ລວມພາບ 10 ອາຄານສຸດແປກແຫວກແນວຂອງການອອກແບບ

1

ລວມອາຄານບ້ານເຮືອນ ທີ່ສຸດແປກແຫວກແນວ ທ້າທາຍທັງສະຖາປັດຕະຍະກໍາ ແລະ ແຮງດືງດູດ

ພີພິທະພັນ ຮາໂນ່ຍ ຫວຽດນາມ

ພີພິທະພັນ ຮາໂນ່ຍອອກແບບໂດຍບໍລິສັດ ສະຖາປະນິກ GMP Architekten ຈາກເຢຍລະມັນທ້າທາຍຮູບແບບເກົ່າໆຂອງພິພິທະພັນ ດ້ວຍການອອກແບບທີ່ສຸດພ້ຽນ ເບິ່ງແລ້ວພາໃຫ້ນຶກເຫັນ ປິນລະມິດແຕ່ປິ້ນຫົວ ຄືຊັ້ນດ້ານລຸ່ມພັດມີຂະໜາດນ້ອຍສຸດ ທີ່ອ້ອມຮອບດ້ວຍສວນ ແລະ ສະນໍ້າ ດືງດູດຜູ້ຄົນເຂົ້າໄປເບິ່ງໃຫ້ຫາຍຄວາມສົງໃສ

2

ອາຄານ ຊີຊີທີວີ ທາວເວີຣ໌

ເຮົາບອກບໍ່ໄດ້ວ່າ ນີ້ຄືອາຄານ ລະຟ້າ ຫຼືວ່າໂຕຕໍ່ຂະຫນາດຍັກກັນແທ້ ແຕ່ມັນຄືໜຶ່ງໃນອາຄານທີ່ສູງທີ່ສຸດໃນປັກກິ້ງ ທີ່ຢືນສະຫງ່າສູງກວ່າ 230 ແມັດ ຖືເປັນຄວາມທ້າທາຍທາງວິສະວະກໍາ ທີ່ຕ້ອງສ້າງໃຫ່ມີຊ່ອງວ່າງເຄີ່ງກາງ. ທໍາອິດແຜນການກໍ່ສ້າງອາຄານນີ້ມີມາຕັ້ງແຕ່ 11ປີກ່ອນແຕ່ກໍ່ຖືກວິພາກວິຈານຢ່າງແຜ່ຫຼາຍ ຈົນທີ່ສຸດກໍ່ໄດ້ມາເປັນອາຄານທີ່ສຸດແປກແຫວກແນວ ເພີ່ມຄວາມລໍ້າຍຸກໃຫ້ພູມີທັດອ້ອມຂ້າງ

3

ເຮືອນເຕັ້ນໄດ້, ປຣາກ, ເຊ໊ກ

ອາຄານສຸດລໍ້າຍຸກຫຼັງນີ້ ໄດ້ຮັບການອອກແບບໂດຍສະຖາປະນິກຊື່ Frank Gehry ແລະ Vlado Milunić ແຜ່ນຄອນກຣິດທັງ 99 ມີຮູບແບບ ແລະ ລັກສະນະພິເສດທີ່ບໍ່ຄືໃຜ ເລີຍແມ່ນແຕ່ໂຕດຽວ ຖືກໃຊ້ເພື່ອຮອງຮັບນໍ້າໜັກຂອງຜາ “ເຕັ້ນໄດ້” ດັ່ງພາບເກົ່າທີ່ອາຄານຫຼັງນີ້ ຖືກສ້າງຂຶ້ນໃຫ້ແປກແຕກຕ່າງຈາກອາຄານສະໄຕລ໌ ບາໂຣກ ແລະ ອາຣ໌ຕູນ ໂວທີ່ພົບໄດ້ທົ່ວໄປ ໃນຍາມນີ້ ແຕ່ໄປໆມາໆ ອາຄານທັງຫຼັງ ໄດ້ກາຍເປັນສິນລະປະຂະໜາດໃຫຍ່ຂອງກຸງ ປຣາກໄປແລ້ວ

4

ອາຄານລອງກາເບີຣ໌ເກີຣ໌ , ໂອໄຮໄອ, ສະຫະລັດອາເມລິກາ

ກະຕ່າຍັກໂຕນີ້ເປັນອາຄານຂອງ ລອງເບີຣ໌ເກີຣ໌ ຜູ້ຜະລິດກະຕ່າໄມ້ ແລະ ສິນຄ້າເຄື່ອງໃຊ້ອຶ່ນໆ, ອອຟຟິສຂອງບໍລິສັດ ສ້າງຂຶ້ນ ໂດຍອິງຈາກສິນຄ້າ ທີ່ຂາຍດີທີ່ສຸດ ຊຶ່ງກໍ່ຄື “ກະຕ່າເລາະຕະຫຼາດຂະໜາກກາງ” ພາຍໃນມີ 7 ຊັ້ນ ສະເພາະແຕ່ຫູຫິ້ວ ກໍ່ມີນໍ້າໜັກຫຼາຍເຖີງ 150 ໂຕ່ນ ເພາະຕ້ອງມີລະບົບອຸ່ນຄວາມຮ້ອນໃຫ່ຕົນອງ ເພື່ອປ້ອງກັນບໍ່ໄຫ້ນໍ້າແຂງເກາະໂຕ ແລ້ວຫຼົ່ນລົງມາສ້າງຄວາມເສຍຫາຍ ໃຫ້ກັບກະຕ່າ(ອາຄານ) ດ້ານລຸ່ມໄດ້

5

ພິພິທະພັນ ຣໍຍັລອອນແທຣີໂອ, ໂຕລອນໂຕ. ການາດາ

ພິພິທະພັນເປັນໜຶ່ງໃນພິພິທະພັນທີ່ໃຫຍ່ທີ່ສຸດຂອງອາເມລິກາເໜືອ ສ່ວນຂອງໂຄງແກ້ວ ແລະ ອາລູມີນຽມໄດ້ຮັບການອອກແບບໂດຍສະຖາປະນິກຊື່ Daniel Libeskind ເພື່ອເຕີມແຕ່ງຂະໜາດບາງສ່ວນ ຂອງອາຄານດັ່ງເດີມຂອງພິພິທະພັນ. ບໍ່ແປກໃຈທີ່ການອອກແບບສຸດທ້າທາຍນີ້ ຈະສ້າງຄວາມບໍ່ພໍໃຈໃຫ້ກັບໃຜຫຼາຍໆຄົນ ແຕ່ນັ້ນກໍ່ທຽບກັນບໍ່ໄດ້ກັບ ຜູ້ຄົນເປັນລ້ານໆ ຕໍ່ປີທີ່ມຸ່ງໜ້າເພື່ອມາຊົມຄວາມແປກຂອງພິພິທະພັນໄດ້

6

ເຮືອນປິ້ນຫົວ, ທິໂຣລ , ອອສເຕຣເລຍ

ໜຶ່ງໃນວິທີການດືງດູດ ຄວາມສົນໃຈຄົນທີ່ດີທີ່ສຸດກໍຄື ການປິ້ນຫົວກັບຂອງເຮືອນໝົດຫຼັງ ແລະ ນັ້ນຄື ວິທີການທີ່ນັກສະຖາປະນິກ ຊາວໂປແລນ Irek Glowacki ແລະ Marek Rozhanski ໄດ້ລົງມືເຮັດແທ້ໆ ຕ້ອນນີເຮືອນປິ້ນຫົວໄດ້ກາຍເປັນແຫຼ່ງທ່ອງທ່ຽວທີ່ສໍາຄັນຂອງບ້ານ ຜູ້ເຂົ້າມາຊົມຈະໄດ້ວິນຫົວຫຼິ້ນໆ ໄປກັບທຸກສິ່ງທຸກຢ່າງ ແມ່ນແຕ່ສິ່ງຂອງທີ່ຕົກແຕ່ງພາຍໃນກໍ່ປິ້ນຫົວກັບ ຄືກັນຈົນໝົດ

7

ອະໂຕມຽມ,​ ບຣັສເຊລສ໌, ເບລຢຽມ

ຕອນນີ້ ອະໂຕມຽມ ອາດຈະເບິ່ງບໍ່່ໜ້າຕຶ້ນເຕັ້ນພໍເທົ້າໃດ ແຕ່ຍ້ອນກັບໄປເມື່ອປີ 1958 ມັນຄືສຸດຍອດຄວາມແປກແຫວກແນວ ອາຄານດັ່ງກ່າວຖືກອອກແບບ ທີ່ຮຽນແບບໂມເລກຸນຂອງທາດເຫຼັ້ກ ຂະຫຍາຍຂະໜາດ 1.65 ແສນລ້ານເທົ່າຈາກຂະໜາດແທ້ ຜົນງານຂອງ ວິສະວະກອນຊື່ André Waterkeyn

ພາຍໃນມີລິຟທ໌ ແລະ ຂັ້ນໄດເລື່ອນ ເຊື່ອມຕໍ່ລະຫວ່າງຊົງກົມແຕ່ລະຫ້ອງ CNN ຍົກອາຄານນີ້ເປັນອາຄານທີ່ແປກປະຫຼາດທີ່ສຸດຂອງ ຢຸໂຣບ

8

ຄາສິໂນແກຣນດ໌ລິສໂບ, ມາເກົ້າ, ຈີນ

ຄາສິໂນແກຣນດ໌ລິສໂບ ເບິ່ງໃຫ້ໂຊກຫຼາຍທີ່ສຸດເທົ່າທີ່ຫຼາຍໆຄົນຈະເຮັດໄດ້ແລ້ວ ເພາະສັບປະລົດຖືກເຊື່ອມໂຍງໄປວ່າໃຫ້ໂຊກດ້ານເງິນຄໍາໄດ້ ມິນ່າຄາສິໂນ ເຖີງຕ້ອງອອກແບບມາໃຫ້ເປັນຮູບຊົງແບບນີ້ ໂຮງແຮມ ແລະ ຄາສິໂນສູງ 58ຊັ້ນ 261 ແມັດ ແທ່ງນີ້ເປັນຜົນງານຂອງສະຖາປະນິກຊາຮ່ອງກົງຊື່ Dennis Lau ແລະ Ng Chun Man

9

ພິພິທະພັນອູສກາຣ໌, ນີເອໄມເຢີຣ໌, ບຣາຊິລ

ອາຄານນີ້ເບິ່ງຄືກັບຜົນງານສິນລະປະທີ່ໃຫຍ່ເກີນໂຕ ແຕ່ອັນທີ່ຈິງແລ້ວມັນເປັນພິພິທະພັນ ສິນລະປະ, ການອອກແບບ ແລະ ສະຖາປັດຕະຍະກໍາ ຕ່າງຫາກ ມັນໄດ້ສາຍານາມວ່າເປັນ “ພິພິທະພັນດວງຕາ” ເພາະຮູບຊົງໂຄ້ງໆ ດ້ານເທີງນັ້ນຄ້າຍຄືກັບດງວຕາສີດໍາຂະໜາດໃຫຍ່ ເຮັດໃຫ້ເຮົາຄຶດຫາອີຫຍັງທີ່ຄ້າຍໆກັບໃນໜັງມະຫາກາບຈັກເລື່ອງ

10

ເຮືອນລູກ ບາສກ໌ , ຣອຕເທີຣ໌ດາມ, ເນເທີຣ໌ແລນ

ເຮືອນລູກບາສກ໌ ຫຼືຊື່ແທ້ວ່າ “Kubuswoningen” ເປັນຜົນງານການອອກແບບຂອງ Piet Blom ລູກບາສກ໌ແຕ່ລະລູກ ຈະເຮັດມູມງ່ຽງ 45 ອັງສາຕັ້ງຢູ່ເທີງຖານຫົກຫຼ່ຽມ ຍິ່ງໄປກວ່ານັ້ນ ເຮືອນແຕ່ລະຫຼັງໝາຍຄວາມເຖີງຕົ້ນໄມ້ແຕ່ລະຕົ້ນ ລວມກັນເປັນປ່າແນວສິນລະປະ ແອ໊ບສະແຕຣກ ນາມທໍາມະສຸດລໍ້າເລີດ ຕາມໄອເດຍຂອງນັກອອກແບບ ແຕ່ເຮົາຂໍເລືອກເຮືອນຕົ້ນໄມ້ແບບທໍາມະດາໆ ແທນຈະດີກວ່າ…