1.ດື່ມນ້ຳສະອາດ ບໍ່ມີຫຍັງທີ່ຈະດີເທົ່າການດື່ມນ້ຳສະອາດອີກແລ້ວເພາະບໍ່ພຽງແຕ່ຈະຊ່ວຍຂັບຂອງເສຍອອກຈາກຮ່າງກາຍແລ້ວກໍຍັງຊ່ວຍເຕີມຄວາມຊຸ່ມຊື້ນໃຫ້ຜິວຖ້າມົວແຕ່ປ່ອຍໃຫ້ຜິວຂາດນ້ຳລະກໍລະວັງຜິວຈະແຫ້ງແລະເກີດຣິ້ວຮອຍໄວກວ່າທີ່ຄິດສະນັ້ນການວາງຈອກນ້ຳໄວ້ໃກ້ມືແລະດື່ມນ້ຳເລື້ອຍໆເປັນສິ່ງທີ່ຄວນເຮັດ
2.ບຳລຸງດ້ວຍມອຍສ໌ເຈີໄລເຊີ ຢ່າງທີ່ບອກໄປແລ້ວວ່າການດື່ມນ້ຳຊ່ວຍເຕີມຄວາມຊຸ່ມຊື້ນໃຫ້ຜິວແຕ່ກໍຕ້ອງຫາມອຍສເຈີໄລເຊີດີໆມາບຳລຸງເພື່ອກັກເກັບຄວາມຊຸ່ມຊື້ນໄວ້ໃນຜິວນຳລອງເລືອກມອຍສ໌ເຈີໄລເຊີທີ່ເໝາະກັບຜິວມາໃຊ້ເບິ່ງຖ້າເຈົ້າມີຜິວແຫ້ງກໍລອງເລືອກແບບເນື້ອຄີມສ່ວນສາວຜິວມັນກໍເລືອກແບບເປັນເນື້ອເຈນເພື່ອບໍ່ໃຫ້ຮູ້ສຶກຜີວໝຽວຖ້າຜິວຊຸ່ມຊື້ນແລ້ວຮັບຮອງບັນຫາຜິວບໍ່ຕາມມາແລະສາວຜິວມັນກໍຈະໜ້າມັນນ້ອຍລົງນຳ
3.ບໍ່ມັກຂັດຜິວ ຢ່າຫາກໍ່ຄິດວ່າການຂັດຜິວຈະຊ່ວຍໃຫ້ສິວທັງຫລາຍທີ່ຢູ່ເທິງໃບໜ້າຫາຍໄປເພາະການຂັດຜິວເລື້ອຍໆຖືເປັນການທຳຮ້າຍຜິວທາງທີ່ດີຂັດຜິວພຽງ2-3ເທື່ອຕໍ່ອາທິດກໍພໍແລ້ວ
4.ເລືອກໃຊ້ສ່ວນປະສົມຈາກທຳມະຊາດ ແມ່ນຢູ່ທີ່ການໃຊ້ຜະລິດຕະພັນເບິ່ງແຍງຜິວທີ່ເຮັດຈາກສານເຄມີອາດຈະຊ່ວຍແກ້ບັນຫາຜິວໄດ້ຢ່າງດີແລະເຫັນຜົນທັນຕາແຕ່ມັນກໍຮຸນແຮງກັບຜິວຢູ່ບໍ່ນ້ອຍຖ້າຢ່າງນັ້ນລອງຫັນມາDIY7u,ບຳລຸງຜິວໜ້າເອງນຳດີກວ່າບໍ່ວ່າຈະເປັນນ້ຳຫມາກໄມ້ຕ່າງໆມາບຳລຸງກໍດີກັບຜິວທັງນັ້ນ
5.ກິນວິຕາມິນເສີມ ຄົງເປັນເລື່ອງຍາກທີ່ໃນຊີວິດປະຈຳວັນເຈົ້າຈະໄດ້ຮັບວິຕາມິນເຂົ້າສູ່ຮ່າງກາຍຄົບຖ້ວນພຽງພໍ ສະນັ້ນວິຕາມິນເສີມເປັນເມັດໆນີ້ແຫລະຊ່ວຍເຈົ້າໄດ້ຢ່າງຫລາຍເລີຍລອງຫາພວກນ້ຳມັນຕັບປາມາກິນເບິ່ງເພາະມັນຈະຊ່ວຍໃຫ້ຜິວເບິ່ງສົດໃສເປັ່ງປັ່ງອີກທັງຍັງຊ່ວຍບຳລຸງເລັບ,ຜົມແລະອີກຫລາຍຢ່າງ
6.ບໍ່ຄຽດ ລອງເຮັດວິທີຕ່າງໆດັ່ງທີ່ໄດ້ກ່າວໄປແລ້ວເພື່ອໃຫ້ຜິວສົດໃສແຕ່ຮູ້ໄວ້ວ່າມັນຈະເປັນໄປບໍ່ໄດ້ຕະຫລອດຖ້າຫາກເຈົ້າຍັງມີເລື່ອງຄຽດຫລວງຫລາຍຢູ່ໃນໃຈສະນັ້ນຕ້ອງຮູ້ຈັກປ່ອຍວາງບໍ່ຄິດຫລາຍແລະເບິ່ງໂລກໃນແງ່ບວກເຂົ້າໄວ້ຮັບຮອງວ່າເຈົ້າຈະເປັນສາວທີ່ມີຄວາມສຸກຊຶ່ງກໍຈະເຮັດໃຫ້ຜິວພັນສົດໃສເປັ່ງປັ່ງຕາມໄປດ້ວຍ