spot_img
Homeຂ່າວການພັດທະນາສຶກສາຄວາມເປັນໄປໄດ້ ການສ້າງໂຮງງານຜະລິດສາຍໄຟຟ້າ ຢູ່ນະຄອນຫຼວງ

ສຶກສາຄວາມເປັນໄປໄດ້ ການສ້າງໂຮງງານຜະລິດສາຍໄຟຟ້າ ຢູ່ນະຄອນຫຼວງ

Published on

20150112111212

 

ກຸ່ມ​ບໍລິສັດ ​ເຈິງ​ສຽວ ຈຳກັດ ​ສປ ຈີນ ໄດ້​ລົງ​ນາມ​ບົດ​ບັນທຶກຄວາມ​​ເຂົ້າໃຈ​ກັບ​ລັດ​ວິ​ສາ​ຫະກິດ​ກໍ່ສ້າງ ແລະ ຕິດ​ຕັ້ງ​ໄຟຟ້າ (​ກຕຟ) ເພື່ອ​ສຶກ​ສາ​ຄວາມ​ເປັນໄປ​ໄດ້​ ໃນ​ການ​ຮ່ວມ​ທຶນ​ສ້າງຕັ້ງໂຮງງານ​ຜະລິດ​ສາຍ​ໄຟຟ້າ ຮັບໃຊ້​ແຮງ​ດັນ​ສູງ 115 KV-500 KV ແຮງ​ດັນ​ກາງ ແລະ ແຮງ​ດັນຕ່ຳ ຢູ່​ນະຄອນຫຼວງ​ວຽງ​ຈັນ ເພື່ອສະໜອງ​ໃຫ້​ຕະຫຼາດ​ພາຍ​ໃນ ແລະ ຕ່າງປະເທດ.

ພິທີ​ລົງ​ນາມ​ດັ່ງກ່າວ ໄດ້​ຈັດຂຶ້ນ​ວັນ​ທີ 9 ມັງກອນ 2015 ຢູ່ ​ກຕຟ ລະຫວ່າງ​ທ່ານ ບຸນ​ທຳ ແສນ​ພັນ​ສິ​ຣິ ຜູ້ອຳນວຍການ​ໃຫຍ່ ​ກຕຟ ແລະ ທ່ານ ຈຽງ ເຈິ່ງ​ຢຸນ ປະທານ​ກຸ່ມ​ບໍລິສັດ​ ເຈິງສຽວ ຈຳກັດ ໂດຍ​ຊ້ອງ​ໜ້າ​ທ່ານ ທອງ​ພັດ ອິນ​ທະ​ວົງ ຫົວໜ້າ​ກົມຈັດ​ຕັ້ງກະຊວງ​ພະລັງງານ ແລະ ບໍ່​ແຮ່ ທ່ານ ສີ​ແພງ ພົນ​ອາມາດ ປະທານ​ສະພາ​ບໍລິຫານ ​ກຕຟ ແລະ ພາກສ່ວນ​ກ່ຽວຂ້ອງ.

ການ​ລົງ​ນາມ​ຄັ້ງ​ນີ້ ​ແມ່ນ​ປະຕິ​ບັດ​ຕາມ​ກົດໝາຍ​ວ່າ​ດ້ວຍ​ວິ​ສາຫະ​ກິດ ກົດໝາຍ​ວ່າ​ດ້ວຍ​ການສົ່ງເສີມ​ການ​ລົງທຶນ ກົດໝາຍ​ວ່າດ້ວຍ​ຂໍ້​ຜູກ​ພັນ​ໃນ​ສັນຍາ ແລະ ນອກ​ສັນຍາ ກໍ່​ຄື​ໜັງສື​ເຈດ​ຈຳນົງ​ຂອງ​ກຸ່ມ​ບໍລິສັດ ​ເຈິງ​ສຽວ​ ຈຳກັດ ເພື່ອ​ຂໍ​ເຈລະຈາ​ຮ່ວມ​ຮຸ້ນ​ໃນການ​ສ້າງຕັ້ງ​ໂຮງງານ​ຜະລິດສາຍ​ໄຟຟ້າຢູ່ ​ສປປ ລາວ ແລະ ໃບ​ອະນຸມັດ​ຈາກ​ກົມ​ຄຸ້ມ​ຄອງການ​ເງິນ​ລັດ​ວິ​ສາ​ຫະ​ກິດ ທີ່​ມອບໃຫ້ ​ກຕຟ ລົງ​ນາມ​ບົດ​ບັນທຶກຄວາມ​ເຂົ້າໃຈ ວ່າ​ດ້ວຍ​ການຮ່ວມ​ທຸລະ​ກິດ​ກັບ​ກຸ່ມ​ບໍລິສັດ ​ເຈິງສຽວ ເພື່ອ​ຮ່ວມ​ທຶນ​ສ້າງຕັ້ງ​ໂຮງງານ​ຜະລິດ​ສາຍ​ໄຟຟ້າ​ໃນ ​ສປປ ລາວ ໂດຍ​ພາຍຫຼັງ​ການ​ລົງ​ນາມຄັ້ງ​ນີ້​ແລ້ວ ກໍ່​ຈະ​ເລີ່ມ​ສຶກ​ສາຄວາມ​ເປັນ​ໄປ​ໄດ້​ຢ່າງ​ລະອຽດ ເພື່ອ​ກ້າວ​ໄປ​ຫາ​ການ​ສ້າງຕັ້ງໂຮງງານ​ເປັນ​ທາງ​ການ​ໃນ​ຕໍ່ໜ້າ.

 

ແຫລ່ງ​ຂ່າວ: ວຽງ​ຈັນ​ໃໝ່

 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...