- ກ້າວຕີນສັ້ນໆ ຖ້າບໍ່ຢາກປວດສົ້ນນ່ອງແລະສົ້ນຕີນງ່າຍໆກໍຕ້ອງຍ່າງຊ້າລົງແນ່ກ້າວຕີນສັ້ນໆຢ່າງງົດງາມຈະຊ່ວຍເຮັດໃຫ້ເບິ່ງເປັນທຳມະຊາດຫລາຍຂຶ້ນແລະມີສະເໜ່ຫລາຍຂຶ້ນທີ່ສຳຄັນບໍ່ຕ້ອງຟ້າວຍ່າງການຟ້າວຍ່າງໃນຂະນະທີ່ໃສ່ສົ້ນສູງນອກຈາກຈະເຮັດໃຫ້ປວດຂາງ່າຍແລ້ວຍັງສ່ຽງຈະເກີດອຸບັດເຫດ
- ເວລາຍ່າງໃຫ້ປາຍຕີນລົງກ່ອນ ການໃສ່ເກີບສົ້ນສູງຍ່າງຄວນໃຫ້ປາຍຕີນລົງກ່ອນຖ້າເອົາສົ້ນລົງກ່ອນຈະເຮັດໃຫ້ປວດຂາງ່າຍອີກ
- ປັບປຸງທ່າຂອງທ່ານ ເມື່ອສວມໃສ່ເກີບສົ້ນສູງຢ່າກົ້ມຫົວຄວນເຮັດຫົວໃຫ້ຊື່ແລະເບິ່ງໄປທາງໜ້າ ແຂນວາງໄວ້ທີ່ສອງຂ້າງແບບສະບາຍເວລາຍ່າງໃຫ້ຈັງກ້າມເນື້ອໜ້າທ້ອງຂອງເຈົ້າໄວ້ນຳ
- ຍ່າງໃຫ້ຂາຢູ່ແນວດຽວກັນ ເວລາຍ່າງກໍຄິດວ່າທາງໜ້າຂອງເຈົ້າມີເສັ້ນຊື່ອັນໜຶ່ງເຈົ້າຍ່າງໄປຕາມເສັ້ນຊື່ນັ້ນໃຫ້ຂາຢູ່ແນວດຽວກັນດັ່ງນັ້ນສະໂພກຂອງເຈົ້າກໍຈະແກວ່ງຈະຊ່ວຍໃຫ້ເຈົ້າເບິ່ງເຊັກຊີ່ຫລາຍຂຶ້ນ
- ຝຶກສວມໃສ່ເກີບສົ້ນສູງໃນບ້ານ ຖ້າຈະໃສ່ເກີບສົ້ນສູງອອກໄປຂ້າງນອກກ່ອນອອກໄປຝຶກສວມໃສ່ເກີບສົ້ນສູງໃນເຮືອນກ່ອນ ເພື່ອຄວາມເຄີຍຊິນເພາະເກີບບາງຄູ່ກໍຄວນໃສ່ໃຫ້ຮູ້ແລະເຄີຍຊິນກັບຄວາມກວ້າງຍາວຂອງຊ່ວງການຍ່າງບາງຄູ່ເຮົາໃສ່ແລ້ວຄວນກ້າວສັ້ນໃນຂະນະທີ່ບາງຄູ່ໃສ່ແລ້ວຍ່າງລົງສົ້ນຈະສະບາຍກວ່າ
- ເລືອກເກີບສົ້ນສູງໃຫ້ເໝາະສົມກັບຕີນ ຢາກຈະຍ່າງໄດ້ສະດວກສະບາຍກໍຕ້ອງເລືອກເກີບທີ່ເໝາະສົມກັບຕີນເວລາທີ່ດີທີ່ສຸດສຳລັບການຊື້ເກີບສົ້ນສູງເປັນຊ່ວງແລງເພາະວ່າຍ່າງໝົດມື້ຕີນຂອງເຮົາຈະບວມຂະໜາດຂອງຕີນໃນຕອນນີ້ຈະໃຫຍ່ກວ່າໃນຕອນເຊົ້າດັ່ງນັ້ນຈຶ່ງເປັນເວລາທີ່ເໝາະສຳລັບເລືອກຊື້ເກີບຄວນໃສ່ສອງຂ້າງແລະລອງຍ່າງໃນຮ້ານແລ້ວພິຈາລະນາວ່າຈະຊື້ຫລືບໍ່
- ເລີ່ມຕົ້ນຈາກໃສ່ເກີບສົ້ນຕ່ຳ ຖ້າຫາກຍັງບໍ່ຊິນກັບການສວມໃສ່ເກີບສົ້ນສູງເຈົ້າຄວນເລີ່ມຕົ້ນດ້ວຍເກີບສົ້ນຕ່ຳເພື່ອຝຶກໃຫ້ຂໍ້ຕີນຂອງເຈົ້າມີຄວາມອົດທົນແລະຄວາມຍືດຫຍຸ່ນໄປເລື່ອຍໆຈົນກະທັ້ງຊິນແລ້ວຈຶ່ງຈະໄປໃສ່ເກີບສົ້ນສູງຢ່າງປອດໄພແລະມີຄວາມສະຫງ່າງາມ
- ສວມໃສ່ເກີບສົ້ນສູງທີ່ມີສາຍມັດຫລືມີພື້ນຮອງຕີນທີ່ໜາ ສາຍຈະເຊື່ອມໂຍງຂໍ້ຕີນຢ່າງປອດໄພ ສາມາດປ້ອງກັນການລື່ນໄດ້ເວລາຍ່າງລຸດແຮງສຽດສີແລະຄວາມເຈັບປວດໄດ້ຮອງຕີນສົ້ນສູງທີ່ມີພື້ນຮອງຕີນໜາຈະຊ່ວຍໃຫ້ຍ່າງໄດ້ຢ່າງລາບລື່ນຫລາຍຂຶ້ນ
- ບໍ່ຄວນສວມໃສ່ເກີບສົ້ນສູງເລື້ອຍເກີນໄປ ໃສ່ເກີບສົ້ນສູງທຸກມື້ຕີນຈະເປັນນບາດນອກຈາກນີ້ຍັງສາມາດເຮັດໃຫ້ເກີດຄວາມກົດດັນໃຫ້ກັບຫລັງຂອງເຈົ້າໄດ້ດັ່ງນັ້ນຈຶ່ງບໍ່ຄວນສວມໃສ່ທຸກມື້ຫລືເປັນເວລາດົນໃນການສວມໃສ່ຄວນໃຫ້ຕີນຂອງເຈົ້າມີເວລາພັກຜ່ອນນຳ