ໜອງທາເປັນໜອງເກົ່າແກ່ຖືກປະລະໃຫ້ເປັນໜອງທຳມະຊາດມາຫຼາຍເຊັ່ນຄົນພໍມາເຖິງໄລຍະ 3-4 ປີກ່ອນໄດ້ມີບໍລິສັດຕ່າງປະເທດສະເໜີຂໍຮັບສຳປະທານໄລຍະຍາວໂດຍການພັດທະນາຈັດສັນໃຫ້ກາຍເປັນຕົວເມືອງນ້ອຍສີຂຽວ, ຈັດໃຫ້ເປັນຕົວແບບທີ່ຈະມີການພັດທະນາຄົບວົງຈອນທີ່ປະກອບດ້ວຍຮ້ານຊັບພະສິນຄ້າ, ອາຄານໃຫ້ເຊົ່ານັບເປັນຫຼາຍຊັ້ນ, ສະລອຍນ້ຳ ແລະ ສະຖານທີ່ຕ່າງໆເພື່ອ ສ້າງເປັນຕົວເມືອງນ້ອຍ ຕົວແບບໃນນະຄອນ ຫຼວງວຽງຈັນ. ເຊິ່ງໂຄງການພັດທະນາດັ່ງກ່າວຈະເລີ່ມຈັດຕັ້ງປະຕິບັດຄືນໃໝ່ໃນກາງເດືອນ ເມສານີ້ຫຼັງບໍລິສັດຜູ້ຮັບ ເໝົາເກົ່າໄດ້ສະ ຫຼະສິດມອບໃຫ້ບໍລິສັດໃໝ່ເຂົ້າມາດຳເນີນການກໍ່ສ້າງແທນ.
ໂຄງການພັດທະນາຕົວເມືອງນ້ອຍແຫ່ງນີ້ ຈະສຶບຕໍ່ການກໍ່ສ້າງໃຫ້ໄປຕໍ່ຕາມແຜນການເກົ່າທີ່ໄດ້ປະຕິບັດ ມາແລ້ວ ໂດຍທະນາຄານຂອງ ສສ ຫວຽດນາມ ເປັນຜູ້ຮັບຊຳລະ, ຖ້າຫາກໂຄງການ ນີ້ດຳເນີນໄປສຳເລັດຕາມແຜນ ຈະສ້າງຄວາມ
ພາກພູມໃຈໃຫ້ແກ່ຊາວນະຄອນຫຼວງວຽງຈັນທີ່ແຕ່ເຖິງຢ່າງໃດກໍຕາມມາຮອດປັດຈຸບັນ ນັບວ່າຍັງມີ ຫຼາຍໂຄງການທີ່ບໍ່ໄປ ບໍ່ມາຢຸດຈຶ້ງຢູ່ບ່ອນເກົ່າອັນ ໄດ້ສ້າງຄວາມສົນໃຈບໍ່ໜ້ອຍໃຫ້ສັງຄົມເປັນຕົ້ນວ່າ: ໂຄງການກໍ່ສ້າງ ຕະຫຼາດຕໍ່ໜ້າຕະຫຼາດຂົວດິນ, ໂຄງການກໍ່ສ້າງເຂດ ຈຸດ 4 ແຍກໄຟແດງສຳນັກງານກຳມະບານເກົ່າ, ໂຄງການກໍ່ສ້າງ ຢູ່ບໍລິເວນໄຟແດງ ຕະຫຼາດທົ່ງຂັນຄຳ ແລະ ບ່ອນອື່ນໆເຊິ່ງທັງໝົດນີ້ແມ່ນບັນດາບໍລິສັດລົງນາມໃນເອກະສານ ເປັນ ທີ່ຮຽບຮ້ອຍແຕ່ມາເບິ່ງການປະ ຕິບັດວຽກງານຕົວຈິງເຫັນວ່າຍັງມີຄວາມຊັກຊ້າກ່ອນກຳນົດ.
ແຫລ່ງຂ່າວ: ລາວພັດທະນາ