ພະແນກແຮງງານ ແລະ ສະຫວັດດີການ-ສັງຄົມ ນະຄອນຫຼວງວຽງຈັນ ມີໜ້າທີ່ຈັດຕັ້ງຜັນຂະຫຍາຍແນວທາງຂອງພັກ ນະໂຍບາຍຂອງລັດ ເວົ້າລວມ ເວົ້າສະເພາະແມ່ນ ດຳລັດວ່າດ້ວຍການປະຕິບັດນະໂຍບາຍ ຕໍ່ຜູ້ທີ່ມີຄຸນງາມຄວາມດີໃນພາລະກິດປະຕິວັດຊາດ ປະຊາທິປະໄຕ ລວມທັງໝົດ 25 ທ່ານ ເປັນເງິນ 545 ລ້ານກວ່າກີບ.
ໃນວັນທີ 21 ມັງກອນ 2015 ທີ່ພະແນກດັ່ງກ່າວ ຈິ່ງໄດ້ຈັດພິທີມອບ-ຮັບເງິນນະໂຍບາຍ ອຸດໜູນຜູ້ເສຍສະຫຼະຊີວິດຍ້ອນການສູ້ຮົບ ແລະ ຮັບໃຊ້ການສູ້ຮົບ ສົກປີ 2013-2014 ເປັນປະທານຂອງທ່ານນາງ ດຳດວນ ຈັນທະວົງ ຫົວໜ້າພະແນກແຮງງານ ແລະ ສະຫວັດດີການ-ສັງຄົມ ນະຄອນຫຼວງວຽງຈັນ ມີທ່ານຮອງເຈົ້າເມືອງ ຫົວໜ້າຫ້ອງການ ແລະ ຕົວແທນບັນດາເປົ້າໝາຍທີ່ໄດ້ຮັບເງິນອຸດໜູນເຂົ້າຮ່ວມ.
ແຫລ່ງຂ່າວ: ວຽງຈັນໃໝ່