ເຊື່ອວ່າຫລາຍຄົນໃນປະຈຸບັນກຳລັງປະສົບບັນຫາທາງການເງີນ ຈົນເຮັດໃຫ້ບໍ່ສາມາດນຳເງິນມາຊຳລະຄ່າງວດຜ່ອນລົດໄດ້ຕາມນັດໝາຍຊຶ່ງໂດຍປົກກະຕິແລ້ວ ຫາກຜິດນັດຊຳລະຕິດຕໍ່ກັນຫລາຍກວ່າ 3 ງວດທາງບໍລິສັດຜ່ອນລົດມີສິດຍຶດລົດຂອງເຮົາໄດ້
ຈຸດນີ້ເອງເຮັດໃຫ້ຫລາຍຄົົນທີ່ກຳລັງຕັ້ງໜ້າຕັ້ງຕາຫາເງີນມາຈ່າຍອາດເລືອກວິທີປ່ອຍໃຫ້ໄຟແນນຢຶດລົດໄປແລ້ວຖືວ່າຈົບກັນເພາະຄິດວ່າຍອມເສຍລົດໄປເສຍດີກວ່າຈະນັ່ງຜ່ອນຕໍ່ແຖມບໍ່ຕ້ອງຈ່າຍຄ່າງວດທີ່ຄ້າງໄວ້ອີກດ້ວຍ
ແນ່ນອນວ່າມະນຸດກິນເງີນເດືອນສ່ວນໃຫຍ່ ຫລື ເຈົ້າຂອງທຸລະກິດທີ່ດຳເນີນໄປບໍ່ສວຍງາມຕະຫລອດໄປຢ່າງທີ່ຄິດ ອາດຕ້ອງພົບກັບບັນຫາດ້ານການເງີນໃຫ້ກວນໃຈກັນຢູ່ນຳ ຊຶ່ງຖືເປັນເລື່ອງທີ່ເກິດຂື້ນແທບທົ່ວທຸກຫົນແຫ່ງໃນສັງຄົມ
ແຕ່ຫາກປ່ອຍບັນຫາໃຫ້ຮຸກຮານມາຈົນເຖິງການຄ້າງຄ່າງວດຈ່າຍລົດແລ້ວນັ້ນຕາມກົດໝາຍອານຸໂລມໃຫ້ຜູ້ເຊົ່າຊື້ສາມາດຄ້າງຄ່າງວດໄດ້ເປັນຈຳນວນ 3 ງວດ ຫາກເກີນກວ່ານັ້ນ ບໍລິສັດໄຟແນນມີສິດເຂົ້າຢຶດລົດໄດ້ໃນທັນທີແລະນັ້ນຄືຈຸດເລີ່ມຕົ້ນຂອງຝັນຮ້າຍທີ່ຄາດບໍ່ເຖິງ… ເມື່ອໄຟແນນໄດ້ນຳລົດຂອງເຈົ້າກັບໄປແລ້ວກໍຈະນຳມາປະກາດຂາຍ ຊຶ່ງໂດຍສ່ວນໃຫຍ່ແລ້ວມັກໄດ້ລາຄາຕ່ຳກວ່າຫລາຍຈົນໜ້າຕົກໃຈ
ທາງທີ່ດີ ຫາກເຮົາຕົກຢູ່ໃນສະຖານນະການເຊັ່ນນີ້ ກໍຄວນຮີບຫາເງີນມາຊຳລະຢ່າງນ້ອຍ 1 ງວດ ເພື່ອບໍ່ໃຫ້ລົດຖືກຢຶດຈາກນັ້ນຈະຫາຊ່ອງທາງສ້າງລາຍໄດ້ອື່ນໆຈາກບ່ອນໃດອີກກໍວ່າກັນໄປແຕ່ຫາກລົດຍັງມີສະພາບດີເປັນທີ່ສົນໃຈຂອງຕະຫລາດອາດໃຊ້ວິທີປ່ຽນສັນຍາໂດຍການຫາຜູ້ຊື້ມາຜ່ອນຕໍ່ ຖ້າໂຊກດີອາດໄດ້ເງີນຕິດກະເປົ໋າກັບມາແດ່ ຂຶ້ນຢູ່ກັບຈຳນວນເງີນທີ່ຜ່ອນໄປແລ້ວນຳນັ້ນເອງ
ແຕ່ທາງທີ່ດີ ການມີວິໄນທາງການເງີນຖືເປັນສິ່ງພື້ນຖານທີ່ທຸກຄົນຄວນພຶງປະຕິບັດຈະໄດ້ບໍ່ຕ້ອງມາລຳບາກໃຈເອົາພາຍຫລັງ