spot_img
Homeຂ່າວການພັດທະນາອັດຕາການມີວຽກເຮັດງານທຳ ຂອງຊາວໜຸ່ມລາວ ສຳລັບເພດຍິງຈະສູງກວ່າເພດຊາຍ

ອັດຕາການມີວຽກເຮັດງານທຳ ຂອງຊາວໜຸ່ມລາວ ສຳລັບເພດຍິງຈະສູງກວ່າເພດຊາຍ

Published on

 

ແຮງງານລາວ

ອັດຕາການມີວຽກເຮັດງານທຳຂອງຊາວໜຸ່ມລາວສຳລັບເພດຍິງຈະສູງກວ່າເພດຊາຍ

 

ຕາມບົດລາຍງານການວິໄຈສະພາບໄວໜຸ່ມ ແລະ ເຍົາວະຊົນໃຫ້ຮູ້ວ່າ:ຢູ່ ສປປ ລາວ ຍັງມີໄວ ໜຸ່ມຈຳນວນຫຼາຍມີສຸຂະພາບແຂງແຮງ, ມີໂອກາດເຂົ້າ ໂຮງຮຽນ, ມີເວລາສຳລັບກິດຈະກຳເວລາຫວ່າງ ແລະ ປະກອບສ່ວນຫຼາຍດ້ານ ໃນຄອບຄົວ ແລະ ທ້ອງຖິ່ນຕົນ. ແຕ່ກໍມີໄວໜຸ່ມຈໍວນວນໜຶ່ງທີ່ມີສຸຂະພາບບໍ່ ແຂງແຮງ, ບໍ່ສາມາດເຂົ້າເຖິງການສຶກສາ, ປະເຊີນກັບສະພາບແວດລ້ອມໃນການ ເຮັດວຽກທີ່ເປັນອັນຕະລາຍ, ສະພາບການທີ່ບໍ່ສາມາດສະແດງສິດ ແລະ ພັດທະ ນາຕົນເອງໄດ້. ມີໄວໜຸ່ມ 60% ຂອງພົນລະເມືອງລາວທັງໝົດ 6 ລ້ານຄົນທີ່ມີ ອາຍຸຕໍ່າກ່ວາ 25 ປີ,  ພວກເຂົາໄດ້ສ້າງເງື່ອນໄຂທີ່ດີ ໃຫ້ແກ່ປະເທດຊາດໃນການໄດ້ຮັບຜົນປະໂຫຍດທາງດ້ານປະຊາກອນ, ການເພີ່ມການລົງທຶນໃຫ້ແກ່ ການພັດທະນາຊັບພະຍາກອນມະນຸດໂດຍສະເພາະໃນຂົງເຂດວຽກງານການສຶກສາ, ສາທາ ລະນະສຸກ, ການສ້າງວຽກເຮັດງານທຳ, ການປົກປ້ອງ, ໃນນັ້ນ 50% ແມ່ນເພດຍິງ, 70% ຂອງພົນລະເມືອງທີ່ ມີອາຍຸ

ໜຸ່ມແມ່ນອາໄສຢູ່ເຂດຊົນນະ ບົດ ເຊິ່ງຈຳນວນຊາວໜຸ່ມຫຼາຍທີ່ສຸດແມ່ນອາໄສຢູ່ ແຂວງສະຫວັນນະເຂດ, ຈຳປາສັກແລະ ນະຄອນຫຼວງວຽງຈັນ, ໃນ 52,5% ແມ່ນຊົນເຜົ່າລາວລຸ່ມ. ເພດຍິງ ໃນເກນອາຍຸ 15-19 ປີ ມີ 59%, ຊາຍ 19%ແລະ 20-24 ປີ ຍິງ 36%, ຊາຍ 6%  ທີ່ແຕ່ງງານແລ້ວ. ການແຕ່ງງານແຕ່ອາຍຸຍັງນອ້ຍຂອງ ສປປ ລາວຈຶ່ງເປັນເລື່ອງປົກກະຕິ, ອາຍຸສະເລ່ຍຂອງ ການແຕ່ງງານຄັ້ງທຳອິດຂອງແມ່ຍິງແມ່ນ 25-49 ປີ ອັດຕາສ່ວນຂອງໄວໜຸ່ມທີ່ແຕ່ງງານມີຄວາມ ກ້ຽວພັນຢ່າງໃກ້ສິດກັບລະດັບການສຶກສາ ແລະ ຖານະທາງ ເສດຖະກິດຂອງເຂົາ, ອັດຕາສ່ວນແຕ່ງງານແຕ່ຍັງ ນ້ອຍໃນ ຕົວເມືອງແມ່ນຍັງມີໜ້ອຍກວ່າຊົນນະບົດ. ປະເທດລາວຍັງເປັນປະເທດໜຶ່ງທີ່ມີອັດຕາການເກີດລູກຂອງ ໄວໜຸ່ມສູງທີ່ສຸດ ໃນພາກພື້ນ, ມີເດັກເກີດ 94 ຄົນຕໍ່ໄວໜຸ່ມຈຳນວນ 1 ພັນຄົນ ຢູ່ໃນເກນອາຍຸ 15-19 ປີ, ເຊິ່ງມີຄວາມແຕກຕ່າງກັນ ຫຼາຍລະຫ່ວາງເຂດຊົນນະບົດ ແລະ ຕົວເມືອງ, ທາງດ້ານການສຶກສາອັດຕາການເຂົ້າໂຮງຮຽນຊັ້ນປະຖົມຂອງເດັກນ້ອຍແມ່ນ 95,2%, ອັດຕາການຮູ້ໜັງສືຂອງຊາວໜຸ່ມອາຍຸ15-19 ປີ ແມ່ນສູງກວ່າ ອາຍຸ 20-24 ປີ, ໃນນັ້ນການຮູ້ໜັງສື ຂອງເພດຍິງແມ່ນຍັງຕໍ່າກ່ວາເພດຊາຍໃນກຸ່ມອາຍຸ 15-24 ປີ. ການມີສ່ວນຮ່ວມໃນກຳລງັແຮງງານ ຂອງຄົນໜຸ່ມໃນກຸ່ມອາຍຸ 15-19 ປີ ມີ 48% ແລະ ອາຍຸ 20-24 ປີແມ່ນ 83,7%.

ປັດຈຸບັນນີ້ອັດຕາການມີວຽກເຮັດງານທຳຂອງເພດຍິງໃນເກນອາຍຸ 15-24 ປີ ແມ່ນສູງກ່ວາເພດຊາຍ,ອັດຕາການຫວ່າງງານໃນເກນອາຍຸ 15-24 ປີ ແມ່ນຈະສູງກ່ວາຜູ້ມີອາຍຸສູງກວ່ານີ້ ແລະ ຂ້ອນຂ້າງສູງຢູ່ໃນຕົວເມືອງ, ອັດຕາການຫວ່າງງານຂອງໄວໜຸ່ມ ອນຍຸ 15-24 ປີ ສຳລັບເພດຍິງ ມີ 2,5% ແລະ ເພດຊາຍ 3,5 %.

 

ທີ່ມາ: ລາວພັດທະນາ

ບົດຄວາມຫຼ້າສຸດ

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....