ອາຊີບທີ່ຈະກ່າວເຖິງຕໍ່ໄປນີ້ກໍກຽມໂຕກຽມໃຈໄວ້ລ່ວງໜ້າເລີຍວ່າມັນກຳລັງຈະສູນພັນຄືກກັບສັດດຶກດຳບັນເຊັ່ນໄດໂນເສົາທີ່ສູນພັນໄປຈາກໂລກເມື່ອ65ລ້ານປີກ່ອນໃຜບໍ່ຮູ້ຈັກປັບຕົວປ່ຽນນິໄສລະວັງຖືກເຊັກໄລ່ອອກ
ເຈົ້າຂອງໄມໂຄຊອຟບິວເກດອອກໂຮງເຕືອນມາໄລຍະໜຶ່ງແລ້ວວ່າພາຍໃນ20ປີຂ້າງໜ້າ ອາຊີບຫລາຍອາຊີບຈະຫາຍສາບສູນໄປຈາກໂລກເພາະມະນຸດຖືກຍາດວຽກໂດຍອິນເຕີເນັດຊອບແວລະບົບອັດໂນມັດຊຶ່ງເປັນໂປແກມສຳເລັດຮູບທີ່ຊ່ວຍເພີ່ມປະສິດທິພາບການເຮັດວຽກງານໃຫ້ງ່າຍຂຶ້ນແລະປະຢັດເວລາຫລາຍຂຶ້ນອາຊີບທີ່ມີຄວາມສ່ຽງຈະສູນພັນໃນສາຍຕາມະຫາເສດຖີໂລກຄືນັກບັນຊີ,ພະນັກງານຂາຍທາງໂທລະສັບ,ພະນັກງານຂາຍຕາມຫ້າງຊັບພະສິນຄ້າແລະຊຸບເປີມາເກັດ
“ບິວ ເກດ ຢ້ຳວ່າຍິ່ງມີກະແສຮຽກຮ້ອງໃຫ້ຂຶ້ນຄ່າຈ້າງແຮງງານພື້ນຖານຫລາຍເທົ່າໃດ ຄົນເຮັດວຽກອາຊີບເຫລົ່ານີ້ກໍຈະຖືກໄລ່ໄວຂຶ້ນເທົ່ານັ້ນເພາະຄົນຈ້າງຖືກບີບໃຫ້ຫັນໄປຫາທາງເລືອກອື່ນທີ່ມີຕົ້ນທຶນຕ່ຳກວ່າແຕ່ປະສິດທິພາບສູງກວ່າຫລາຍແຖມບໍ່ສ້າງຄວາມລຳຄານໃຈ
ສອດຄ່ອງກັບລາຍງານຂອງສຳນັກງານສະຖິຕິແຫ່ງຊາດສະຫລັດອະເມລິກາປີ2014 ຊຶ່ງລະບຸວ່າອາຊີບສ່ຽງທີ່ອາດຕົກງານໃນທົດສະວັດໜ້າແລະກຳລັງກາຍເປັນອະດີດເຂົ້າໄປທຸກເທື່ອຄືພະນັກງານໄປສະນີຄົນເຮັດອາຊີບນີ້ຈະຕົກວຽກຫລາຍເຖິງ28%ເພາະເກືອບບໍ່ມີໃຜສົ່ງຈົດຫມາຍເຖິງກັນແລະກັນອີກແລ້ວ
ຕາມມາຕິດໆແມ່ນນັກຫນັງສືພິມຄາດການວ່າຈະຫາຍໄປຈາກຕະຫລາດແຮງງານ 13% ໃນອີກ10ປີຂ້າງໜ້າຂະນະທີ່ “ໄກທ່ອງທ່ຽວ”ເປັນອາຊີບສ່ຽງສູນພັນໄວທີ່ສຸດເພາະທຸກມື້ນີ້ພຽງແຕ່ກົດເຂົ້າໄປໃນໂລກອອນລາຍກໍສາມາດຈອງປີ້ເຄື່ອງບິນແລະໂຮງແຮມໄດ້ດ້ວຍຕົນເອງໂດຍບໍ່ຕ້ອງຖືກກິນຄ່າຫົວຄິວ
ອີກໜຶ່ງອາຊີບໜ້າເປັນຫ່ວງຕ້ອງຍົກໃຫ້ຊາວໄຮຊາວນາກະເສດຕະກອນພາຍໃນປີ 2020ມີທ່າອ່ຽງທີຈະຫາຍໄປຈາກຕະຫລາດແຮງງານ8%ເພາະຖືກມາແທນທີ່ດ້ວຍເຄື່ອງຈັກລະທັນສະໄໝທີ່ສ້າງຜົນຜະລິດໄດ້ຫລາຍກວ່າຫລາຍເທົ່າໂຕແຖມຍັງປະຫຍັດທັງເວລາແລະເງິນທອງສ່ວນອາຊີບສ່ຽງຮອງໆລົງມາຄືພະນັກງານຈົດມິເຕີນ້ຳ, ຊ່າງເລື່ອຍ ໄມ້,ນັກຈັດດອກໄມ້,ພະນັກງານປະກັນລົດໃຫຍ່,ພະນັກງານຕ້ອນຮັບເທິງເຮືອບິນ,ສາວໂຮງງານຫຍິບຜ້າ,ພະນັກງານພິມດີດ,ໂອປະເລເຕີແລະໂຊຊຽວມີເດຍ