ເລື່ອງເກີບກັບຜູ້ຍິງເປັນຂອງຄູ່ກັນແນ່ນອນຜູ້ຍິງມັກຈະມີເກີບຫລາຍຄູ່ເພື່ອໃສ່ໃນໂອກາດຕ່າງໆກັນບາງຄົນມີເກີບຫລາຍຄູ່ທີ່ມັກຢູ່ຫລາຍຄູ່ບາງຄູ່ກໍແສນຈະແພງດັ່ງນັ້ນການເບິ່ງແຍງເກີບຈຶ່ງເປັນເລື່ອງຈຳເປັນຫລາຍຈະໄດ້ມີເກີບຄູ່ງາມໃສ່ໄດ້ອີກດົນໆ
1.ເກີບໜັງແກ້ວ ຮອງຕີນໜັງແກ້ວແສນຈະບອບບາງໃສ່ບໍ່ຈັກເທື່ອກໍເກິດຮອຍຂີດຂ່ວນເຕັມໄປຫມົດ ໃຫ້ໃຊ້ຜ້ານຸ່ມໆຊຸບນ້ຳໝາດໆເຊັດເບົາໆຮອຍດຳກໍຈະຫາຍໄປເອງແຕ່ຖ້າຮອຍຂີດນັ້ນເລິກຫລາຍກໍອາດຈະຕ້ອງໃຊ້ຄີມຂັດຊ້ຳອີກແລະຫ້າມໃຊ້ນິ້ວຖູທີ່ຮອຍດຳເພາະອາດຈະເຮັດໃຫ້ເກີດຮອຍຂີດຂ່ວນອັນໃໝ່ໄດ້ທີ່ສຳຄັນຄວນເກັບໄວ້ໃນທີ່ແຫ້ງບໍ່ຮ້ອນແລະຫ້າມວາງເກິບຕາກແດດເປັນອັນຂາດເພາະຈະເຮັດໃຫ້ໜັງແກ້ວກອບແຕກເປັນອັນນ້ອຍໆ
2.ເກີບໜັງ ເກີບຊະນິດນີ້ມັກຈະມີບັນຫາລອກຢູ່ສະເໝີຫາກເກີບເປັນສີດຳໃຫ້ໃຊ້ຜ້າເຊັດຝຸ່ນທີ່ຕິດຢູ່ອອກຈົນໝົດແລ້ວໃຊ້ບິກສີດຳເຂັ້ມແຕ້ມເບົາໆທີ່ຮອຍລອກແລ້ວປະໄວ້ໄລຍະໜື່ງເພື່ອໃຫ້ນ້ຳໝຶກຊຶມເຂົ້າໄປໃນເນື້ອເກີບຈະແຕ້ມທັບຫລາຍໆຄັ້ງກໍໄດ້ຈົນກວ່າສີດຳຂອງໝຶກກັບເກີບຈະກົມກືນກັນໃນຂະນະທີ່ເກີບເປັນສີອື່ນຢ່າໃຊ້ບິກແຕ້ມແຕ່ໃຫ້ໄປຊື້ສີສຳລັບຍ້ອມເກິບໜັງໂດຍສະເພາະຈະຊ່ວຍລົບຮອຍລອກທີ່ຕ້ອງການ
3.ເກິບປະເພດມີສາຍຄາດ ຫລາຍຄັ້ງທີ່ຕ້ອງອາລົມບໍ່ດີເພາະສາຍຄາດເກີບສ່ວນໃຫຍ່ມັກຈະມາຂາດເອົາໃນເວລາທີ່ຕ້ອງການໃຊ້ດັ່ງນັ້ນໃຫ້ສັງເກດສາຍຮອງຕີນຫາກເລີ່ມຫຍ່ອນບໍ່ຕຶງໃຫ້ເຊົາໃສ່ເກີບຄູ່ນັ້ນໄປກ່ອນບໍ່ດັ່ງນັ້ນສາຍອາດຈະໄປຂາດກາງທາງໄດ້ແຕ່ໃສ່ຢູ່ແລ້ວສາຍເກີບຂາດກາງທາງວິທີແກ້ຄືໃຫ້ຫາໜັງຢາງເສັ້ນໃຫຍ່ໆຫລາຍໆເສັ້ນຮັດຕີນເຈົ້າກັບເກີບເຂົ້ານຳກັນແລ້ວຄ່ອຍເອົາໄປໃຫ້ຮ້ານຫຍິບໃຫ້ແໜ້ນອີກຄັ້ງ