ວັນທີ 6 ມັງກອນ 2014 ກອງປະຊຸມໜ່ວຍງານສະເພາະກິດລາວ-ຫວຽດນາມ ຄັ້ງທີ 3 ກ່ຽວກັບການຈັດ ຕັ້ງຜັນຂະຫຍາຍຮູບແບບການກວດກາປະຕູດຽວ-ຄັ້ງດຽວ ທີ່ດ່ານສາກົນແດນສະຫວັນ-ລາວບາວ ໄດ້ຈັດຂຶ້ນທີ່ເມືອງ ດົງຮ່າ ແຂວງກວາງຈິ ສສ ຫວຽດນາມ ໂດຍການເປັນປະທານຮ່ວມຂອງທ່ານ ຄອນເພັງ ທຳມະວົງ ຮັກສາການຫົວໜ້າກົມເສດຖະກິດ, ກະຊວງການຕ່າງປະ ເທດແຫ່ງ ສປປ ລາວ, ຕາງໜ້າຫົວໜ້າໜ່ວຍງານສະເພາະກິດຂອງລາວ ແລະ ທ່ານ ຫງວຽນ ດັກ ແທ໋ງ ຮອງຫົວໜ້າ ກົມສັງລວມເສດຖະກິດ, ກະຊວງການຕ່າງປະເທດແຫ່ງ ສສ ຫວຽດນາມ, ຕາງໜ້າຫົວໜ້າໜ່ວຍງານສະເພາະກິດຂອງຫວຽດນາມ ພ້ອມນີ້ ຍັງມີທ່ານ ດຣ. ຄຳເຜີຍ ຜັນທະຈອນ ຮອງເຈົ້າແຂວງໆສະຫວັນນະເຂດ ແລະ ທ່ານ ດຣ. ຫງວຽນ ຫຶວ ຢຸ໋ງ ຮອງປະທານຄະນະກຳມະການປະຊາຊົນແຂວງກວາງຈິ ພ້ອມດ້ວຍບັນດາຄະນະໜ່ວຍງານສະເພາະກິດຈາກກະຊວງຂະແໜງການກ່ຽວ ຂ້ອງຂັ້ນສູນກາງຂອງທັງສອງປະເທດ ພ້ອມດ້ວຍບັນດາຄະນະໜ່ວຍງານ ສະເພາະກິດຈາກກະຊວງຂະແໜງການກ່ຽວຂ້ອງຂັ້ນສູນກາງຂອງທັງສອງ ປະເທດ ແລະ ຄະນະຮັບຜິດຊອບວຽກງານດັ່ງກ່າວຈາກແຂວງສະຫວັນນະເຂດ ແລະ ແຂວງກວາງຈິ ເຂົ້າຮ່ວມ.
ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອທົບທວນຄວາມຄືບໜ້າການ ກະກຽມວຽກງານການຈັດຕັ້ງຜັນຂະ ຫຍາຍຮູບແບບການກວດກາປະຕູດຽວ-ຄັ້ງດຽວ ຢູ່ດ່ານສາກົນແດນສະຫວັນ-ລາວບາວທາງດ້ານນິຕິກຳ, ບຸກຄະລາ ກອນ, ອຸປະກອນຮັບປຶກສາຫາລືກ່ຽວ ກັບການກະກຽມພິທີເປີດນຳໃຊ້ຮູບແບບ ການກວດກາປະຕູດຽວ-ຄັ້ງດຽວທີ່ດ່ານ ສາກົນແດນສະຫວັນ-ລາວບາວ ຢ່າງ ເປັນທາງການໃນຕົ້ນເດືອນກຸມພາ 2015 ພາຍໃຕ້ການເປັນປະທານຮ່ວມ ຂອງທ່ານຮອງນາຍົກລັດຖະມົນຕີຂອງ ທັງສອງປະເທດ.
ໃນຕອນທ້າຍກໍໄດ້ມີພິທີລົງນາມຮັບ ຮອງເອົາບົດບັນທຶກກອງປະຊຸມດັ່ງກ່າວ ເພື່ອເປັນບ່ອນອີງໃຫ້ແກ່ການປະຕິບັດວຽກງານໃນຕໍ່ໜ້າ ເພື່ອປະຕິບັດ ແຜນການຈັດຕັ້ງຜັນຂະຫຍາຍຮູບແບບການກວດກາປະຕູດຽວ ຄັ້ງດຽວ.
ກ່ອນມື້ກອງປະຊຸມຄືວັນທີ 5 ມັງກອນ 2015 ຄະນະຜູ້ແທນໄດ້ເຂົ້າຮ່ວມພິທີເປີດທົດລອງນຳໃຊ້ຮູບແບບກວດກາ ປະຕູດຽວ-ຄັ້ງດຽວຢູ່ດ່ານສາກົນ ລາວບາວ ໂດຍການເປັນປະທານຮ່ວມ ຂອງທ່ານຮອງປະທານຄະນະກຳມະ ການປະຊາຊົນແຂວງກວາງຈິ ແລະ ທ່ານຮອງເຈົ້າແຂວງໆສະຫວັນນະເຂດ ຊຶ່ງພາຍຫຼັງສຳເລັດພິທີເປີດທົດລອງ ດັ່ງກ່າວຄະນະຜູ້ແທນໄດ້ລົງສຳຫຼວດ ກວດກາເບິ່ງສະຖານທີ່ ແລະ ອຸປະກອນຢູ່ດ່ານສາກົນແດນສະຫວັນ ແລະ ດ່ານ ສາກົນລາວບາວ ເພື່ອກະກຽມໃຫ້ແກ່ພິທີເປີດນຳໃຊ້ຢ່າງເປັນທາງການໃນເດືອນກຸມພາ 2015 ທີ່ຈະມາເຖິງນີ້ໃນ ໂອກາດດັ່ງກ່າວກອງບັນຊາການທະຫານຊາຍແດນຂອງ ສສ ຫວຽດນາມ ໄດ້ມອບອຸປະກອນຮັບໃຊ້ວຽກງານຢູ່ ດ່ານສາກົນແດນສະຫວັນໃຫ້ແກ່ໜ່ວຍງານຕຳຫຼວດກວດຄົນເຂົ້າ-ອອກ ເມືອງແດນສະຫວັນ, ກອງບັນຊາການ ແດນສະຫວັນນະເຂດ, ກະຊວງປ້ອງກັນຄວາມສະຫງົບຂອງ ສປປ ລາວ ເປັນຈຳນວນ 19 ລາຍການ ລວມມູນຄ່າ 2,5 ຕື້ດົງ.
ກ່ອນໜ້ານີ້ ໃນວັນທີ 25 ທັນວາ 2014 ຜ່ານມາ ແຂວງສະຫວັນນະເຂດ ໄດ້ຈັດພິທີເປີດທົດລອງນຳໃຊ້ຮູບແບບ ກວດກາປະຕູດຽວ-ຄັ້ງດຽວທີ່ດ່ານສາ ກົນແດນສະຫວັນ ໂດຍການເປັນປະທານຮ່ວມຂອງທ່ານຮອງເຈົ້າແຂວງໆສະຫວັນນະເຂດ ແລະ ທ່ານຮອງປະທານຄະນະກຳມະການປະຊາຊົນແຂວງກວາງຈິ ຊຶ່ງຜ່ານການທົດລອງນຳໃຊ້ຮູບແບບດັ່ງກ່າວມາໄດ້ໄລຍະໜຶ່ງເຫັນວ່າ ໄດ້ອຳນວຍຄວາມສະດວກໃຫ້ແກ່ປະຊາຊົນຂອງທັງສອງປະເທດ ແລະ ບັນດານັກທ່ອງທ່ຽວຕ່າງປະເທດ ລວມທັງການບໍລິການຂົນສົ່ງສິນຄ້າທີ່ຜ່ານ ເຂົ້າ-ອອກດ່ານສາກົນແດນສະຫວັນ-ລາວບາວ.
ແຫລ່ງຂ່າວ: ເສດຖະກິດ – ສັງຄົມ