ພາຍຫຼັງການກໍ່ສ້າງຍົກຍ້າຍຈັດສັນເມືອງກະລຶມໃໝ່ໄດ້ດຳເນີນມາແຕ່ປີ 2012 ຈົນມາຮອດປະຈຸບັນນີ້ເຫັນວ່າມີ ຫຼາຍໜ້າວຽກທີ່ສຳເລັດແລ້ວເປັນຕົ້ນ ການປຸກສ້າງເຮືອນ ຊຶ່ງວັນທີ 19 ກຸມ ພານີ້ ກໍໄດ້ຈັດພີທີມອບ-ຮັບເຮືອນໃຫ້ແກ່ ປະຊາຊົນບ້ານແກ້ງກຸຍ, ບ້ານແກ້ງກຽນ ຂອງເມືອງກະລຶມ ແຂວງເຊກອງຂຶ້ນ ຢ່າງເປັນທາງການຢູ່ທີ່ສະໂມສອນ ເມືອງດັງກ່າວ.
ທ່ານ ແສງຈັນ ຈັນທອງສີ ຄະນະ ກອງເລຂາຄະນະກຳມະການຍົກຍ້າຍຈັດສັນ ເມືອງກະລຶມ ໃໝ່ຂັ້ນເມືອງໃຫ້ຮູ້ວ່າ: ການມອບ-ຮັບເຮືອນຄັ້ງນີ້້ຄະນະກຳມະການຍົກຍ້າຍ ຈັດສັນເມືອງກະລຶມໃໝ່ ໄດ້ຈັດຕັ້ງປະຕິບັດຕາມຂໍ້ຕົກລົງຂອງທ່ານເຈົ້າແຂວງ ສະບັບເລກທີ 06/ຈຂ,ຊກ ແລະ ທິດຊີ້ ນຳຂອງທ່ານເຈົ້າເມືອງໆກະລຶມ ໃນນັ້ນໄດ້ແຕ່ງຕັ້ງຄະນະກຳມະການຮັບຜິດ ຊອບຈົກສະຫຼາກ ບ້ານໜຶ່ງອອກເປັນ 3 ຈຸດ ຊຶ່ງຈຸດທີ 1 ບ້ານແກ້ງກຽນ ນຳໂດຍທ່ານ ບົວເງິນ ພຽນດາວັນ ປະທານກວດກາພັກລັດ ເປັນປະທານ, ຈຸດທີ 2 ນຳໂດຍ ທ່ານ ສົມຫວັງ ກວດ ແກ້ວມະນີວົງ ຫົວໜ້າກອງບັນຊາການ ປກສ ເປັນປະທານ ແລະ ຈຸດທີ 3 ທ່ານ ຄຳປະເສີດ ດອຍບົວລະພາ ຫົວ ໜ້າຫ້ອງການ ຍທຂ ເປັນປະທານ.
ສ່ວນບ້ານແກ້ງກຸຍຈຸດທີໜຶ່ງ ທ່ານ ສາຍຄຳ ແກ້ວບຸນປານ ຮອງເຈົ້າເມືອງ ເປັນປະທານ, ຈຸດທີສອງ ທ່ານ ອຸດົມ ສຸກ ບຸດສວນທຽນ ຫົວໜ້າຄະນະໂຄສະ ນາອົບຮົມເມືອງເປັນປະທານ, ຈຸດທີສາມ ທ່ານ ຄຳພັນ ວົງດາລາດ ອະດີດຄະນະ ປະຈຳພັກເມືອງເປັນປະທານ.
ໂດຍເຮືອນທີ່ມອບ-ຮັບໃນຄັ້ງນີ້ມີ ທັງໝົດຈຳນວນ 439 ຫຼັງປະກອບມີ 3 ປະເພດຄື ປະເພດທີໜຶ່ງ 34 ຫຼັງ, ປະ ເພດສອງ 196 ຫຼັງ ແລະ ປະເພດສາມ 179 ຫຼັງ ເພື່ອຊົດເຊີຍໃຫ້ປະຊາຊົນ ທີ່ ຍົກຍ້າຍໄປຢູ່ເທສະບານ ເມືອງກະລຶມ ໃໝ່ໄດ້ມີບ່ອນຢູ່ອາໄສທີ່ຖາວອນ ແລະ ວັນດຽວກັນຍັງໄດ້ມອບທີ່ດິນທຳການ ຜະລິດໃຫ້ເຮືອນລະ 1 ເຮັກຕາອີກດ້ວຍ.
ແຫລ່ງຂ່າວ: ເສດຖະກິດ – ສັງຄົມ