ພິທີ​ລົງ​ນາມ​ສັນຍາ​ກໍ່ສ້າງ 2 ໂຄງການ​ດັ່ງກ່າວ ​ໄດ້​ມີ​ຂຶ້ນ​ວັນ​ທີ 23 ມັງກອນ 2015 ຢູ່​ໂຮງແຮມລາວ​ພລາ​ຊາ ລະຫວ່າງທ່ານ ​ດຣ. ພອນ​ວິໄລ ເພັງ​ດາລາ​ຈັນ ຫົວໜ້າ​ພະ​ແນກ​ພະລັງງານ ແລະ ບໍ່​ແຮ່ ແຂວງ​ຫົວພັນ ທ່ານ ບຸນ​ມາ ແກ້ວ​ອ່ອນ​ສາ ຫົວໜ້າພະ​ແນກ​ພະລັງງານ ແລະ ບໍ່​ແຮ່ ແຂວງ​ສາລະ​ວັນ ທ່ານ ກອນທອງ ພູ​ນິຄົມ ຮອງ​ຫົວໜ້າ​ຫ້ອງການ​ກະຊວງ​ພະລັງງານ ແລະ ບໍ່​ແຮ່ ແລະ ທ່ານ ເພັດ ວົງ​ຂັນຕີ ອຳນວຍ​ການ​ບໍລິສັດ ​ເພັດ​ໄລ​ພອນ ກຣຸບ ຈຳກັດ​ຜູ້​ດຽວ ໂດຍ​ຊ້ອງໜ້າ​ທ່ານ ຄຳ​ພັນ ເຜີຍ​ຍະ​ວົງ ລັດຖະ​ມົນຕີ​ຊ່ວຍ​ວ່າການ ຮອງ​ຫົວໜ້າ​ຫ້ອງ​ວ່າການ​ລັດຖະບານ ພ້ອມ​ດ້ວຍ​ລັດຖະມົນຕີ​ວ່າການ ລັດຖະມົນຕີ​ຊ່ວຍ​ວ່າການ ແລະ ແຂກ​ຖືກ​ເຊີນ​ເຂົ້າ​ຮ່ວມ.

ໂຄງການ​ກໍ່ສ້າງ​ຕາ​ຂ່າຍ​ໄຟຟ້າ​ແຮງ​ດັນ​ກາງ 22kv ແຮງດັນ​ຕ່ຳ 0,4 kv ແລະ ຕິດ​ຕັ້ງ​ໝໍ້ແປງ​ໄຟຟ້າ​ເຂົ້າ 80 ບ້ານຂອງເມືອງ​ຕະ​ໂອ້ຍ ແລະ ເມືອງ​ສະໝ້ວຍ ມີ​ມູນ​ຄ່າ 221.090.803.200 ກີບ ໃນ​ນີ້ ປະກອບ​ມີໜ້າ​ວຽກ​ສຳຄັນຄື: ກໍ່ສ້າງ​ຕາ​ຂ່າຍ​ໄຟຟ້າ​ແຮງ​ດັນກາງ 22 kv ຍາວ 282,5 ກິ​ໂລແມັດ ກໍ່ສ້າງ​ຕາ​ຂ່າຍ​ໄຟຟ້າ​ແຮງຕ່ຳ 0,4 kv ຍາວ 137,45 ກິ​ໂລແມັດ ແລະ ຕິດ​ຕັ້ງ​ໝໍ້​ແປງ 111 ປ້ອມ ສ່ວນ​ໂຄງການ​ກໍ່ສ້າງ​ຕາຂ່າຍ​ໄຟຟ້າ​ແຮງ​ດັນ​ກາງ 22 kv ແຮງ​ດັນ​ຕ່ຳ 0,4 kv ແລະ ຕິດຕັ້ງ​ໝໍ້​ແປງ​ໄຟຟ້າ​ເຂົ້າ 54 ບ້ານຂອງ​ເມືອງ​ຊຳ​ໃຕ້ ແລະ ເມືອງກວັນ ມີ​ມູນ​ຄ່າ 214.062.000.000 ກີບ ເຊິ່ງປະກອບ​ມີໜ້າ​ວຽກ​ສຳຄັນຄື: ກໍ່ສ້າງ​ຕາ​ຂ່າຍ​ໄຟຟ້າ​ແຮງ​ດັນກາງ 22 kv ຍາວ 246,2 ກິ​ໂລແມັດ ກໍ່ສ້າງ​ຕາ​ຂ່າຍ​ໄຟຟ້າ​ແຮງດັນ​ຕ່ຳ 0,4 kv ຍາວ 62,6 ກິ​ໂລແມັດ ແລະ ຕິດ​ຕັ້ງ​ໝໍ້​ແປງ 55 ປ້ອມ.

ແຫລ່ງ​ຂ່າວ: