ຄົງບໍ່ມີໃຜບໍ່ຮູ້ຈັກ ມາກ ຊັກເກີເບີກ (Mark Zuckerberg) ອີກແລ້ວ ເຂົາຄືໜຶ້່ງໃນຄົນທີ່ລວຍທີ່ສຸດໃນໂລກ ໂດຍພາຍໃນອາຍຸ 23 ປີ ເຂົາກໍກາຍເປັນເສດຖີໄປແລ້ວ ຕັ້ງແຕ່ເມື່ອ 10 ປີ ກ່ອນທີ່ Facebook ເລິ່ມກໍ່ຕັ້ງຂຶ້ນ ແລະຈົນເຖິງປັດຈຸບັນນີ້ ເຂົາອາຍຸ 35 ປີ ກັບລາຍໄດ້ສຸດທິຂອງເຂົາ ທີ່ມີຫຼາຍເຖິງ 35,000 ລ້ານໂດລາ ສະຫະລັດ.
ແຕ່ປານນັ້ນ ຊີວິດຄົນເຮົາກໍບໍ່ໄດ້ມີແຕ່ເລື່ອງເງິນ ພຽງແຕ່ຢ່າງດຽວ ແຕ່ມັນຄືການທີ່ທ່ານໄດ້ສ້າງຄວາມປ່ຽນແປງ ໃນແຊ່ດີໃຫ້ກັບໂລກໜ່ວຍນີ້ທີ່ທ່ານຢູ່ ເພາະເຖິງແນວໃດກໍຕາມ ຖ້າທ່ານຈາກໄປແລ້ວທ່ານບໍ່ສາມາເອົາຊັບ ສົມບັດໄປນຳໄດ້ ແຕ່ຊື່ສຽງແລະຄຸນງາມຄວາມດີ ຂອງທ່ານຕ່າງຫາກທີ່ຈະຍັງຄົງຢູ່. ດັ່ງນັ້ນ, ລອງຖາມໂຕເອງເບິ່ງວ່າ ທ່ານມີຄວາມຖະໜັດຫຍັງ ທີ່ຈະສາມາດສ້າງປະໂຫຍດໃຫ້ກັບສັງຄົມ ແລະໂລກໜ່ວຍນີ້ ຄືກັນກັບ ມາກ ຊັກເກີເບີກ ໄດ້ເຮັດໄວ້ແລ້ວ.
ມາກ ຊັກເກີເບີກ ສ້າງເຟສບຸກຂຶ້ນມາຕັ້ງແຕ່ ເຂົາຮຽນຢູ່ມະຫາວິທະຍາໄລຮາເວີດ ແຕ່ສຸດທ້າຍເຂົາຕັດສິນໃຈລາອອກຈາກ ມະຫາວິທະຍາໄລ ເພື່ອສ້າງເຟສບຸກຢ່າງຈິງຈັງ ເຂົາຕ້ອງການຄິດຄົ້ນ ວິທີການຕິດຕໍ່ສື່ສານໃໝ່ໆ ໃຫ້ຄົນທົ່ວໂລກ ແລະຕັ້ງແຕ່ນັ້ນເປັນຕົ້ນມາ ເຟສບຸກກໍກາຍເປັນສື່ສັງຄົມອອນລາຍນື້ ທີ່ໃຫຍ່ທີ່ສຸດໃນໂລກ ແລະເປັນທີ່ນິຍົມຫຼາຍທີ່ສຸດໃນໂລກ ເຊັ່ນດຽວກັນ ໂດຍມີຜູ້ໃຊ້ຫຼາຍກວ່າ 1 ພັນລ້ານຄົນ ເຊິ່ງຖືເປັນການເຊື່ອມຕໍ່ຄົນທົ່ວໂລກ ເຂົ້າຫາກັນ ຜ່ານວິທີການສື່ສານທີ່ບໍ່ເຄີຍມີມາກ່ອນ.
ເຊິ່ງເລື່ອງລາວຂອງທ້າວ ມາກ ຊັກເກີເບີກ ນັ້ນ ຈະເຮັດໃຫ້ທ່ານຮູ້ວ່າ ອາຍຸບໍ່ແມ່ນເລື່ອງສຳຄັນເລີຍ ທີ່ຈະເຮັດໃຫ້ຄົນຜູ້ໜຶ່ງໄລ່ລ່າຕາມຄວາມຝັນ ແລະເອົາຊະນະອຸປະສັກເບື້ອງໜ້າ. ເຮົາໄປເບິ່ງ 5 ຄຳເວົ້າ ຂອງ ມາກ ຊັກເກີເບີກນຳກັນເລີຍ:
1. “ທ່ານຕ້ອງກ້າວໄປຂ້າງໜ້າຢ່າງໄວ ອາດຈະມີບາງສິ່ງຕ້ອງເສຍຫາຍໄປແດ່ ເພາະຖ້າບໍ່ມີຫຍັງເສຍຫາຍ ນັ້ນເປັນເພາະວ່າທ່ານຍັງບໍ່ໄວພໍ”
ການທີ່ບອກວ່າເຮົາຕ້ອງກ້າວໄວ ແລະອາດຈະມີເລື່ອງເສຍຫາຍ ບໍ່ໄດ້ໝາຍຄວາມວ່າ ທ່ານສາມາດທຳຮ້າຍໃຜກໍໄດ້ ເພື່ອຄວາມສຳເລັດຂອງທ່ານ ແຕ່ມັນໝາຍຄວາມວ່າ ຖ້າທ່ານມີຄວາມມຸ່ງໝັ້ນຢູ່ແລ້ວ ຢ່າມົວແຕ່ລໍຖ້າຄົນອື່ນໆ ຖ້າເຂົາບໍ່ເຫັນດີນຳທ່ານ ທ່ານຈົ່ງແລ່ນໄປສູ່ເປົ້າໝ!ຍຂອງທ່ານ ຢ່າຢຸດ ຢ່າຈຳກັດຂີດຄວາມສາມາດຂອງຕົນ ມັນຍ່ອມມີຄົນທີ່ບໍ່ຢາກເຫັນທ່ານ ປະສົບຄວາມສຳເລັດຢູ່ແລ້ວ ແຕ່ທ່ານຢ່າໄປສົນໃຈເທົ່ານັ້ນເອງ ແລະຖ້າປັດໄຈບາງຢ່າງທີ່ທ່ານມີ ມັນເປັນອຸປະສັກ ກໍລຳລາຍມັນສາ ເພາະບາງທີມັນກໍເກົ່າແກ່ ເກີນກວ່າຈະຮັກສາມັນໄວ້ກໍໄດ້.
ຈື່ໄວ້ວ່າເຮົາສ້າງປະຫວັດສາດ ຈາກການທຳລາຍຂອງເກົ່າລົງ ແລະສ້າງສິ່ງໃໝ່ທີ່ຄົນອື່ນຄາດບໍ່ເຖິງ ນັ້ນລະ ທີ່ເອີ້ນວ່າຄວາມສຳເລັດ.
2. “ເປົ້າໝາຍຂອງຂ້ອຍບໍ່ເຄີຍຄິດວ່າ ຈະເປີດບໍລິສັດເພື່ອຫາເງິນເທົ່ານັ້ນ ຄົນມັກເຂົ້າໃຈຜິດ ເປົ້າໝາຍແທ້ໆຂອງຂ້ອຍໃນຕອນນັ້ນ ຄືສ້າງຄວາມປ່ຽນແປງໃຫ້ກັບໂລກ ຂອງເຮົາຄັ້ງຍິ່ງໃຫຍ່ຕ່າງຫາກ”
ຖ້າທ່ານຄິດແຕ່ເລື່ອງເງິນ ທ່ານກໍມັກຈະລົງເອີຍກັບວຽກປະຈຳ ທີ່ຈ່າຍເງິນໃຫ້ທ່ານເທົ່າໆກັນທຸກເດືອນ ແຕ່ຄົນສ່ວນຫຼາຍທີ່ປະສົບຄວາມສຳເລັດ ເຂົາສ່ຽງທຸກຢ່າງເພື່ອສູ້ຈົນພວກເຂົາ ເດິນມາເຖິງທຸກມື້ນີ້ ເພາະສິ່ງທີ່ເຂົ້າຮູ້ກໍຄື ເງິນ ຄືພາບລວງຕາ ທີ່ຜ່ານມາແລ້ວກໍຜ່ານໄປ ແຕ່ພວກເຂົາຕ້ອງການສ້າງຊື່ຫຼາຍກວ່າ.
ເຊິ່ງແນ່ນອນວ່າ ໃນໂລກນີ້ກໍຍັງມີຄົນລວຍອີກຫຼາຍຄົນ ທີ່ຄິດເຖິງແຕ່ເລື່ອງຂອງໂຕເອງ ເຊິ່ງຄົນເຫຼົ່ານີ້ ຖ້າຈາກໂລກນີ້ໄປ ກໍບໍ່ມີໃຜຈື່ໄດ້ ເພາະເຂົາບໍ່ໄດ້ສ້າງປະໂຫຍດຫຍັງ ໄວ້ໃຫ້ໂລກແມ່ນແຕ່ເລັກໜ້ອຍ.
3. “ສ່ວນຕົວຂ້ອຍຄິດວ່າ ຂ້ອຍມັກຢູ່ໃກ້ໆ ຫຼືເຮັດວຽກກັບຄົນທີ່ມັກ ປະເມີນຂ້ອຍຕ່ຳເກີນກວ່າຄວາມເປັນຈິງ ເພາະມັນເຮັດໃຫ້ຂ້ອຍມີພະລັງທີ່ຈະສູ້ ແລະພິສູດຄວາມຈິງໃຫ້ພວກເຂົາງຶດ ວ່າພວກເຂົາຄິດຜິດ”
ຄົນທີ່ມີຄວາມຝັນອັນຍິ່ງໃຫຍ່ ມັກມີຄົນທີ່ບໍ່ເຊື່ອ ສົງໄສ ແລະປະໝາດ ເປັນທຳມະດາ ຈົ່ງຕ້ອນຮັບພວກເຂົາ ເພາະນັ້ນຄືແຫຼ່ງພະລັງງານຊັ້ນດີ ທີ່ເຮັດໃຫ້ທ່ານມີແຮງສູ້ ສູ້ເພື່ອພິສູດວ່າພວກເຂົາຄິດຜິດ ຈື່ໄວ້ໂລດວ່າ ເຮົາຄວບຄຸມຄວາມຄິດຄົນອື່ນບໍ່ໄດ້ ແຕ່ເຮົາຄວບຄຸມວິທີທີ່ເຮົາຈະໂຕ້ຕອບ ຄວາມຄິດຂອງຄົນເຫຼົ່ານັ້ນໄດ້ ມັນຄືທາງເລືອກຂອງເຮົາເອງທັງນັ້ນ.
ແລະເມື່ອທ່ານສຳເລັດແລ້ວ ທ່ານກໍສາມາດກັບໄປຄົນທີ່ ບໍ່ເຊື່ອທ່ານໃນຕອນທຳອິດ ແລະຂອບໃຈພວກເຂົາ ທີ່ພວກເຂົາຄືສິ່ງທີ່ເຮັດໃຫ້ທ່ານສຳເລັດ ໃນມື້ນີ້.
4. “ອາດຈະຟັງນ້ຳເນົ່າໄປແດ່ ແຕ່ຂ້ອຍຢາກປ່ຽນສັງຄົມ ໃຫ້ເປີດກວ້າງຫຼາຍຂຶ້ນ ແລະການເປີດກວ້າງໃຫ້ສັງຄົມນັ້ນ ມັນບໍ່ສາມາດເກີດຂຶ້ນຊົ່ວຂ້າມຄືນດອກ ມັນໃຊ້ເວລາເປັນ 10-15 ປີພຸ້ນລະ”
ຈື່ໄວ້ວ່າ ຄວາມອົດທົນຄືກຸນແຈສຳຄັນຂອງທຸກສິ່ງ ໂດຍສະເພາະຢ່າງຍິ່ງການປ່ຽນໂລກ ຍິ່ງຕ້ອງໃຊ້ເວລາດົນ. ເຊັ່ນ ເລື່ອງລາວຂອງ Nelson Mandela ທີ່ຕ້ອງໃຊ້ເວລາໃນຄຸກເຖິງ 27 ປີ ຈົນເຂົາສາມາດກ້າວອອກມາ ແລະກາຍເປັນປະທານາທິບໍດີ ຜິວສີຄົນທຳອິດຂອງອາຟຣິກກາໃຕ້ ນີ້ຄືຕົວຢ່າງທີ່ສຳຄັນຫຼາຍຂອງການ ສ້າງສິ່ງດີໆ ໃຫ້ກັບໂລກ ເພາະສະນັ້ນ ຄວາມສຳເັລດມັນຍາກ ຈົ່ງອົດທົນ!.
5. “ຄວາມສ່ຽງທີ່ສູງທີ່ສຸດ ຄືການບໍ່ສ່ຽງເຮັດຫຍັງເລີຍ ແລະການບໍ່ສ່ຽງເຮັດຫຍັງເລີຍນີ້ ເປັນການກະລັນຕີສູ່ຄວາມລົ້ມແຫຼວ”
ສິ່ງທີ່ອິນເຕີເນັດເຊື່ອມໂລກໄດ້ ໃນມື້ນີ້ ເມື່ອ 50 ປີກ່ອນ ຄົງບໍ່ມີໃຜຄິດວ່າຈະເກີດຂຶ້ນຈິງໄດ້ ເພາະສະນັ້ນ ໂລກມັນໝຸນໄປໄວກວ່າທີ່ຄິດ ແລະຖ້າທ່ານບໍ່ຄິດຈະສ່ຽງຫຍັງເລີຍ ທ່ານກໍຈະຫຼ້າຫຼັງໄປແນວນັ້ນ.
ທ່ານບໍ່ຈຳເປັນທີ່ຈະຕ້ອງຮູ້ດອກວ່າ ຈະເກີດຫຍັງຂຶ້ນໃນວັນຂ້າງໜ້າ ມັນຈະສຳເລັດຫຼືບໍ່ ມັນຈະເກີດຫຍັງຂຶ້ນ ຂໍພຽງແຕ່ທ່ານເຮັດໃນມືນີ້ໃຫ້ດີທີ່ສຸດ ລອງສ່ຽງເພື່້ອຄວາມຝັນຂອງທ່ານເບິ່ງ ດີກວ່າບໍ່ສ່ຽງຫຍັງເລີຍ ເພາະບາງທີ ມັນອາດຈະສະບາຍ ຖ້າເຮົາບໍ່ເຮັດຫຍັງເລີຍ ເຮົາຢູ່ຊື່ໆ ເຮົາກໍມີວຽກເຮັດ ແຕ່ເຮົາບໍ່ກ້າທີ່ຈະປ່ຽນ ຄວາມຝັນ ກໍຍັງຄົງເປັນໄດ້ແຕ່ຄວາມຝັນຢູ່ ເພາະສະນັ້ນ ຄວາມກ້າ ຄືສິ່ງທີ່ສຳຄັນທີ່ສຸດ !!
ຖ້າທ່ານຜູ້ອ່ານເຫັນວ່າບົດຄວາມນີ້ມີຄຸນຄ່າ ຈົ່ງຢ່າອ່ານຄົນດຽວ ສົ່ງຕໍ່ຂໍ້ຄວາມນີ້ໃຫ້ຄົນທີ່ທ່ານຮັກ ໃຫ້ເຂົາໄດ້ອ່ານ ໄດ້ຄວາມຄິດໄປພ້ອມໆ ກັບທ່ານດ້ວຍ.
ບົດຄວາມສຳຄັນທີ່ໜ້າອ່ານ:
ພັນລະຍາ 7 ປະເພດ ທີ່ພະພຸດທະເຈົ້າບັນຍັດໄວ້
ເກັ່ງ 10 ຢ່າງ ຂອງຄົນທີ່ເຮັດຫຍັງກໍສຳເລັດ
12 ສິ່ງທີ່ຄົນປະສົບຄວາມສຳເລັດໃນຊີວິດເຂົາບໍ່ເຮັດ
ບໍ່ມີເວລາໃດທີ່ຄົນເຮົາຈະພ້ອມທຸກຢ່າງ
ສິ່ງທີ່ຕ້ອງເຮັດ ເມື່ອອາຍຸຫຼາຍຂຶ້ນ
ໃຜໄດ້ອ່ານບົດຄວາມນີ້ຈົບ ຜູ້ນັ້ນຈະເປັນຄົນໂຊກດີ
ປະໂຫຍດ 10 ຢ່າງທີ່ເກີດຈາກການຢູ່ຄົນດຽວ
5 ວິທີງ່າຍໆ ຖ້າບໍ່ຢາກຖືກນິນທາ
5 ຂໍ້ທີ່ຄົນໃກ້ຕາຍຮູ້ສຶກເສຍດາຍທີ່ສຸດ