- ກິນຜັກໃຫ້ໝົດ ອາຫານເກົາຫລີຄືເຂົ້າຍຳເກົາຫລີຈະມີຜັກສີສັນຕ່າງໆຫລວງຫລາຍທັງຜັກປ່າ,ຜັກສວນ ແລະເຖິງວ່າຈະສັ່ງພຸນໂກກິ(ຊີ້ນງົວໝັກປິ້ງ)ກໍຈະມີຜັກເປັນເຄື່ອງຄຽງການກິນຜັກຫລາຍໆຈະເຮັດໃຫ້ທ້ອງເຮົາເຕັມໄປດ້ວຍໃຍອາຫານແລະສານອາຫານແຄລໍລີຕ່ຳຈົນບໍ່ເຫລືອທີ່ໃນກະເພາະອາຫານໄວ້ສຳລັບຢ່າງອື່ນເລີຍ
- ປຸງລົດເຂັ້ມຂຸ້ນ ໃຜກໍເວົ້າກັນວ່າອາຫານເກົາຫລີລົດຈັດມັກຈະນຳເຄື່ອງເທດຫລືພິກມາໃຊ້ໃນການປຸງອາຫານເພື່ອເພີ່ມລົດຊາດແລະຍັງຊ່ວຍໃນເລື່ອງການລຸດນ້ຳໜັກອີກດ້ວຍເພາະການເຕີມເຄື່ອງເທດລົງໄປຈະຊ່ວຍເລັ່ງການເຜົາຜານພະລັງງານໃນຮ່າງກາຍໃຫ້ເຮັດວຽກໜັກຂຶ້ນ
- ຂາດກິມຈິບໍ່ໄດ້ ກິມຈິໂດຍທົ່ວໄປເຮັດມາຈາກກະຫລ່ຳປີດອງຫລືກະຫລ່ຳປີສົດແລ້ວນຳມາປຸງລົດກັບຂິງ,ໝາກເຜັດຜົງແລະກະທຽມ,ມັກນຳມາກິນຄູ່ກັບມື້ອາຫານທຸກໆມື້ນອກຈາກນີ້ກິມຈິຍັງມີສານອາຫານສູງດີຕໍ່ລະບົບຂັບຖ່າຍອີກດ້ວຍ
- ລອງໂສມເກົາຫລີ Seoul Department of Internal Medicine ເປີດເຜີຍວ່າໂສມເກົາຫລີຊ່ວຍລຸດລະດັບນ້ຳຕານໃນເລືອດຊຶ່ງອາດຈະຊ່ວຍຄວບຄຸມຄວາມຢາກນ້ຳຕານໄດ້ດ້ວຍແຕ່ຫາກໃຜບໍ່ຢາກດື່ມຊາໂສມກໍລອງຊຸບໄກ່ໃສ່ໂສມຕາມແບບເກົາຫລີເບິ່ງບາງທີອາດລຸດນ້ຳໜັກໄດ້ໄວກວ່າ
- ກິນຊ້າໆ ປົກກະຕິແລ້ວການກິນອາຫານເກົາຫລີສຳລັບອາຫານມັກຈະມາເປັນກຸ່ມຫລາຍຄົນການກິນອາຫານກັບຄົນໝູ່ຫລາຍກໍເຮັດໃຫ້ເຮົາກິນຊ້າລົງສະຫມອງກໍຈະມີເວລາສັ່ງການວ່າອິ່ມແລ້ວເຮົາຈຶ່ງກິນນ້ອຍລົງແລະກໍບອກວ່າການກິນຊ້າຫຍ້ຳໃຫ້ລະອຽດຈະເຮັດໃຫ້ເຮົາອິ່ມໄວນຳ