ່ນເນື້ອໝູຕິດມັນ,ສາມຊັ້ນ,ໜັງໄກ່,ອາຫານຈືນຫລືຂະໜົມຫວານຕ່າງໆເພາະອາຫານທີ່ອຸດົມດ້ວຍໄຂມັນເຫລົ່ານີ້ອາດເຮັດໃຫ້ເກີດການສະສົມຂອງໄຂມັນໄດ້ຈົນກາຍເປັນເຊວລູໄລນັ້ນເອງ
-ອອກກຳລັງກາຍທີ່ຊ່ວຍສ້າງມວນກ້າມເນື້ອ ການອອກກຳລັງກາຍຢ່າງສະມ່ຳສະເໝີນອກຈາກຈະເປັນການຊ່ວຍເຜົາຜານພະລັງງານສ່ວນເກີນແລ້ວຍັງຊ່ວຍເສີມສ້າງມວນກ້າມເນື້ອພາຍໃນຮ່າງກາຍໃຫ້ເພີ່ມຫລາຍຂຶ້ນໄດ້ອີກດ້ວຍຊຶ່ງມວນກ້າມເນື້ອນີ້ເອງທີ່ຈະເປັນຜູ້ຊ່ວຍໃນການຂັບໄລ່ໄຂມັນໃຕ້ຜິວໜັງ ອັນເປັນສາເຫດຂອງເຊວລູໄລອອກໄປຈາກເຮືອນຮ່າງຂອງເຈົ້າ
-ນວດສະຫລາຍເຊວລູໄລ ການນວດຜິວເປັນອີກວິທີໜຶ່ງທີ່ຊ່ວຍກະຕຸ້ນການໄຫລວຽນເລືອດໄດ້ດີ ອີກທັງຍັງຊ່ວຍສະຫລາຍການເກາະຕົວຂອງໄຂມັນໃຕ້ຜິວອີກດ້ວຍນອກຈາກນີ້ການນວດຜິວເປັນປະຈຳຍັງເຮັດໃຫ້ຜິວພັນເປັ່ງປັ່ງມີນ້ຳມີນວນແລະເບິ່ງສົດໃສນຳແຖມຍັງຊ່ວຍກະຊັບຜິວໃຫ້ເບິ່ງເຕັ່ງຕຶງໄດ້ດີ ຢ່າງນີ້ຕ້ອງນວດຜິວເພື່ອສະຫລາຍເຊວລູໄລກັນເລື້ອຍໆຫລືໃຜທີ່ມີຜິວລຽບນຽນປາສະຈາກເຊວລູໄລຢູ່ແລ້ວກໍສາມາດນວດຜິວເພື່ອກະຊັບຜິວໄດ້ຄືກັນ