spot_img
Homeຂ່າວເຫດການສົກປີນີ້ ລັດຈະຍັງບໍ່ເພີ່ມເງິນເດືອນໃຫ້ພະນັກງານລັດ​ຖະ​ກອນ!

ສົກປີນີ້ ລັດຈະຍັງບໍ່ເພີ່ມເງິນເດືອນໃຫ້ພະນັກງານລັດ​ຖະ​ກອນ!

Published on

mof finance

 

ພາຍຫລັງມີພະນັກງານລັດຖະກອນຈຳນວນບໍ່ໜ້ອຍ ສົນໃຈວ່າ: ສົກປີນີ້ລັດຖະບານຈະຂື້ນເງິນເດືອນເພີ່ມຫລືບໍ່ ? ເພາະວ່າຄ່ານ້ຳ, ໄຟຟ້າ ແລະ ລາຄາສີນຄ້າອຸປະ ໂພກ-ບໍລິໂພກ ຢູ່ທ້ອງຕະຫລາດກໍມີລາຄາສູງຂຶ້ນເລື້ອຍໆ, ຕໍ່ບັນຫາດັ່ງກ່າວທ່ານ ດຣ ບຸນເຫລືອ ສີນໄຊວໍຣະວົງ ຫົວໜ້າກົມງົບປະມານກະຊວງການເງິນໃຫ້ຮູ້ວ່າ: ສົກປີນີ້ ລັດຖະບານຈະບໍ່ຂຶ້ນເງິນເດືອນໃຫ້ພະນັກງານລັດຖະກອນເທື່ອ, ເພາະວ່າເລີ່ມແຕ່ສົກປີ 2012-2013 ໄດ້ເພີ່ມເງິນເດືອນໃຫ້ພະນັກງານລັດຖະກອນຈາກ 3.500 ມາເປັນ 4.800 ກີບຕໍ່ດັດສະນີ ແລະ ໃນສົກ ປີ 2013-2014 ເພີ່ມຂຶ້ນເປັນ 6.700 ກີບຕໍ່ດັດສະນີ, ເຊິ່ງເຫັນວ່າ ເພີ່ມຂຶ້ນແບບເທົ່າຕົວຫລາຍສົມຄວນ, ສະນັ້ນ, ໃນສົກປີ 2014-2015 ນີ້ ລັດຖະບານໄດ້ຕົກລົງຮັກສາເງິນເດືອນໄວ້ລະດັບເກົ່າ, ເນື່ອງຈາກວ່າ ຄັງເງິນເດືອນລວມຂອງພະນັກງານລັດຖະກອນທົ່ວປະ ເທດກໍແມ່ນສູງສົມຄວນແລ້ວ ເມື່ອທຽບກັບລາຍຮັບພາຍໃນທີ່ປະຕິບັດໄດ້, ແນວໃດກໍຕາມ ລັດຖະບານເຂົ້າໃຈດີວ່າເງິນເດືອນທີ່ກຳນົດໃນປັດຈຸບັນ ຍັງບໍ່ພຽງພໍ ຖ້າທຽບໃສ່ຄ່າຄອງຊີບທີ່ສູງຂຶ້ນເລື້ອຍໆ, ແນວໃດກໍດີ ກະຊວງການເງິນພວມປະສານສົມທົບກັບພາກສ່ວນກ່ຽວຂ້ອງອື່ນໆ ເພື່ອຄົ້ນຄວ້ານະ ໂຍບາຍເງິນເດືອນໃນຕໍ່ໜ້າ ແນໃສ່ແກ້ໄຂຊີວິດການເປັນຢູ່ຂອງພະນັກງານລັດຖະກອນໃຫ້ດີຂຶ້ນເທື່ອລະກ້າວ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ກິນສົ້ມໝູດິບ ອັນຕະລາຍທີ່ສຸດສຳລັບຄົນຖືພາ ອາດຈະເຮັດໃຫ້ລູກໃນທ້ອງບໍ່ສົມບູນ

ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ. ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ...

ພ້ອມໃຫ້ບໍລິການ 40 ຈຸດທົ່ວປະເທດ! ສະຖານີສາກລົດໄຟຟ້າ BlueDot ຈາກບໍລິສັດ ລາວທານີ ທີ່ມາພ້ອມກັບມາດຕະຖານ ແລະ ຄວາມປອດໄພຂັ້ນສູງ

ສະຖານີສາກລົດໄຟຟ້າ BlueDot ຈາກບໍລິສັດລາວທານີ ທີ່ມາພ້ອມກັບມາດຕະຖານ ແລະ ມີຈຸດສາກລົດຫຼາຍກວ່າ 40 ຈຸດທົ່ວປະເທດ. ໃນຍຸກປັດຈຸບັນ, ການເດີນທາງດ້ວຍລົດຍົນໄຟຟ້າກໍາລັງໄດ້ຮັບຄວາມນິຍົມຫຼາຍຂຶ້ນເລື້ອຍໆ ໃນ ສປປ ລາວ ດັ່ງນັ້ນ, “ສະຖານີສາກລົດໄຟຟ້າ”...

ລາວ-ກູບາ ສືບຕໍ່ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ລາວ-ກູບາ ພົບປະສອງຝ່າຍຢ່າງເປັນທາງການ ເພື່ອຕີລາຄາ, ຖອດຖອນບົດຮຽນ, ປຶກສາຫາລືດ້ານຍຸດທະສາດ ແລະ ກໍານົດທິດທາງການຮ່ວມມື ໃຫ້ກ້າວເຂົ້າສູ່ລວງເລິກ ເພື່ອຜົນປະໂຫຍດລວມຂອງປະຊາຊົນສອງຊາດ. ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,...

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...