ເຄີຍໄດ້ຍິນສາວໆຫລາຍຄົນຈົ່ມວ່າຖ້າລວມກໍງາມໄປແລ້ວແຕ່ບອກເລີຍວ່າຄວາມຈິງບໍ່ຈຳເປັນຕ້ອງລວຍຫລືມີງົບເຮັດງາມຫລວງຫລາຍສາວໆກໍສາມາດອັບຄວາມງາມໄດ້ຄືກັນເພາະຂອງໃກ້ຕົວຫລືຂອງໃຊ້ໃນເຮືອນທີ່ເຄີຍເບິ່ງຂ້າມນີ້ແຫລະທີ່ຈະມາເປັນຕົວຊ່ວຍໃນການເສີມຄວາມງາມໄດ້ເປັນຢ່າງດີເລີຍມື້ນີ້ຈຶ່ງນຳ10ເຄັດລັບຄວາມງາມໃນສະບັບປະຫຍັດເງີນມາຝາກຮັບຮອງວ່າເດັດແລະບາງຂໍ້ເຈົ້າອາດບໍ່ເຄີຍຮູ້ເລີຍ
1.ອາຍໄລເນີເກົ່າ ສໍອາຍໄລເນີລ໌ເກົ່າທີ່ແຂງຈົນເຮັດໃຫ້ເຈັບຕາຢ່າຄິດໂຍນຖິ້ມເພາະພຽງເຈົ້ານຳໄປລົນໄຟຈັກ1-2ວິນາທີແລ້ວປະໄວ້ໄລຍະໜຶ່ງໄສ້ສໍກໍຈະອ່ອນລົງແລະໃຊ້ງານໄດ້ຄືເກົ່າ
- ຮູຂຸມຂົນຫົດຕົວໄດ້ດ້ວຍນ້ຳເຢັນ ກຸ້ມໃຈເພາະເກີດມາເປັນສາວຮູຂຸມຂົນໃຫຍ່ກໍບໍ່ຕ້ອງກັງວົນໄປເພາະເຈົ້າສາມາດລຸດຂະໜາດລູຂຸມຂົນໃຫ້ນ້ອຍລົງໄດ້ພຽງນຳນ້ຳເຢັນມາປະສົມນ້ຳແຂງຈາກນັ້ນໃຫ້ເອົາໜ້າຈຸ່ມລົງໄປຖິ້ມໄວ້ 8-10 ວິນາທີ
3.ຕາບວມຫາຍໄດ້ດ້ວຍຖົງຊາ ພຽງນຳຖົງຊາໄປຈຸ່ມໃນນ້ຳຮ້ອນ3ນາທີຈາກນັ້ນຄ່ອຍນຳໄປໄວ້ໃນຕູ້ເຢັນຈົນເຊົາຮ້ອນແລ້ວຄ່ອຍນຳຖົງຊາທີ່ແຊ່ໄວ້ອອກມາແປະໄວ້ທີ່ຕາ10ນາທີ
4.ປັບສີຜິວດ້ວຍນ້ຳແອບເປີນ ສິວນິ້ເປັນຕົວຮ້າຍແທ້ໆເພາະເຮັດໃຫ້ເຈັບໜ້າແລ້ວບໍ່ພໍກໍຍັງປະຮອຍໄວ້ໃຫ້ຊ້ຳໃຈອີກໃຜທີ່ມີບັນຫາຮອຍສິວຫລືສີຜິວບໍ່ສະໝ່ຳສະເໝີກໍລອງນຳນ້ຳແອບເປີນ1ສ່ວນມາປະສົມກັບນ້ຳ4ສ່ວນຈາກນັ້ນນຳມາ ທາໃຫ້ທົ່ວໃບໜ້າຫລັງລ້າງໜ້າກ່ອນນອນ
5.ຜົມນຸ່ມເງົາງາມດ້ວຍນ້ຳມັນໝາກກອກ ຮູ້ໄວ້ວ່ານ້ຳມັນໝາກກອກບໍ່ພຽງແຕ່ຈະເອົາໄປເຮັດອາຫານໄດ້ຢ່າງດຽວແຕ່ມັນຍັງຊ່ວຍເຕີມຄວາມຊຸ່ມຊື້ນໃຫ້ຜົມໄດ້ຫາກໃຜຜົມແຫ້ງເສຍກໍຮີບຈັດການດ່ວນໆດ້ວຍການນຳນ້ຳມັນມະກອກຄຶ່ງຖ້ວຍໄປອຸ່ນໃນໄມໂຄເວຟ10ວິນາທີຈາກນັ້ນນຳມາໝັກຜົມໄວ້ 20 ນາທີ ແລ້ວຄ່ອຍລ້າງອອກດ້ວຍຢາຊະຫົວ
6.ຂົນຕາງອນກວ່າເກົ່າດ້ວຍໄດເປົ່າຜົມ ການດັດຂົນຕາສາມາດເຮັດໃຫ້ຂົນຕາໜາງອນໄດ້ຫລາຍກວ່າເກົ່າພຽງນຳໄດມາເປົ່າໃຫ້ຢາງທີ່ດັດຂົນຕາຮ້ອນຈັກ3-4ວິນາທີຈາກນັ້ນລໍໃຫ້ອຸ່ນໆຄ່ອຍນຳໄປດັດຂົນຕາ ຮັບຮອງວ່າໜາງອນກ່ວາເກ່າ
7.ຂັດຜິວໃສດ້ວຍສູດສະຄັບເຮັດເອງ ຜິວໝອງຄ້ຳບໍ່ສົດໃສເປັນເພາະເຈົ້າບໍ່ເຄີຍຂັດຜິວເລີຍແຕ່ຢ່າໃຈຮ້ອນອອກໄປຊື້ສະຄັບສຳເລັດຮູບມາໃຊ້ເພາະເຈົ້າເຮັດເອງໄດ້ງ່າຍໆດ້ວຍການນຳນ້ຳຕານ2ສ່ວນມາປະສົມກັບນ້ຳມັນມະກອກຫລືນ້ຳມັນມະພ້າວ1ສ່ວນຈາກນັ້ນຄ່ອຍນຳມາຂັດເບົາໆທີ່ໃບໜ້າແລ້ວລ້າງອອກດ້ວຍນ້ຳອຸ່ນ
8.ລຸດຮອຍແດງຈາກສິວດ້ວຍນ້ຳຢາຫຍອດຕາ ບໍ່ຢາກຈະເຊື່ອເລີຍວ່າຢາສາມັນປະຈຳບ້ານຄືນ້ຳຢາຫຍອດຕາຈະສາມາດຊ່ວຍລຸດຮອຍແດງຈາກສິວໄດ້ຄືກັນລອງນຳສຳລີກ້ອນຊຸບນ້ຳຢາຫຍອດຕາແລ້ວນຳມາວາງໄວ້ເທິງຈຸດທີ່ມີຮອຍສິວເບິ່ງມັນຈະຊ່ວຍລຸດຄວາມແດງຊົ່ວຄາວເໝາະຫລາຍກັບວັນທີ່ຕ້ອງໄປງານສຳຄັນໆ
9.ຜິວຊຸ່ມຊື້ນດ້ວຍອະໂວຄາໂດ ຜິວແຫ້ງຫລາຍຈົນເຮັດໃຫ້ແຕ່ງໜ້າບໍ່ງາມລອງມາບຳລຸງດ້ວຍສູດທຳມະຊາດດ້ວຍການນຳອະໂວຄາໂດບົດ1ໜ່ວຍມາທາໃຫ້ທົ່ວໃບໜ້າປະໄວ້20ນາທີຄ່ອຍລ້າງອອກດ້ວຍນ້ຳອຸ່ນຜິວນຸ່ມຊຸ່ມຊື້ນໜ້າສຳຜັດສຸດໆ
10. ສີຜົມແຈ້ງດ້ວຍໝາກນາວ ຖ້າຢາກໃຫ້ສີຜົມແຈ້ງເພື່ອຄວາມໂດດເດັ່ນຫລາຍຂຶ້ນລອງນຳມະນາວ 4ໜ່ວຍມາຄັ້ນເອົາແຕ່ນ້ຳແລ້ວນຳມາປະສົມກັບນ້ຳສະອາດ1/3ຖ້ວຍຈາກນັ້ນກໍນຳໄປເທໃສ່ກ໋ອງສະເປີແລະນຳມາສີດຜົມໃຫ້ທົ່ວແລ້ວອອກໄປຍ່າງໃນກາງແດດ45ນາທີກັບມາແລ້ວລ້າງອອກເຈົ້າກໍຈະເຫັນວ່າສີຜົມອ່ອນລົງຢ່າງໜ້າປະຫລາດໃຈເລີຍແຫລະ
