- ຫລິ້ນໂຍຄະກະຊັບ ໂຍຄະເປັນການອອກກຳລັງກາຍງ່າຍໆແຕ່ໄດ້ຜົນດີີໃຜທີ່ບໍ່ມັກອອກກຳລັງກາຍແບບໜັກໆກໍສາມາດເຮັດໄດ້ສະບາຍແຖມຍັງໃຫ້ປະໂຫຍດທັງການປັບສະພາບຈິດໃຈເຮັດໃຫ້ມີສະມາ ທິແລະສ້າງຄວາມແຂງແຮງໃຫ້ກ້າມເນື້ອອີກດ້ວຍນອກຈາກນີ້ຍັງຊ່ວຍໃນເລື່ອງກະຊັບຮູບຮ່າງຢ່າງໄດ້ຜົນສ່ວນໄຂມັນບໍລິເວນບັ້ນທ້າຍເຈົ້າກໍລອງເລືອກທ່າໂຍຄະສຳລັບລຸດໄຂມັນສະເພາະສ່ວນໂດຍ ສະເພາະກໍໄດ້ຫລືໃຜຢາກຫລິ້ນໂຍຄະແບບຈິງຈັງກໍສາມາດຫາຄອດຮຽນໂດຍກົງໄດ້ເລີຍຮັບຮອງວ່າການຫລິ້ນໂຍຄະເລື້ອຍຈະຊ່ວຍໃຫ້ກົ້ນຂອງສາວໆງາມໄດ້ຮູບຂຶ້ນແນ່ນອນ
- ຢ່ານັ່ງຢູ່ກັບທີ່ນານ ການນັ່ງຢູ່ບ່ອນເກົ່າດົນໆໂດຍບໍ່ລຸກເຄື່ອນໄຫວເລີຍສົ່ງຜົນໃຫ້ຄອນລາເຈນບໍລິເວນກົ້ນລາບລຽບກົ້ນໃຫຍ່,ກ້າມເນື້ອຫຍ່ອນຄ້ອຍບໍ່ກະຊັບເພາະສະນັ້ນສາວໆຄົນໃດບໍ່ຢາກກົ້ນໃຫຍ່ບໍ່ງາມໝັ່ນລຸກຍ່າງຫລືຍືດເສັ້ນຍືດສາຍລະຫວ່າງເຮັດວຽກດ້ວຍຢ່າມົວແຕ່ນັ່ງເຮັດວຽກຈົນເພີນບໍ່ດັ່ງນັ້ນບັ້ນທ້າຍຂອງເຈົ້າຈະໝົດງາມແນ່ນອນ
- ບອກລາອາຫານຈຳພວກແປ້ງ ການຮັບປະທານອາຫານຈຳພວກແປ້ງຫລາຍຈະເຮັດໃຫ້ເຮົາຕຸ້ຍແລະມີໄຂມັນສະສົມຫລາຍຂຶ້ນໂດຍສະເພາະບໍລິເວນບັ້ນທ້າຍດັ່ງນັ້ນເຈົ້າຄວນລຸດປະລິມານອາຫານຈຳພວກແປ້ງລົງນຳແລ້ວຫັນມາຮັບປະທານແປ້ງບໍ່ຂັດສີຈຳພວກເຂົ້າກ້ອງຫລືທັນພືດແທນຊຶ່ງນອກຈາກຈະເຮັດໃຫ້ບັ້ນທ້າຍມີໄຂມັນສະສົມແໜ້ນແລ້ວຍັງມີປະໂຫຍດຕໍ່ສຸກຂະພາບຂອງເຈົ້າອີກດ້ວຍ
- ລຸດອາຫານປະເພດໄຂມັນ ຫລີກລ້ຽງອາຫານໄຂມັນສູງເພື່ອລຸດການສະສົມຂອງໄຂມັນຕາມສ່ວນຕ່າງໆວິທີນີ້ເປັນອີກວິທີທີ່ຈະເຮັດໃຫ້ຮູບຮ່າງເຈົ້າງາມສົມສ່ວນໄປທັງເຮືອນຮ່າງບໍ່ສະເພາະແຕ່ບໍລິເວນບັ້ນທ້າຍເທົ່ານັ້ນ
- ອອກກຳລັງກາຍເປັນປະຈຳ ການອອກກຳລັງກາຍເຮັດໃຫ້ຮູບຮ່າງກະຊັບເຜົາຜານໄຂມັນສ່ວນເກີນແລະສ້າງຫຸ່ນໃຫ້ງາມພຽວດັ່ງນັ້ນໃຜທີ່ຢາກມີຫຸ່ນງາມບັ້ນທ້າຍຕຶງກະຊັບກໍຕ້ອງໝັ່ນອອກກຳລັງກາຍເປັນປະຈຳໂດຍຊ່ວງເວລາທີ່ເໝາະກັບການອອກກຳລັງກາຍຫລາຍທີ່ສຸດກໍຄືຊ່ວງເຊົ້າແລະຊ່ວງແລງນັ້ນເອງ ແຕ່ຕ້ອງອອກກຳລັງກາຍຢ່າງຕໍ່ເນື່ອງໃຫ້ໄດ້ເທື່ອລະຢ່າງນ້ອຍ 30 ນາທີ