spot_img
Homeຂ່າວການພັດທະນານະຄອນຫຼວງຮັບຮອງເອົາ 5 ບ້ານເປັນບ້ານພັດທະນາ

ນະຄອນຫຼວງຮັບຮອງເອົາ 5 ບ້ານເປັນບ້ານພັດທະນາ

Published on

20150316085315

ບ້ານ​ນາ​ສ້ຽວ ນາ​ຊອນ ຫົວຂົວ ນ້ຳກ້ຽງ ແລະ ບ້ານ​ສົງເປືອຍ​ເໜືອ ທີ່​ຂຶ້ນ​ກັບ​ເມືອງ​ນາຊາຍ​ທອງ ນະຄອນຫຼວງ​ວຽງ​ຈັນ ປະກອບ​ມີ 148 ໜ່ວຍ 1.831 ຄອບຄົວ 1.846 ຫຼັງຄາ​ເຮືອນ ມີພົນລະເມືອງ​ທັງ​ໝົດ 9.000 ຄົນ ຍິງ 4.540 ຄົນ ປະຊາຊົນ​ສ່ວນຫຼາຍ​ແມ່ນ​ຢຶດ​ຖື​ອາຊີບ​ຊາວ​ກະ​ສິກອນ​ປູກຝັງ-ລ້ຽງສັດເປັນ​ຫຼັກ ຖັດ​ລົງ​ມາ​ແມ່ນ​ອາຊີບ​ຄ້າຂາຍ ເຮັດ​ການ​ບໍລິການ ເປັນ​ພະນັກງານ ແລະ ອື່ນໆ ໂດຍ​ປະຕິບັດຕາມ​ຄຳ​ສັ່ງ​ແນະນຳເລກ​ທີ 09/​ກມສພ ວ່າ​ດ້ວຍ​ການ​ສ້າງ​ບ້ານ ແລະ ກຸ່ມ​ບ້ານ​ພັດທະນາ ແລະ ມະຕິ​ກົມ​ການເມືອງເລກ​ທີ 03/ກມສພ ວ່າ​ດ້ວຍ​ການ​ສ້າງ​ແຂວງ ເປັນ​​ຫົວ​ໜ່ວຍ​ຍຸດ​ທະ​ສາດ ສ້າງເມືອງ​ເປັນ​ຫົວໜ່ວຍ​ເຂັ້ມແຂງຮອບດ້ານ ແລະ ສ້າງ​ບ້ານ​ເປັນຫົວໜ່ວຍ​ພັດທະນາ.

ເພື່ອ​ເປັນ​ການ​ສ້າງ​ເງື່ອນໄຂອັນ​ສະດວກ ​ໃນ​ການຈັດຕັ້ງ​ປະຕິບັດ​ຕາມ 4 ເນື້ອ​ໃນ 4 ຄາດ ໝາຍ​ຕິດ​ພັນ​ກັບ​ຄຳ​ຂວັນ 6 ສ ເຫັນ​ໄດ້​ວ່າ​ປະຊາຊົນ​ມີ​ຄວາມເຂົ້າໃຈ ​ຕໍ່​ການ​ປ່ຽນແປງ​ໃໝ່​ຂອງແນວທາງ​ຂອງ​ພັກ ມີ​ຄວາມ​ອຸ່ນອ່ຽນ​ທຸ່ນ​ທ່ຽງ ເຊື່ອ​ໝັ້ນ​ຕໍ່​ການນຳພາ​ຂອງ​ພັກ ມີ​ຄວາມ​ສາ​ມັກຄີ​ຊ່ວຍເຫຼືອ​ເຊິ່ງ​ກັນ ແລະ ກັນ ບໍ່ມີ​ຄອບຄົວ​ທຸກ​ຍາກ ມີ​ກອງ​ທຶນພັດທະນາ​ບ້ານ ແລະ ອື່ນໆ ຖ້າທຽບໃສ່ 10 ມາດຖານ​ຂອງ​ການສ້າງ​ຄອບຄົວ​ພັດທະນາ ແລະ 19 ມາດຖານ​ຂອງ​ການ​ສ້າງ​ບ້ານ​ພັດທະ​ນາ ມາ​ຈັດ​ຕັ້ງ​ປະຕິບັດ ແລະ ກວດກາ​ປະ​ເມີນ​ຜົນ ແຕ່​ລະ​ມາດຖານ​ເງື່ອນໄຂ ເຫັນ​ວ່າ​ໄດ້​ຕາມແຜນການ​ຂອງ​ມາດຖານ​ເງື່ອນໄຂ ​ທີ່​ວາງ​ໄວ້​ຂອງ​ບ້ານ​ພັດທະນາ.

ພິທີ​ປະກາດ​ຮັບຮອງ​ເອົາ 5 ບ້ານ​ດັ່ງກ່າວ​ເປັນ​ບ້ານ​ພັດທະນາ ໄດ້​ຈັດ​ຂຶ້ນ​ວັນ​ທີ 13 ມີນາ 2015 ທີ່​ຜ່ານ​ມາ ຢູ່​ສະໂມສອນ​ປົກຄອງເມືອງ​ນາ​ຊາຍ​ທອງ ເຊິ່ງ​ມີ​ທ່ານ ບຸນ​ທ່ຽງ ຂຸນ​ສີ ປະທານ​ແນວລາວ​ສ້າງ​ຊາດ​ນະຄອນຫຼວງ​ວຽງຈັນ ທ່ານ ວິລະ​ສັກ ນາມ​ມຸນຕີ ເຈົ້າເມືອງ​ນາ​ຊາຍ​ທອງ ຜູ້​ຕາງໜ້າ​ຫ້ອງການ​ພັດທະນາ​ຊົນ​ນະບົດ ແລະ ລຶບລ້າງ​ຄວາມທຸກຍາກ​ນະຄອນຫຼວງ ແຂກ​ຖືກ​ເຊີນ ອຳນາດ​ການ​ປົກຄອງ​ບ້ານ ແລະ ພໍ່​ແມ່​ປະຊາຊົນ​ເຂົ້າ​ຮ່ວມ.

 

ແຫລ່ງຂ່າວ: ວຽງ​ຈັນ​ໃໝ່

 

ບົດຄວາມຫຼ້າສຸດ

ພິທີວາງສີລາລຶກການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມແຫ່ງໃໝ່

ສະຫະລັດອາເມຣິກາ ແລະ ສປປ ລາວ ສະເຫຼີມສະຫຼອງ ພິທີວາງ ສີລາລຶກ ການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມ ແຫ່ງໃໝ່ຂອງພາສີລາວ ນະຄອນຫຼວງວຽງຈັນ, ສປປ ລາວ, ວັນ​ທີ...

ແກ້ງຢານາຣົກຕີນຽນ! ໃສ່ປ້າຍລົດລັດຂົນຢາບ້າກວ່າ 10 ລ້ານເມັດຜ່ານຈຸດກວດ ສຸດທ້າຍຖືກເຈົ້າໜ້າທີ່ົໄລ່ຍິງ

ໄລ່ຍິງສະນັ່ນ! ເຈົ້າໜ້າທີ່ຕຳຫຼວດໄລ່ຍິງກຸ່ມແກ້ງຄ້າຢາເສບຕິດ ໂດຍການໃສ່ປ້າຍລົດລັດ. ໃນຄັ້ງວັນທີ 10 ພຶດສະພາ 2025 ທາງເຈົ້າໜ້າທີ່ປະຈໍາຈຸດກວດການໍ້າເກິ່ງໄດ້ເຮັດວຽກກວດກາຍານພາຫະນະເປັນປົກກະຕິ, ຮອດເວລາປະມານ 11 ໂມງ 00 ນາທີ ໄດ້ມີລົດຟໍຈູນເນີ ສີປອນ...

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...