spot_img
Homeຂ່າວການພັດທະນາສະ​ໜາມ​ບິນ​ອັດ​ຕະ​ປື ໃກ້​ສຳ​ເລັດ​ແລ້ວ ກຽມ​ເປີດ​ນຳ​ໃຊ້​ອີກ​ບໍ່​ດົນ​ນີ້!

ສະ​ໜາມ​ບິນ​ອັດ​ຕະ​ປື ໃກ້​ສຳ​ເລັດ​ແລ້ວ ກຽມ​ເປີດ​ນຳ​ໃຊ້​ອີກ​ບໍ່​ດົນ​ນີ້!

Published on

7ea9291aca8e7b25f203595a2a47012f

ສະ­ໜາມ​ບິນ​ສາ­ກົນ​ອັດ​ຕະ​ປື ພາຍ­ຫຼັງ​ທີ່​ລົງ­ມື​ກໍ່­ສ້າງ​ມາ​ແຕ່​ທ້າຍ​ປີ 2013 ເປັນ­ຕົ້ນ​ມາ ຮອດ​ຂະ­ນະ​ນີ້​ໃກ້​ຈະສຳ­ເລັດ​ແລ້ວ, ຄາດ​ວ່າ​ຈະ​ເປີດ​ນຳ​ໃຊ້​ໃນອີກ​ບໍ່​ຊ້າ​ນີ້ ແລະ ຈະ​ປະ­ກອບ­ສ່ວນ​ອັນ​ສຳຄັນ​ເຂົ້າ​ໃນ​ການ​ພັດ­ທະ­ນາ​ເສດຖະ​ກິດ-ສັງຄົມ, ການ­ທ່ອງ­ທ່ຽວ​ຂອງ​ແຂວງ​ອັດ​ຕະ​ປື ກໍ​ຄືຂອບ​ເຂດ​ທົ່ວ​ປະ­ເທດ.

ການ​ກໍ່­ສ້າງ​ສະ­ໜາມ​ບິນ​ອັດ​ຕະ​ປື ແມ່ນ​ໜຶ່ງ​ໃນ​ໂຄງ­ການ​ຂອງ​ລັດ­ຖະ­ບານ ເພື່ອ​ຮອງ​ຮັບ​ເຮືອ­ບິນ​ຈາກ​ສາຍ­ພາຍ​ໃນ ແລະ ຕ່າງ­ປະ­ເທດ​ໃນ​ອະ­ນາ­ຄົດຈຸດ​ປະສົງ​ຂອງ​ໂຄງ­ການ ເພື່ອ​ຊຸກ­ຍູ້​ສົ່ງ­ເສີມ​ການພັດ­ທະ­ນາ​ເສດ­ຖະ­ກິດ-ສັງ­ຄົມ ແລະ ການທ່ອງ​ທ່ຽວ​ຂອງ​ແຂວງ​ອັດ​ຕະ​ປື ກໍ​ຄື​ຂອບເຂດ​ທົ່ວ​ປະ­ເທດ ໂດຍ​ສະ­ເພາະ​ແມ່ນ​ວຽກງານ​ການ​ຂົນ­ສົ່ງ​ທາງ​ອາ­ກາດ ທັງ​ນີ້ ໃນໄລ­ຍະ​ຍາວ​ແມ່ນ​ການ​ຜັນ​ຂະ­ຫຍາຍ​ແຜນພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ລັດ ​ຖະບານ​ປີ 2010-2020 ຕາມ​ນະ­ໂຍ­ບາຍຫັນ ສປປ ລາວ ຈາກ​ປະ­ເທດ​ບໍ່​ມີ​ຊາຍແດນ​ຕິດ​ກັບ​ທະ­ເລ​ມາ​ເປັນ​ປະ­ເທດ​ທາງຜ່ານ ແລະ ມີ​ຄວາມ​ມຸ່ງ​ໝັ້ນ​ເພື່ອ​ນຳ­ພາ​ປະ­ເທດ​ຊາດ​ຫຼຸດ​ພົ້ນ​ອອກ​ຈາກ​ປະ­ເທດ ດ້ອຍ​ພັດ­ທະ­ນາ​ໃນ​ປີ 2020.

ໂດຍ​ໂຄງ­ການ​ແມ່ນ​ມີ​ມູນ​ຄ່າ​ການ​ກໍ່ສ້າງ​ກວ່າ 289 ຕື້​ກວ່າ​ກີບ ທີ່​ເປັນ​ທຶນ​ກູ້ຢືມ​ຈາກ​ບໍ­ລິ­ສັດ​ຮຸ້ນ​ສ່ວນ​ຮວ່າງ​ແອງ​ຢາ ລາຍອັນ​ມີ​ເປົ້າ​ໝາຍ​ກໍ່­ສ້າງ​ໃຫ້​ເປັນ​ສະ­ໜາມ​ບິນ​ທີ່​ມີ​ການ​ກໍ່­ສ້າງ​ຕາມ ​ມາດ​ຕະຖານ​ຂອງ​ກົມ​ການ­ບິນ​ພົນ​ລະ​ເຮືອນ ແລະ ສາ­ກົນ ສາ­ມາດ​ຮອງ​ຮັບ​ເຮືອ­ບິນ​ຂະ­ໜາດ 70-100 ບ່ອນ​ນັ່ງ​ເຊັ່ນ: ເຮືອ­ບິນ ATR 72, Fokker 70, MA-60, Fokker-100 ຫຼື ທຽບ​ເທົ່າ.

ແນວ­ໃດ​ກໍ​ດີ​ຕາມ​ຂໍ້​ມູນ​ທີ່​ຄະ­ນະ​ຮັບ​ຜິດ ຊອບ​ໄດ້​ລາຍ​ງານ​ຕໍ່​ທ່ານ ສົມ​ສະ­ຫວາດ ເລັ່ງ​ສະ​ຫວັດ ຮອງ​ນາ­ຍົກ­ລັດ­ຖະ­ມົນ­ຕີ, ຜູ້ຊີ້​ນຳ​ວຽກ​ງານ​ເສດ­ຖະ­ກິດ, ການ​ຜະ­ລິດ ແລະ ຈໍ​ລະ​ຈອນເນື່ອງ​ໃນ​ໂອ­ກາດ​ລົງ​ຢ້ຽມຢາມ ແລະ ເຮັດ​ວຽກ​ຢູ່​ແຂວງ​ອັດ​ຕະ​ປື ເມື່ອ​ວັນ​ທີ 24 ກຸມ­ພາ​ຜ່ານ​ມາ​ວ່າ: ສະໜາມ​ບິນ​ດັ່ງ­ກ່າວ ເລີ່ມ​ກໍ່­ສ້າງ​ມາ​ແຕ່​ວັນ​ທີ 10 ພຶດ­ສະ­ພາ 2013 ເປັນ​ໄລ­ຍະ​ເວ­ລາ 2 ປີ (24 ເດືອນ) ມາ​ຮອດ​ປະ­ຈຸ​ບັນ ສຳ­ເລັດ​ແລ້ວ​ປະ­ມານ 90,13% ຖື​ວ່າ​ລື່ນແຜນ­ການ 1,65% ຊຶ່ງ​ຍັງ​ຈະ​ໄດ້​ສືບ­ຕໍ່​ປັບປຸງ​ແຜນ­ທີ່​ທາງ​ອາ­ກາດ, ການ​ຈັດ​ຊື້​ອຸ­ປະກອນ ແລະ ການ​ກະ­ກຽມ​ຄວາມ​ພ້ອມ ເພື່ອ​ເປີດ​ບໍ­ລິ­ການ.

ພ້ອມ​ດຽວ​ກັນ​ນັ້ນ​ທ່ານ ສົມ​ສະ­ຫວາດ ເລັ່ງ​ສະ​ຫວັດ ກໍ​ຍັງ​ໄດ້​ລົງ​ຢ້ຽມ ແລະ ຊຸກຍູ້​ໂຄງ­ການ​ລ້ຽງ​ງົວ​ຂຸນອັນ​ແມ່ນ​ການຫັນ­ປ່ຽນ​ພື້ນ​ທີ່​ສຳ​ປະ­ທານ​ປູກ​ ຢາງ­ພາ­ລາ 1.500 ເຮັກ­ຕາ ທີ່​ຍັງ​ບໍ່​ທັນ​ດຳ­ເນີນ​ການປູກ ເນື່ອງ​ຈາກ​ລາ­ຄາ​ຢາງ­ພາ­ລາ​ໃນ​ຕະຫຼາດ​ໂລກ​ຕົກ­ຕ່ຳ​ຫຼາຍ ຈຶ່ງ​ໄດ້​ຫັນ​ມາ​ເຮັດກິດ­ຈະ­ການ​ທີ່​ມີ​ຜົນຕອບ​ແທນ​ໄວ ກໍ​ຄື​ການ​ລ້ຽງ​ງົວ​ຊີ້ນ ຫຼື ງົວ​ຂຸນ ເພື່ອ​ສົ່ງ​ອອກ ໂດຍ​ໄດ້​ເລີ່ມ​ປູກ​ຫຍ້າ ເພື່ອ​ລ້ຽງ​ງົວ​ມາ​ແຕ່​ປີ 2012 ມາ​ຮອດ ທ້າຍ​ປີ 2014 ໄດ້​ເລີ່ມ​ເກັບ​ຊື້​ງົວ ແລະ
ນຳ​ເຂົ້າ​ຈາກ​ປະ­ເທດ​ໄທ ແລະ ປະ­ເທດອົສ​ຕຣາ​ລີ ຈຳ­ນວນ 10 ພັນ​ໂຕ ພ້ອມ​ນີ້ ກໍ​ມີ​ແຜນ​ຈະ​ລ້ຽງ​ງົວ​ຂຸນ​ໃຫ້​ໄດ້ 1 ແສນໂຕ.

 

ແຫລ່ງ​ຂ່າວ: ເສດ​ຖະ​ກິດ – ສັງ​ຄົມ

 

ບົດຄວາມຫຼ້າສຸດ

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....