ໃຜໆກໍເປັນສິວໄດ້ແຕ່ເຮົາສາມາດປາບມັນໄດ້ເຊັ່ນກັນຖ້າຮູ້ຈັກປະຕິບັດໂຕແລະປ້ອງກັນຕົ້ນເຫດຂອງສິວ
ສະຖາບັນພະຍາດຜິວໜັງແຫ່ງສະຫະລັດອາເມລິກາ(AAD)ລາຍງານວ່າການເປັນສິວໃນໄວຜູ້ໃຫຍ່ນັ້ນມີສາເຫດຫລາກຫລາຍເນື່ອງຈາກຜິວໜັງຂອງແຕ່ລະຄົນມີຄວາມແຕກຕ່າງກັນໂດຍພົບວ່າຄົນ85ສ່ວນຮ້ອຍມັກຈະເປັນສິວບໍລິເວນໜ້າ,ໜ້າເອິກແລະຫລັງເຊິ່ງເກີດຈາກຄວາມຄຽດຄວາມມັນເທິງໜ້າລວມໄປເຖິງແບັກທີເຣຍ(P. acnes)ຍັງເປັນປັດໄຈສຳຄັນຂອງການເກີດສິວ
ແຕ່ຢ່າງໃດກໍຕາມຍັງມີສາເຫດອື່ນໆທີ່ເຮົາອາດເບິ່ງຂ້າມໄປເຊິ່ງໄດ້ແກ່
- ສົບໝອນ:ໝອນທີ່ເຮົາໃຊ້ນອນເປັນປະຈຳທຸກຄືນ,ມີທັງເຫື່ອ,ນ້ຳລາຍແລະສິ່ງສົກກະປົກຈາກຜົມປົນເປື້ອນເຊິ່ງເປັນສາເຫດຂອງສິວໄດ້ດັ່ງນັ້ນກ່ອນນອນຄວນປັດແລະເຮັດຄວາມສະອາດທຸກເທື່ອແລະປ່ຽນສົບໝອນໃໝ່ເປັນປະຈຳຢູ່ສະເໝີ
- ໂທລະສັບມືຖືການລົມໂທລະສັບຕ້ອງແນບແກ້ມແລະຄາງຊຶ່ງມີຄວາມມັນກັບໜ້າຈໍໂທລະສັບເຮັດໃຫ້ສິ່ງເປິເປື້ອນເທິງໜ້າຕົກຄ້າງຢູ່ທີ່ໜ້າຈໍໂທລະສັບແລະກາຍເປັນແຫລ່ງສະສົມເຊື້ອພະຍາດຕົ້ນເຫດການເກີດສິວດັ່ງນັ້ນຄວນເຊັດເຮັດຄວາມສະອາດໜ້າຈໍໂທລະສັບທຸກເທື່ອຫລືແກ້ບັນຫາໂດຍການໃຊ້ໝອນອື່ນແທນ
- ລະບົບກອງອາກາດຖ້າບໍ່ເບິ່ງແຍງລະບົບກອງອາກາດໃຫ້ດີແນ່ນອນມັນຈະຕ້ອງເຕັມໄປດ້ວຍຝຸ່ນ,ໄລຝຸ່ນແລະແບັກທີເຣຍທີ່ຈະສົ່ງຜົນໃຫ້ເກີດສິວໄດ້ດັ່ງນັ້ນການເຮັດຄວາມສະອາດແລະປ່ຽນໄສ້ກອງທຸກໆ3ເດືອນກໍຈະຊ່ວຍຫລຸດປັດໄຈສ່ຽງໄດ້ແລະຍັງເຮັດໃຫ້ອາກາດບໍລິສຸດຫລາຍກວ່າເກົ່າ
- ການສໍາພັດກັບຄູ່ຮັກໂດຍສຳຜັດແກ້ມຫລືໜ້າໂດຍກົງອາດຈະສົ່ງຜົນໃຫ້
ຜິວໜັງລະຄາຍເຄືອງສິວຫລາຍຂຶ້ນເພາະຜິວໜ້າສຳຜັດນ້ຳມັນຈາກເຄື່ອງສຳອາງຫລືເຈວໃສ່ຜົມຂອງແຟນວິທີການທີ່ດີທີ່ສຸດຄືການໃຫ້ຄູ່ຮັກໃຊ້ເຄື່ອງສຳອາງທີ່ປາສະຈາກນ້ຳມັນເປັນສ່ວນຜົມ
ຖ້າບໍ່ຢາກເປັນສິວຢ່າລືມກິນອາຫານທີ່ມີປະໂຫຍດແລະອອກກຳລັງກາຍນໍາອີກ