ສາວເຮັດວຽກຫ້ອງການທັງຫລາຍເຄີຍຮູ້ສຶກນຳບໍວ່າຕັ້ງແຕ່ເລີ່ມຊີວິດການເຮັດວຽກງານ ຮ່າງກາຍແລະສຸກຂະພາບກໍເລີ່ມເກືອບຈະບໍ່ຄືເກົ່າແລ້ວເພາະທັງນ້ຳໜັກຕົວທີ່ເພີ່ມຫລາຍຂຶ້ນແລະອາການເຈັບປ່ວຍອອດໆແອດໆທີ່ເປັນຢູ່ສະເໝີນັ້ນເປັນເພາະສິ່ງທີ່ເຈົ້າເຮັດເປັນປະຈຳຢ່າງບໍ່ຮູ້ຕົວນັ້ນແຫລະທີ່ສົ່ງຜົນໃຫ້ເປັນແບບນີ້ວ່າແຕ່ຈະມີພຶດຕິກຳໃດທີ່ເຮັດໃຫ້ຫຸ່ນຂອງເຈົ້າພັງບໍ່ຄືເກົ່ານຳມາເບິ່ງກັນເລີຍດີ
1.ນັ່ງແຊ່ທີ່ໂຕະເຮັດວຽກ ສາວໆຄົນໃດທີ່ເອົາແຕ່ນັ່ງແຊ່ທີ່ໂຕະເຮັດວຽກຕະຫລອດຕັ້ງແຕ່ເຊົ້າຈົນຮອດແລງບອກເລີຍວ່າແບບນີ້ບໍ່ດີເພາະຖ້າບໍ່ລຸກອອກໄປຍືດເສັ້ນຍືດສາຍຫລືສູບອາກາດຂ້າງນອກນຳອາດເຮັດໃຫ້ເຈົ້າປ່ວຍໄດ້ງ່າຍໆອີກທັງຖ້າມົວແຕ່ນັ່ງແຊ່ຢູ່ທ່າເກົ່າດົນໆລະວັງພະຍາດOffice Syndrome ປວດຫລັງປວດບ່າຈະຖາມຫາເອົາໄດ້
2.ເສບຕິດເຄື່ອງດື່ມຫລາຍດ້ວຍແຄລໍລີ່ ຮຽກໄດ້ວ່າເຄື່ອງດື່ມຫລາຍແຄລໍລີ່ຢ່າງພວກກາແຟເຢັນ,ໂກໂກ້ຫລືຊານົມທັງຫລາຍເປັນຂອງຄູ່ກັນກັບສາວໆຢູ່ແລ້ວເພາະເຊົ້າຂຶ້ນມາກໍຕ້ອງຖືເຂົ້າຫ້ອງເຮັດວຽກກັນຄົນລະຈອກສອງຈອກທຸກມື້ເຜີໆບ່າຍແລະແລງກໍຈັດມາອີກຄົນລະຈອກຊຶ່ງເຄື່ອງດື່ມພວກນີ້ແຫລະທີ່ມີນ້ຳຕານຢູ່ຫລາຍຖ້າບໍ່ຍອມລຸດບອກເລີຍຫຸ່ນຂອງເຈົ້າຈະຕຸ້ຍພາຍໃນເວລາອັນວ່ອງໄວແນ່ນອນ
3.ມີຂະໜົມວາງໃກ້ມື ນັ່ງເຮັດວຽກໝົດມື້ກໍຕ້ອງມີຫິວກັນນຳຈຶ່ງບໍ່ແປກທີ່ສາວໆຈະມັກຊື້ເຂົ້າໜົມມາໄວ້ເທິງໂຕະເພື່ອເວລາຫິວຖ້າຢ່າງນັ້ນກໍບໍ່ຕ້ອງແປກໃຈເລີຍວ່າຕັ້ງແຕ່ເຮັດວຽກມາເປັນຫຍັງນ້ຳໜັກຂອງເຈົ້າພຸ່ງພວດຂຶ້ນຈົນໜ້າຕົກໃຈມັນເປັນເພາະເຈົ້າຂະໜົມເຫລົ່ານີ້ແຫລະ
4.ນັດສ້າງສັນຫລັງເລີກວຽກ ຮູ້ຢູ່ແລ້ວແຫລະວ່າຫລັງເລີກງານກໍຍັງບໍ່ຢາກກັບເຮືອນເລີຍເພາະລົດຕິດ ແຖມຍັງຢາກປາລ໌ຕີ້ກັບເພື່ອນໆຢູ່ຍິ່ງເປັນແລງມື້ສຸກຍິ່ງປາລ໌ຕີ້ຍາວເລີຍນີ້ແຫລະເປັນຕົ້ນເຫດທີ່ເຮັດໃຫ້ສາວໆຫຸ່ນພັງເລີຍເພາະທັງແອວກໍຮອລ໌ແລະອາຫານຕ່າງໆຕອນສ້າງສັນມັນເຮັດໃຫ້ຕຸ້ຍໄດ້ງ່າຍໆທັງນັ້ນ
5.ຂີ້ຄ້ານອອກກຳລັງກາຍ ການອອກກຳລັງກາຍບໍ່ແມ່ນພຽງແຕ່ເຮັດໃຫ້ຫຸ່ນຟິດຂຶ້ນເທົ່ານັ້ນແຕ່ຍັງເຮັດໃຫ້ເຈົ້າສຸຂະພາບດີຫ່າງໄກໂລກໄພໄຂ້ເຈັບອີກດ້ວຍທາງທີ່ດີຫລັງເລີກງານແທນທີ່ຈະຊວນເພື່ອນໄປກິນກໍຫັນມາຊວນກັນໄປອອກກຳລັງກາຍດີກວ່າເຊົາຂີ້ຄ້ານໄດ້ແລ້ວ
