ຖ້າບໍ່ຢາກເປັນຄົນທໍາມະດາ ລອງເຮັດຕາມ 12 ຢ່າງນີ້:
1 ການຕັ້ງເປົ້າໝາຍໄລຍະຍາວ
ຖ້າຫາກວ່າທ່ານຍັງບໍ່ຮູ້ວ່າເປົ້າໝາຍໃນອະນາຄົດຂອງທ່ານແມ່ນຫຍັງ ທ່ານຈະຢູ່ບ່ອນໃດກໍ່ຄົງບໍ່ສາມມາດເຮັດໃຫ້ ທ່ານປະສົບຄວາມສໍາເລັດໄດ້ ພຽງແຕ່່ທ່ານລອງໃຊ້ເວລາວັນລະ 5-20 ນາທີ ທົບທວນ ແລະ ຄົ້ນຫາເປົ້າມຍາໃນອະນາຄົດມັນຈະເຮັດໃຫ້ທ່ານໄປເຖີງຄວາມຝັນໄດ້ໄວຂຶ້ນ.
2 ການຕັ້ງເປົ້າໝາຍປະຈໍາວັນ
ມັນກໍ່ຄົງຈະດີກວ່າຫາກໃນແຕ່ລະວັນທ່ານມີເປົ້າໝາຍທີ່ຊັດເຈນ ວ່າຄວນຈະເຮັດຫຍັງ ຊຶ່ງມັນຈະເຮັດໃຫ້ທ່ານສາມາດຈັດການກັບຊີວິດໂຕເອງໄດ້ຢ່າງເປັນລະບຽບຮຽບຮ້ອຍ.
3 ຂໍຄວາມຊ່ວຍເຫຼືອບໍ່ແມ່ນເລື່ອງໜ້າອາຍ
ຄົງບໍ່ມີໃຜທີ່ຢູ່ເທີງໂລກນີ້ ສາມາດເຮັດທຸກສິ່ງໄດ້ດ້ວຍໂຕເອງຄົນດຽວ ຫາກວ່າທ່ານມີເລື່ອງທີ່ບໍ່ຄ່ອຍລື້ງເຄີຍ ການຂໍຄວາມຊ່ວຍເຫຼືອຈາກຄົນອຶ່ນທີ່ມີຄວາມສາມາດ ມີປະສົບການ ກໍ່ຄືການເຄົາລົບຄົນອຶ່ນເພື່ອໃຫ້ພວກເຂົາຮັບຮູ້ເຖິງຄວາມສາດຂອງຕົນເອງ ແຕ່ຢ່າງໃດກໍ່ຕາມບໍ່ຄວນລົບກວນຜູ້ອຶ່ນຈົນເຮັດໃຫ້ເຂົາເຈົ້າເດືອດຮ້ອນ.
4 ເປັນຜູ້ໃຫ້ ແລະ ຮັບຄໍາປຶກສາ
ຫາກຄົນຮອບຕົວຂອງທ່ານຕ້ອງການຄໍາປຶກສາ ການເປັນຄົນໃຫ້ຄໍາປຶກສາ ຄືເປັນສິ່ງທີ່ດີໃນການໃຫ້ການຊ່ວຍເຫຼືອແກ່ຜູ້ອຶ່ນ ແລະ ຮັບເອົາຄໍາຄິດເຫັນໃໝ່ໆມາປັບໃຊ້ກັບຕົວທ່ານ ນອກຈາກນີ້ຫາກທ່ານຕ້ອງການຄໍາປຶກສາ ກໍ່ສາມາດຂໍຄໍາປຶກສາຈາກຜູ້ຊ່ຽວຊານ ໄດ້ເຊັ່ນດຽວກັນ.
5 ໃຫ້ຮ່າງກາຍໃດ້ພັກຜ່ອນ
ຄົນທີ່ປະສົບຄວາມສໍາເລັດ ມັກຈະຮູ້ວ່າເຂົາກໍ່ເປັນພຽງແຕ່ຄົນທໍາມະດາຄົນໜຶ່ງ ຕ້ອງມີການເຮັດເລື່ອງຜິດພາດເປັນທໍາມະດາຂອງຊີວິດ ດັ່ງນັ້ນຢ່າກົດດັນຕົວເອງ ວ່າທຸກສິ່ງຈະຕ້ອງສົມບຸນແບບ ແລະ ປ້ອຍໃຫ້ເປັນເລື່ອງທໍາມະຊາດແດ່.
6 ຈົດບັນທຶກ
ເນື່ອງຈາກຊີວິດຄືການເດີນທາງ ກາຈົດບັນທຶກຈະຊ່ວຍໃຫ້ທ່ານສາມາດຈົດຈໍາໄດ້ທຸກລາຍລະອຽດຂອງຊີວິດ ວ່າໃນແຕ່ລະວັນເກີດຫຍັງຂຶ້ນກັບທ່ານ ແລະ ທ່ານຮູ້ສຶກແບບໃດ ຄົນທີ່ປະສົບຄວາມສໍາເລັດສ່ວນຫຼາຍຈະມັກຈົດບັນທຶກໄວ້ຢ່າງສະໝໍ່າສະເໝີ.
7 ສ້າງຄວາມໝັ້ນໃຈ
ເຊື່ອວ່າທຸກຄົນເຄີຍພົບກັບອຸປະສັກ ແລະ ຄວາມຫຼົ່ມເຫຼວ ແຕ່ສິ່ງສໍາຄັນຄືທ່ານຈະກ່າວຜ່ານມັນໄປໄດ້ແນວໃດ. ຖ້່ຫາກວ່າ ທ່ານມີຄວາມໝັ້ນໃຈຢ່າງເຕັມທີ່ ຈະຊ່ວຍໃຫ້ເອົາຊະນະທຸກຢ່າງທີ່ເຂົ້າມາໃນຊີວິດໄດ້.
8 ກ່າວຄໍາຂອບໃຈ ແລະ ກ່າວຄໍາຍ້ອງ
ຫາກມີໃຜເຮັດສິ່ງດີໆໃຫ້ທ່ານ ທ່ານຄວນກ່າວຄໍາຂອບໃຈໃຫ້ກັບພວກເຂົາເຫຼົ່ານັ້ນ ນອກຈາກນີ້ການກ່າວຄໍາຍ້ອງຍໍຊົມເຊີຍສໍາລັບສິ່ງດີໆ ຈະເປັນແຮງຈູງໃຈໃຫ້ພວກເຂົາຮັດສິ່ງດີໆໃຫ້ແກ່ຄົນອຶ່ນຕໍ່ໄປ.
9 ອອກກໍາລັງກາຍສະໝໍ່າສະເໝີ
ບໍ່ຈໍາເປັນຕ້ອງໃຊ້ເວລາດົນໃນການອອກກໍາລັງກາຍໜຶ່ງຄັ້ງ ພຽງແຕ່ 20-30 ນາທີຕໍ່ມື້ ຈະຊ່ວຍໃຫ້ຮູບຮ່າງພາຍນອກຂອງທ່ານເບິ່ງດີຂຶ້ນ ແລະ ມີສຸຂະພາບແຂງແຮງຂຶ້ນ.
10 ປ່ອຍວ່າງ
ຫາກທ່ານຄົ້ນພົບວ່າບາງສິ່ງໃນຊີວິດຂອງທ່ານ ເຮັດໃຫ້ທ່ານເສຍເວລາໂດຍບໍ່ມີປະໂຫຍດ ທ່ານຄວນຮູ້ຈັກປ່ອຍວາງ ແລະ ຄວນຮູ້ວ່າສິ່ງໃດທີ່ຄຸ່ມຄ່າທີ່ຈະຕ້ອງເຮັດ ແລະ ສິ່ງໃດທີ່ບໍ່ຄວນເຮັດ ຈະເຮັດໃຫ້ຊີວິດຂອງທ່ານດີຂຶ້ນຢ່າງບໍ່ຮູ້ຕົວ.
11 ການຫົວ
ການຫົວ ໂດຍສະເພາະການຫົວໃຫ້ກັບຕົນເອງ ຈະຊ່ວຍປ່ຽນອາລົມຂອງທ່ານຈາກຮ້າຍໃຫ້ເປັນຄົນດີ ນອກຈາກນີ້ຍັງເຮັດໃຫ້ທ່ານເປັນຄົນມີສຸຂະພາບຈິດທີ່ດີ ແລະ ຈະຊ່ວຍໃຫ້ມີຄວາມຄິດສ້າງສັນຫຼາຍຂຶ້ນ.
12 ນອນຫຼັບໃຫ້ພຽງພໍ
ການນອນຫຼັບໃຫ້ພຽງພໍຄືສິ່ງສໍາຄັນ ທີ່ຈະຊ່ວຍໃຫ້ທ່ານມີສະໝອງທີ່ປອດໂປ່ງ ພຽງແຕ່ທ່ານນອນຫຼັບຕິດຕໍ່ກັນ 7ຊົ່ວໂມງໃນໜຶ່ງຄືນ ພຽງເທົ້ານີ້ກໍ່ຈະເຮັດໃຫ້ທ່ານຮູ້ສຶກດີຂຶ້ນຢ່າງແນ່ນອນ.
>>ຂອບໃຈhttps://www.facebook.com/mouk.mouksavanh/posts/583224515113040?comment_id=583281038440721¬if_t=like