1. ມີຄວາມສຳພັນທີ່ດີກັບເພື່ອນສະເໝີ ໃຜທີ່ມີແຟນແລ້ວລືມເພື່ອນຍົກມືຂຶ້ນຢຸດການກະທຳແບບນີ້ເດັດຂາດ ຢ່າລືມວ່າເພື່ອນໆກໍຄືຄົນສຳຄັນໃນຊີວິດຂອງເຈົ້າເຊັ່ນກັນ ຢ່າເອົາເວລາຂອງເຈົ້າທຸ້ມເທໃຫ້ກັບຄົນຮັກທັງໝົດເພາະທັງເຈົ້າ ແລະ ເຂົາກໍຈຳເປັນຕ້ອງໃຊ້ຊີວິດສ່ວນຕົວຢູ່ກັບເພື່ອນຝູງນຳ ທີ່ສຳຄັນເພື່ອນໆຂອງເຈົ້າຍັງເປັນທີ່ປຶກສາດ້ານຄວາມຮັກໄດ້ຢ່າງດີເລີຍ ໃຊ້ເວລາຢູ່ກັບພວກເຂົາບໍ່ວ່າຈະກິນ ທ່ຽວ ຫລື ຊ໋ອບປີ້ງ ເພາະບໍ່ມີໃຜຈະຮູ້ໃຈເຈົ້າເທົ່າເພື່ອນອີກແລ້ວ
2. ເຮັດສິ່ງທີ່ຕົວເອງມັກ ນອກຈາກຈະໃຊ້ເວລາກັບເພື່ອນແລ້ວກໍຢ່າລືມແບ່ງເວລາໃຫ້ຕົວເອງໃນການເຮັດສິ່ງທີ່ເຈົ້າມັກຫລືການໄປຢ້ຽມຍາມຍາດຕີ່ພີ່ນ້ອງຕ່າງແຂວງ ບໍ່ຈຳເປັນຕ້ອງເລີກເຮັດສິ່ງນັ້ນພຽງເພາະເຈົ້າມີແຟນ ແມ່ນຢູ່ທີ່ເຂົາເຂົ້າມາເຕີມເຕັມຊີວິດຂອງເຈົ້າໃຫ້ສົມບູນຍິ່ງຂຶ້ນເຈົ້າເອງກໍບໍ່ຄວນຝາກຝັງຄວາມສຸກຂອງຕົວເອງໄວ້ກັບໃຜຫາກເຈົ້າສາມາດສ້າງຄວາມສຸກໃຫ້ຕົວເອງໄດ້ກ່ອນເຈົ້າກໍພ້ອມຈະສ້າງຄວາມສຸກໃຫ້ກັບຂົາໄດ້ເຊັ່ນກັນ
3. ແບ່ງປັນຄວາມຄິດເຫັນກັນ ອີກໜຶ່ງວິທີທີ່ຈະເຮັດໃຫ້ເຈົ້າບໍ່ສູນເສຍຄວາມເປັນຕົວເອງກໍຄືການແລກປ່ຽນຄວາມຄິດເຫັນກັບຄົນຮັກ ເຈົ້າສາມາດເວົ້າໃນສິ່ງທີ່ເຈົ້າຄິດຫລືຕ້ອງການໄດ້ບໍ່ຈຳເປັນຕ້ອງເອີອໍ ຫລື ເຫັນນຳກັບເຂົາໄປທຸກເລື່ອງການທີ່ເຈົ້າພະຍາຍາມເຮັດໃຫ້ເຂົາພໍໃຈທຸກຢ່າງບໍ່ໄດ້ກາລັນຕີວ່າຄວາມຮັກຂອງເຈົ້າຈະຢູ່ລອດປອດໄພສະເໝີ້ໄປ ແລະ ການມີຄວາມຄິດເຫັນທີ່ແຕກຕ່າງກັນຈະເຮັດໃຫ້ເຈົ້າ ແລະ ຄົນຮັກໄດ້ເບິ່ງຫຍັງຕ່າງມຸມນຳ ນອກຈາກເຈົ້າທັງຄູ່ຈະຮູ້ສຶກຜ່ອນຄາຍແລ້ວມັນຍັງເຮັດໃຫ້ເຈົ້າຮູ້ຈັກຕົວຕົນຂອງກັນແລະກັນຫລາຍຂຶ້ນນຳ
4. ຢ່າຖິ້ມທຸກຢ່າງພຽງເພື່ອໃຫ້ໄດ້ຢູ່ກັບເຂົາ ຖ້າເຈົ້າມີນັດຢູ່ແລ້ວ ແລະ ເຂົາວົນເຈົ້າໄປດິນເນີໃຕ້ແສງທຽນແບບກະທັນຫັນກໍບໍ່ຈຳເປັນຕ້ອງຍົກເລີກນັດທັງໝົດພຽງເພື່ອໃຫ້ໄດ້ຢູ່ກັບພວກເຂົາ ແລະ ມັນກໍບໍ່ແມ່ນຄວາມຜິດຂອງເຈົ້າທີ່ປະຕິເສດເຂົາທີ່ສຳຄັນເຈົ້າເອງກໍບໍ່ຄວນຜິດນັດໃຜນຳ ດັ່ງນັ້ນປະຕິເສດເຂົາໄປຕາມກົງວ່າເຈົ້າມີນັດແລ້ວແລະອາດຈະຊວນເຂົາໃຫ້ໄປມື້ອື່ນແທນ ຕ້ອງແຂງໃຈແນ່ສາວໆບໍ່ຕ້ອງຕາມໃຈເຂົາທຸກເລື່ອງ
- ບໍ່ຕ້ອງເກາະຕິດເຂົາທຸກສະຖານນະການ ເມື່ອຮັກໃໝ່ໆນັ້ນເຈົ້າຄົງຢາກຢູ່ນຳກັນຕະຫລອດເວລາ ພຽງແຕ່ແກວງມືລາກັນແປ໊ບດຽວກໍຄິດຮອດກັນອີກແລ້ວ ແລະ ເຖິງວ່າເຈົ້າຈະໂຫຍຫາຢາກຢູ່ໃກ້ເຂົາຂະໜາດໃດກໍບໍ່ຈຳເປັນຕ້ອງໂທຫາເຂົາຖີ່ໆ ຫລື ສົ່ງຂໍ້ຄວາມຫວານໆໃຫ້ກັບເຂົາທັງມື້ດອກ ເພາະການກະທຳແບບນີ້ມັນສະແດງວ່າເຈົ້າກຳລັງສູນເສຍຄວາມເປັນຕົວເອງແບບເຕັມໆ ແຖມຍັງໜ້າລຳຄານອີກດ້ວຍເອົາເປັນວ່າຄິດເຖິງກັນແຕ່ພໍງາມຈະດີກວ່າບໍ່ເຊັ່ນນັ້ນໜຸ່ມໆອາດຈະເຊັງທີ່ເຈົ້າຄອຍຖ້າຕາມຕິດເຂົາ
6. ເຮັດກິດຈະກຳທີ່ມີຄວາມສຸກຮ່ວມກັນ ຫາກວ່າເຈົ້າກັບເຂົາຫາກໍ່ຈະຮຽນຮູ້ກັນໄດ້ບໍ່ດົນ ໃຫ້ເຈົ້າຮູ້ຈັກກັນຫລາຍຂຶ້ນໂດຍທີ່ກິດຈະກຳນັ້ນຕ້ອງເປັນຄວາມມັກຂອງເຈົ້າທັງຄູ່ບໍ່ແມ່ນຄວາມມັກຂອງຄົນໃດຄົນໜຶ່ງເຊັ່ນ ການທ່ອງທ່ຽວ, ການຖ່າຍຮູບ, ເບິ່ງໜັງ, ສະໝັກສະມາຊິກຟິດເນດຫລືຫຍັງກໍຕາມຫລືຫາກເຈົ້າມີຄວາມມັກທີ່ຕ່າງກັນກໍອາດຈະເວົ້າເວົ້າແລກປ່ຽນຄວາມມັກຂອງກັນແລະກັນ ກໍເປັນໄອເດຍທີ່ດີ
7. ຊື່ນຊົມກັນແລະກັນ ການຊື່ນຊົມກັນ ແລະ ກັນເປັນສິ່ງທີ່ເຮັດໃຫ້ເຈົ້າ ແລະ ເຂົາເຫັນວ່າຄວາມຮັກທີ່ເກິດຂື້ນນັ້ນມາຈາກການຫລົງຮັກຕົວຕົນຂອງກັນແລະກັນ ເຊັ່ນເຂົາມັກຖ່າຍຮູບເຈົ້າອາດຈະຫາເລື່ອງຊື່ນຊົມເຖິງຄວາມເກັ່ງຂອງເຂົາ ຫລື ຫາກເຈົ້າຮູ້ສຶກວ່າພວກເຂົາເບິ່ງແຍງເຈົ້າເປັນຢ່າງດີກໍຄວນຈະຊື່ນຊົມແລະຂອບໃຈເຂົານຳຄວາມຈິງໃຈນອກຈາກນີ້ການຊື່ນຊົມຄວາມຄິດທີ່ແຕກຕ່າງກໍສຳຄັນບໍ່ແພ້ກັນຢ່າຊື່ນຊົມເຂົາພຽງເພາະເຂົາແລະເຈົ້າມີຄວາມຄິດດີໆກົງກັນເທົ່ານັ້ນການຊື່ນຊົມແມ່ນໃນຂະນະທີ່ເຈົ້າຄິດເຫັນຕ່າງກັນຈະເຮັດໃຫ້ເຈົ້າທັງຄູ່ເຂົ້າໃຈຄວາມເປັນຕົວຕົນຂອງກັນແລະກັນຫລາຍຂຶ້ນ