ເນີຍກ້ອນທີ່ໃຊ້ປະກອບອາຫານແລະເຂົ້າໜົມທີ່ແຊບຊ້ອຍຊຶ່ງມີຄວາມມັນແລະມີຄວາມໝື່ນຫລາຍກໍຊ່ວຍແກ້ບັນຫາໃນງານເຮືອນໄດ້ຫລາຍຢ່າງ
-ຮອຍດ່າງເທິງໄມ້ທີ່ເກີດຈາກນ້ຳຊຶມປາດເນີຍລົງໄປເທິງຈຸດເກີດເຫດຖິ້ມໄວ້ຂ້າມຄືນຈາກນັ້ນໃຊ້ຜ້າຂົນໜູເຊັດອອກໃນຕອນເຊົ້າ
-ໝຶກເປື້ອນແນວເປັນຢາງໃຊ້ເນີຍທາລົງບ່ອນເປື້ອນນຳໄປຕາກແດດປະມານ2-3ມື້ ແລ້ວນຳມາເຮັດຄວາມສະອາດອີກເທື່ອດ້ວຍສະບູ່ແລະນ້ຳ
-ຍືດອາຍຸໃຫ້ຊີດກ້ອນໃຊ້ເນີຍທາເຄືອບຂອບນອກຂອງກ້ອນຊີດໃຫ້ທົ່ວກໍຈະຊ່ວຍປ້ອງກັນບໍ່ໃຫ້ຊີດຂຶ້ນເຊື້ອລາໄວ
-ຫົວຜັກບົ່ວໃຫຍ່ທີ່ໃຊ້ໄປພຽງເຄິ່ງຫົວແລ້ວຕ້ອງເກັບໄວ້ສາມາດຍືດອາຍຸໃຫ້ດົນຂຶ້ນໄດ້ພຽງແຕ່ທາເນີຍໃສ່ພາສຕິກນຳໄປຫໍ່ຫົວຜັກບົ່ວໃຫຍ່ແລ້ວຫໍ່ຊ້ຳອີກເທື່ອດ້ວຍອະລູມິນຽມຟອຍ
-ໝໍ້ທີ່ຕົ້ມນ້ຳແລ້ວຝົດໄວຫລາຍໃສ່ເນີຍລະລາຍລົງໄປປະມານໜຶ່ງບ່ວງເພື່ອຢຸດບໍ່ໃຫ້ນ້ຳຝົດເກີນໄປ
-ຊີງອົມຕິດຜົມຖືເປັນເຫດການທີ່ບໍ່ມີໃຜຢາກໃຫ້ເກີດລອງໃຊ້ເນີຍທາບ່ອນທີ່ເກີດເຫດຖິ້ມໄວ້ໃຫ້ເຊັດຕົວແລ້ວຄ່ອຍໆໃຊ້ຜ້າເຊັດຊີງອົມອອກໄປ
-ກາວຕິດມືໜຽວທາເນີຍລົງບ່ອນຮອຍໜຽວໆແລ້ວໃຊ້ຜ້າຂົນໜູເຊັດອອກກ່ອນລ້າງມືໃຫ້ສະອາດ
-ສາຍຄໍຮ້ອຍພັນກັນເພີ່ມຄວາມໝື່ນດ້ວຍເນີຍກໍຈະເຮັດໃຫ້ແກະອອກງ່າຍຂຶ້ນນອກຈາກນີ້ ເນີຍຍັງຊ່ວຍໃຫ້ຖອດແຫວນຄັບໆອອກຈາກນິ້ວມືໄດ້ງ່າຍຂຶ້ນນໍາອີກ