ຜູ້ຍິງເຮົາບໍ່ມັກຮ່ອງຮອຍຕ່າງໆ ທີ່ເກີດຂຶ້ນເທິງຮ່າງກາຍເຮົາລວມໄປເຖິງທ້ອງລາຍໃນໄລຍະຖືພາ ສຳຫລັບຜູ້ຍິງທີ່ຈັດຢູ່ໃນກຸ່ມສ່ຽງບໍ່ສາມາດຫລີກລ້ຽງທ້ອງລາຍໄດ້ ເນື່ອງຈາກກຳມະພັນກໍບໍ່ຕ້ອງກັງວົນໄປເພາະເຮົາມີວິທີຫລຸດທ້ອງລາຍມາໃຫ້ລອງ
ຮີບປິ່ນປົວອາການທ້ອງລາຍແຕ່ເລີ່ມຕົ້ນ
ສິ່ງທໍາອິດທີ່ຄວນເຮັດເພື່ອກຳຈັດ ຫລື ຫລຸດທ້ອງລາຍຄືການກວດເບິ່ງວ່າ ມີຮ່ອງຮອຍຈາກການຖືພາເກີດຂຶ້ນຫລື ບໍ່ ຍິ່ງພົບເຫັນໄວເທົ່າໃດກໍສາມາດແກ້ໄຂບັນຫານີ້ໃຫ້ໝົດໄປໄດ້ ເພາະຖ້າຖິ້ມເອົາໄວ້ຈົນຮ່ອງຮອຍຈາງລົງ ທ້ອງລາຍອາດຈະຕິດໂຕໄປຈົນບໍ່ສາມາດເຮັດໃຫ້ຈາງລົງໄປໄດ້ເລີຍ
ໃຊ້ຄີມທາຜິວ
ໃຊ້ຄີມທາຜິວນວດບໍລິເວນໜ້າທ້ອງມື້ລະຫລາຍໆເທື່ອ ເພື່ອເພີ່ມຄວາມຊຸ່ມຊື່ນໃຫ້ແກ່ຜິວໜັງບໍລິເວນໜ້າທ້ອງ ເຖິງວ່າ ຄີມທີ່ໃຊ້ຈະບໍ່ແມ່ນຄີມສະເພາະສຳຫລັບຜິວແຕກກາຍກໍຕາມ ຫລາຍຄົນນິຍົມໃຊ້ຄີມທີ່ມີສ່ວນປະສົມຂອງ ໂຄໂຄບັດເຕີ ແຕ່ກໍຍັງບໍ່ມີຜົນການວິໄຈມາຮອງຮັບເຖິງຄຸນສົມບັດຂໍ້ນີ້ ແຕ່ມີຜົນການວິໄຈວ່າ ຄີມທີ່ມີສ່ວນປະສົມຂອງສານສະກັດຈາກ ໂກໃຫຍ່ໂຄລາ ຫລື ທີ່ຮູ້ຈັກກັນວ່າ ໄລກອງເຈນ ຫລື ວາລາເຣຍ ວິຕາມິນອີ ແລະ ຄໍລາເຈນໄຮໂດນໄລເສດ ມີສ່ວນຊ່ວຍຫລຸດຟູແຕກກາຍໄດ້
ຂັດຜິວເລື້ອຍ ໆ
ເວລາຍ່າງຊື້ເຄື່ອງເລືອກຊື້ເຄື່ອງຕາມຫ້າງສັບພະສິນຄ້າກໍຢ່າລືມລອງແວະເບິ່ງຄີມຂັດຜິວສູດອ່ອນໂຍນທີ່ເໝາະກັບ ສະພາບຜິວມາລອງໃຊ້ເບິ່ງ ນອກຈາກນີ້ອາດຈະລອງເຮັດເອງກໍໄດ້ ພຽງແຕ່ນຳເອົາເປືອກໝາກກ້ຽງແຫ້ງປະສົມກັບ ໂຍເກີດ ນຳມາຂັດຜິວ
ກິນວິຕາມິນເສີມ
ວິຕາມິນອີ ຊ່ວຍຊ້ອມແຊມ ແລະ ເສີມສ້າງຄໍລາເຈນ ພຽງກິນວິຕາມິນອີ ມື້ລະ 1 ເມັດ ຫລື ນວດດ້ວຍນ້ຳມັນວິຕາມິນອີ ກໍສາມາດຊ່ວຍຫລຸດຮອຍແຕກກາຍໄດ້ ນ້ຳມັນດັງເຂົ້າ ຫລື ເຄື່ອງສຳອາງທີ່ມີສ່ວນປະສົມຂອງ ເປັບທາຍ ແລະ ເລຕິນອຍ ກໍເຊື່ອກັນວ່າ ສາມາດຊ່ວຍຫລຸດເລືອນຮ່ອງຮອຍແຕກກາຍໄດ້ແຕ່ຍັງບໍ່ມີຂໍ້ມູນທາງການແພດຍືນຢັນ
ດື່ມນ້ຳຫລາຍໆ
ວິທີນີ້ຈະຊ່ວຍໃຫ້ຜິວຂອງຊຸ່ມຊື່ນ ແລະ ຊ່ວຍປ້ອງກັນຮອຍແຕກກາຍໄດ້
ອອກກຳລັງກາຍຂະນະຖືພາ
ຜູ້ຍິງຫລາຍຄົນຫລີກລ້ຽງການອອກກຳລັງກາຍທຸກຮູບແບບ ແລະ ໃຊ້ເວລາສ່ວນໃຫຍ່ໄປກັບການພັກຜ່ອນ ນີ້ອາດຈະສົ່ງຜົນເສຍຕໍ່ສຸຂະພາບ ແລະ ຜິວໜັງໄດ້ ລອງຍ່າງອອກກຳລັງກາຍທຸກມື້ ມື້ລະ 5 ນາທີ ຫລື ລອງຫລິ້ນໂຍຄະສຳຫລັບແມ່ຖືພາກໍໄດ້ນະ