ເຄື່ອງປະດັບທີ່ກຳລັງຮິດປີ 2015 ຫິນສີນຳໂຊກຕາມມື້ເກີດໃຜກຳລັງເລັງຫາຊື້ປະລັກແຂນຫິນສີສຸດຮິດແຕ່ກຳລັງມຶນເພາະມີຫລາຍສີຫລາຍແບບເຫລືອເກີນເອົາລະມາເບິ່ງຄວາມຫມາຍຂອງແຕ່ລະສີແບບກັນດີກວ່າຈະໄດ້ເລືອກຊື້ກັນງ່າຍຂຶ້ນ ເບິ່ງສີທີ່ເປັນມົງຄຸນຕາມມື້ເກີດກັນກ່ອນດີກວ່າວ່າເຮົາເໝາະກັບຫິນສີຫຍັງ
ຫິນສີຂຽວ ເປັນຫິນທີ່ເສີມພະລັງດ້ານການເຈນລະຈາເໝາະກັບນັກທຸລະກິດນັກເວົ້າຫລືຜູ້ທີ່ຕ້ອງເຈນລະຈາຕໍ່ຮອງເປັນຫິນທີ່ສົ່ງເສີມໃຫ້ອະນາຄົດຂອງເຈົ້າດີຂຶ້ນແລະຊ່ວຍໃຫ້ເຂົ້າສະມາທິໄດ້ໄວໃນດ້ານຄວາມເຊື່ອຖ້າຫິນມີພະລັງແຮງສັ່ນສະເທືອນມີຄວາມຫມາຍໃນດ້ານການເຕືອນໄພອຸບັດເຫດທີ່ຈະເກີດຄ່ອນຂ້າງສູງເປັນການເຕືອນໄພລ່ວງໜ້າຫິນຈະເຮັດຫນ້າທີ່ປົກປ້ອງຄຸ້ມຄອງຕ້ານພະລັງຮ້າຍຈົນບາງຄັ້ງເຮັດໃຫ້ຫິນແຕກມີຮອຍລ້າວເກີດຂຶ້ນໄດ້
ຫິນສີແດງ ຫິນທີ່ດຶງດູດຄວາມມັ່ງຄັ່ງລ້ຳລວຍຊ່ວຍແກ້ບັນຫາໄດ້ຢ່າງງ່າຍດາຍເຮັດໃຫ້ເຈົ້າຂອງຫມັ້ນຄົງທາງອາລົມຊ່ວຍໃນການຕັດສິນໃຈຫາກເອາໄວ້ຕິດຕົວຈະເຮັດໃຫ້ມີສະເໜ່ຕໍ່ເພດກົງກັນຂ້າມຊ່ວຍປ້ອງກັນຈາກສິ່ງຊົ່ວຮ້າຍລວມເຖິງໂລກໄພ
ຫິນສີບົວ ເປັນສັນຍະລັກແຫ່ງຄວາມຮັກຈະຊ່ວຍເຮັດໃຫ້ຄູ່ຮັກຮັກກັນຫລາຍຍິ່ງຂຶ້ນມີເລື່ອງຜິດຖຽງກັນ ນ້ອຍລົງແລະຍັງຊ່ວຍເຮັດໃຫ້ເຂົ້າໃຈຊຶ່ງກັນແລະກັນຫລາຍຂຶ້ນກວ່າເກົ່າກຳຈັດຄວາມຮ້າຍກຽດຊັງຫລືການອິດສາບັງບຽດຄົົນທີ່ອົກຫັກຈະຊ່ວຍໃຫ້ຮູ້ສຶກຮັກຕົວເອງຫລາຍຂຶ້ນ
ຫິນສີຟ້າ ເປັນຫິນທີ່ມີພະລັງຫລາຍຊ່ວຍສ້າງສະຕິປັນຍາຄວາມສະຫລຽວສະຫລາດໃຫ້ແກ່ຜູ້ຄອບຄອງມີພະລັງໃນການແສກົນຄົນເຮັດໃຫ້ເບິ່ງເຫັນເລິກເຂົ້າໄປໃນຈິດໃຈຂອງຜູ້ຄົນຊ່ວຍໃຫ້ຄວາມແຂງແຮງກັບທັງຮ່າງກາຍແລະຈິດໃຈປ້ອງກັນພະຍາດຊຶມເສົ້າແລະອາການຜິດປົກກະຕິທາງຈິດ
ສີຟ້າອອນ ເປັນສັນຍະລັກຂອງຄວາມສຸກແລະມີຄວາມໜຸ່ມເປັນສາວທີ່ເປັນອຳມະຕະເຮັດໃຫ້ການຕິດຕໍ່ສື່ສານກັບຜູ້ອື່ນດີຂຶ້ນລຸດຄວາມຢ້ານ,ລຸດອາການຄຽດ, ເຮັດໃຫ້ຈິດໃຈສະຫງົບ,ສະຕິປັນຍາດີມີຈິດໃຈລະອຽດອ່ອນ,ມີຄວາມຄິດສ້າງສັນກ້າຮັບຜິດຊອບໃນການກະທຳຂອງຕົນເອງ
3 ຫິນສີເຫລືອງ ແລະ ສີສົ້ມ ເປັນສັນຍະລັກຂອງຄວາມມັ່ງຄັ່ງລ້ຳລວຍຈະນຳຄວາມອຸດົມສົມບູນແລະໂຊລາບມາສູ່ຜູ້ເປັນເຈົ້າຂອງສວມໃສ່ຕິດກາຍໄວ້ຫາກມີການສື່ສານເຖິງເລື່ອງເງີນທອງຊັບສິນອາດ
ຫິນສີຂາວ ຊ່ວຍເລັ່ງການຫລັ່ງຮໍໂມນຊ່ວຍລະບົບການໄຫລວຽນເລືອດແລະການເຜົາຜານອາຫານນອກຈາກນີ້ຊ່ວຍໃນເວລາທີ່ຕ້ອງການໃຊ້ຄວາມຄິດຫລືການເຮັດສະມາທິຊ່ວຍຄາຍຄຽດ,ຄາຍຄວາມຮ້າຍແລະຄວາມເຈັບປວດທາງກາຍປັບຈິດໃຈ
ຫິນສີມ່ວງ ໃຜທີ່ຄິດກັບເຮົາບໍ່ດີຄິດຮ້າຍສິ່ງນັ້ນກໍຈະຍ້ອນກັບໄປຫາຄົົນທີ່ຄິດບໍ່ດີ ຈະປ່ຽນສີກໍຕໍ່ເມື່ອຮັບສິ່ງທີ່ບໍ່ດີແທນເຮົາຮັກສາກ່ຽວກັບສຸກຂະພາບພະຍາດເລືອດພະຍາດນອນບໍ່ຫລັບກຳຈັດຄວາມຄຽດ ຊ່ວຍໃຫ້ອາລົມທີ່ໂມໂຫຢູ່ຜ່ອນຄາຍລົງ
ຫິນສີເທົາ ຊ່ວຍຟື້ນຟູພະລັງທັງກາຍແລະໃຈໃຫ້ແກ່ຜູ້ທີ່ເລີ່ມລົ້ມເຈັບແລະເປັນມາດົນທັງຜູ້ທີ່ຂາດສະຕິຫລົງລືມງ່າຍລວມໄປເຖິງຄວາມຈຳເສື່ອມອາການຫົດຫູ່ທໍ້ແທ້ໃຫ້ຜ່ອນຄາຍໄດ້ວ່ອງໄວຊ່ວຍຜູ້ມີຄວາມປະສົງໃນການເຊົາເຫລົ້າ,ສູບຢາຫລືຢາເສບຕິດຕ່າງໆໄດ້ດີອີກທັງຍັງນຳພາຊຶ່ງຄວາມສະຫງົບສຸກຄວາມໂຊກດີ ລົບລ້າງພະລັງລົບທັງຫລາຍໃຫ້ໝົດສິ້ນ
ຫິນສີດຳ ໃຊ້ໃນການເຮັດວຽກງານຈະຈະເລີນກ້າວໜ້າຫາກໃຊ້ດຳເນີນທຸລະກິດຈະເລີນຮຸ່ງເຮືອງນິ້ເປັນຄຸນສົມບັດຕົ້ນໆ
