1.ເປີດຮູຂຸມຂົນ ໃນແຕ່ລະວັນທີ່ຕ້ອງອອກໄປຂ້າງນອກຮູ້ຫລືວ່າສິ່ງສົກກະປົກຕ່າງໆສາມາດມາອຸດຕັນຮູຂຸມຂົນໄດ້ໂດຍທີ່ເຈົ້າອາດບໍ່ຮູ້ຕົວໂດຍສະນັ້ນສະເຕັບທຳອິດໃນການທຳຄວາມສະອາດຄືການເປີດຮູຂຸມຂົນເພື່ອໃຫ້ເຮັດຄວາມສະອາດໄດ້ໝົດຈົດໂດຍໃຫ້ນຳຜ້າຂົນໜູມາຊຸບນ້ຳຮ້ອນແລ້ວບິດອອກຈາກນັ້ນນຳມາວາງໄວ້ເທິງໃບໜ້າແຕ່ນ້ຳທີ່ໃຊ້ບໍ່ຄວນຈະຮ້ອນເກີນໄປບໍ່ຢ່າງນັ້ນອາດຈະສົ່ງຜົນເສຍຕໍ່ຜິວໜ້າໄດ້
2.ລ້າງໜ້າ ຂັ້ນຕອນຕໍ່ໄປກໍເຖິງເວລາເຮັດຄວາມສະອາດຜິວແລ້ວໂດຍໃຫ້ເຈົ້າເລືອກໃຊ້ຄຣີນເຊີເຮັດຄວາມສະອາດຜິວໜ້າສູດອ່ອນໂຍນບີບລົງເທິງຝ່າມືຈາກນັ້ນນຳມານວດວົນໆເທິງໃບໜ້າປະມານ30ວິນາທີແລ້ວລ້າງອອກດ້ວຍນ້ຳອຸ່ນແລ້ວໃຊ້ຜ້າຂົນໜູຊັບເບົາໆໃຫ້ແຫ້ງ
3.ຂັດຜິວ ນຳນ້ຳຕານ2ບ່ວງມາປະສົມກັບນ້ຳສະອາດ2ບ່ວງຈາກນັ້ນຄົນໃຫ້ເຂົ້າກັນ ແລ້ວຄ່ອຍນຳນ້ຳຕານມາໃສ່ເພີ່ມອີກຄຶ່ງບ່ວງຈຶ່ງຄ່ອຍນຳສ່ວນປະສົມທີ່ໄດ້ມາຂັດວົນໆໃຫ້ທົ່ວໃບໜ້າເລີ່ມຈາກໜ້າຜາກ ແກ້ມຊ້າຍແລະຂວາໂດຍແຕ່ລະສ່ວນໃຫ້ນວດວົນໆໃຊ້ເວລາ1ນາທີສຳເລັດທຸກສ່ວນແລ້ວຄ່ອຍລ້າງອອກດ້ວຍນ້ຳອຸ່ນ
4.ປັບສີຜິວໃຫ້ໃສ ບີບໝາກນາວລົງຖ້ວຍປະມານ20ຢອດຈາກນັ້ນໃຊ້ນິ້ວມືແຕະນ້ຳໝາກນາວມາທາເທິງໃບໜ້າປະມານ10ວິນາທີແລ້ວລ້າງອອກຫລືຈະບີບໝາກນາວເຄຶ່ງປ່ຽງມາປະສົມກັບນ້ຳເຜຶ້ງເຄຶ່ງບ່ວງກາແຟແລ້ວຄ່ອຍນຳມາທາເທິງໃບໜ້ານວດວົນໆປະມານ30ວິນາທີຄ່ອຍລ້າງອອກດ້ວຍນ້ຳອຸ່ນ
5.ປິດຮູຂຸມຂົນ ເມື່ອເປີດຮູຂຸມຂົນດ້ວຍນ້ຳອຸ່ນຫລືນ້ຳຮ້ອນແລ້ວໃຫ້ປິດລູຂຸມຂົນກັບດ້ວຍນ້ຳເຢັນໂດຍໃຫ້ນ້ຳເຢັນໃສ່ໜ້າແບບບໍ່ຕ້ອງສຳຜັດຜິວໜ້າຫລາຍຈາກນັ້ນນຳນ້ຳກ້ອນມາຖູໆໃຫ້ທົ່ວໃບໜ້າແລະລຳຄໍເພື່ອປິດຮູຂຸມຂົນເຊັດໜ້າໃຫ້ແຫ້ງແລ້ວລົງມອຍເຈີໄລເຊີໃຫ້ທົ່ວໃບໜ້າ