spot_img
Homeນານາສາລະພຽງແຕ່ປ່ອຍວາງ​ ຊີວິດ​ກໍ​ເປັນ​ສຸກ

ພຽງແຕ່ປ່ອຍວາງ​ ຊີວິດ​ກໍ​ເປັນ​ສຸກ

Published on

 2_4

  1. ເບິ່ງ​ຂ້າມ​ເລື່ອງ ເ​ລັກໆ ນ້ອຍໆແນ່ ເຖິງແມ່ນ​ສິ່ງ​ນັ້ນ​ບໍ່​ຖືກ​ຕ້ອງ​ກໍ​ຕາ

ເມື່ອເຈົ້າ​ຮູ້ສຶກ​ວ່າ​ມີ​ບາງ​ສິ່ງ​ທີ່​ເລັກນ້ອຍ​ກຳ​ລັງ​ຢູ່ໃນ​ທາງ​ທີ່​ບໍ່​ຖືກ​ບໍ່​ຄວນ ກໍ​ອາດຈະ​ເຮັດໃຫ້​ເຈົ້າ​ຮູ້ສຶກ​ຄຽດ​ໄດ້ ເພາະ​ເຮົາ​ເອົາ​ແຕ່​ໃສ່​ໃຈ​ກັບ​ຄວາມ​ຜິດ​ພາດ​ເຫລົ່າ​ນັ້ນ​ຈົນ​ລືມ​ແນມເບິ່ງ​ເຖິງ​ຫລາຍໆຢ່າງ​ທີ່​ກຳ​ລັງ​ໄປ​ໄດ້​ສະດວກ ຊຶ່ງ​ສິ່ງ​ເຫລົ່າ​ນັ້ນ​ມີ​ຄ່າ​ຫລາຍກວ່າ​ທີ່​ເຈົ້າ​ຈະ​ເອົາ​ເວລາ​ມາ​ຄຽດ​ກັບ​ສິ່ງ​ຜິດ​ພາດ​ທີ່​ອາດສົ່ງ​ຜົນ​ເຮັດໃຫ້​ເຈົ້າ​ທໍ້​ຖອຍ ດັ່ງ​ນັ້ນລອງ​ແນມຂ້າມ​ສິ່ງ​ຜິດ​ພາດ​ເຫລົ່າ​ນັ້ນ​ໄປ ​ແລະ​ ຂອບໃຈ​ສິ່ງດີໆ ທີ່​ຍັງ​ເຫລືອ​ຢູ່​ດີກວ່າ

  1. ເຊົາ​ຈຸຈີ້ຈຸກຈິກ ບາງເທື່ອ​ເພື່ອ​ໃຫ້​ສິ່ງ​ທີ່​ເຈົ້າ​ເຮັດ​ປະ​ສົບ​ຄວາມ​ສຳ​ເລັດ ກໍ​ອາດຈະ​ເຮັດໃຫ້​ເຈົ້າ​ກາຍ​ເປັນ​ຄົນ​ຈຸຈີ້ຈຸກຈິກອອກ​ຄຳ​ສັ່ງ ແລະ​ ກາຍ​ເປັນ​ຈອມ​ບົງ​ການ​ໄປ​ໂດຍ​ບໍ່​ຮູ້​ຕັວ ແຕ່​ຮູ້​ບໍ​ວ່າ​ບາງ​ສິ່ງ​ທີ່​ເຮົາ​ພະຍາຍາມ​ບົງ​ການ​ໃຫ້ເປັນ​ໄປ​ໃນ​ທາງ​ທີ່​ເຮົາ​ຕ້ອງ​ການ​ເທົ່າໃດ ກໍ​ຈະ​ແຮງ​ເຮັດໃຫ້​ສິ່ງ​ທີ່​ເຮັດ​ລົ້ມ​ເຫລວ ແລະ ​ເມື່ອ​ເຈົ້າ​ບໍ່​ໄດ້ຮັບ​ຄວາມ​ຮ່ວມ​ມື​ເທົ່າ​ທີ່​ຄວນ​ກໍ​ຈະ​ເຮັດໃຫ້​ເຈົ້າ​ຮູ້ສຶກ​ຄຽດ ແລະ​ ຮູ້ສຶກ​ຄືບໍ່​ມີ​ທາງ​ອອກ ດັ່ງ​ນັ້ນ​ເຈົ້າ​ຄວນ​ຈະ​ປ່ອຍ​ໃຫ້ເປັນ​ໄປ​ໃນ​ທາງ​ທີ່​ຄວນ​ຈະ​ເ​ປັນ ແລະ ຍອມ​ຮັບ​ໄດ້​ຢ່າງ​ບໍ່​ມີ​ເງື່ອນ​ໄຂ ເຖິງແມ່ນ​ວ່າອາດຈະ​ເບິ່ງຄືວ່າ​ເຈົ້າ​ທໍ້​ ແລະ ​ຍອມ​ແພ້ແຕ່​ອັນທີ່ຈິງແລ້ວ ​ການ​ປ່ອຍ​ໃຫ້​ທຸກ​ຢ່າງ​ເປັນ​ໄປ​ຕາມ​ທາງ​ທີ່​ເປັນ​ນັ້ນເປັນ​ທາງ​ອອກ​ທີ່​ດີ​ທີ່​ສຸດ ແຖມ​ຍັງ​ເຮັດໃຫ້​ເຈົ້າ​ຮູ້ສຶກ​ສະບາຍ​ໃຈ​ຂຶ້ນ​ອີກ​ດ້ວຍ
  1. ເຊົາກັງ​ວົນ​ໃນ​ສິ່ງ​ທີ່​ຄົນ​ອື່ນ​ຄິ   ບໍ່​ມີ​ໃຜ​ໃນ​ໂລກ​ນີ້​ທີ່​ຈະ​ເຮັດ​ທຸກ​ສິ່ງ​ພໍ​ໃຈ​ທຸກ​ຄົນ​ໄປ​ໝົດ ດັ່ງ​ນັ້ນ​ຢ່າ​ໄປ​ໃສ່​ໃຈ​ສິ່ງ​ທີ່​ຄົນ​ອື່ນ​ຄິດ​ດີກວ່າ​ເພາະ​ຍິ່ງ​ເຮົາ​ຄິດ​ ແລະ​ ສົນໃຈໃນ​ສິ່ງ​ທີ່​ຄົນ​ອື່ນ​ຄິດ​ຫລາຍ​ຂຶ້ນ​ເທົ່າໃດ​ກໍ​ຍິ່ງ​ເຮັດໃຫ້​ເຈົ້າຄຽດ​ຫລາຍ​ຂຶ້ນ​ເທົ່າ​ນັ້ນ​ ແລະ ​ເຮັດໃຫ້​ເຈົ້າ​ບໍ່​ສາມາດ​ເຮັດ​ໃນ​ສິ່ງ​ທີ່​ເຈົ້າ​ຕ້ອງ​ການ​ໄດ້​ຢ່າງ ເຕັມ​ທີ່ແຖມ​ບາງເທື່ອ​ການ​ທີ່​ເຈົ້າ​ເກັບ​ຄຳ​ເວົ້າ ຫລື ​ສິ່ງ​ທີ່​ຄົນ​ອື່ນ​ຄິດ​ມາ​ເປັນ​ອາລົມ ຫລື​ ມາ​ເຮັດໃຫ້​ຄິດ​ຫລາຍ ກໍ​ອາດຈະ​ເຮັດໃຫ້​ສິ່ງ​ທີ່​ເຮົາ​ກຳ​ລັງ​ເຮັດ​ຢູ່​ລົ້ມເຫລວ​ໄດ້ງ່າຍໆ ເພາະ​ສະ​ນັ້ນ​ຈົ່ງ​ໃຊ້​ຊີວິດ​ໃນ​ແບບ​ທີ່​ເຈົ້າ​ເປັນ ຫລາຍກວ່າ​ຈະ​ໃຊ້​ຊີວິດ​ຕາມ​ຄວາມ​ຄິດ​ຂອງ​ຄົນ​ອື່ນ​ດີກວ່າ​
  1. ຢ່າ​ເສຍ​ເວລາ​ກັບ​ຄົນ​ຜິດ​ຄົນ ບາງຄົນ​ອາດຈະ​ຕ້ອງ​ເສຍ​ເວລາ​ໄປ​ຫລາຍ​ປີ​ໃຫ້​ກັບ​ຄົົນທີ່​ບໍ່​ເຄີຍ​ໃຫ້​ຄວາມ​ສຳຄັນ​ ຫລື​ ໃຫ້​ຄວາມ​ເຄົາລົບເຈົ້າ​ເລີຍ ຊຶ່ງ​ນັ້ນ​ເຮັດໃຫ້​ເຈົ້າ​ຕ້ອງ​ເສຍ​ໂອ​ກາດ​ສຳຄັນ​ຫລາຍ​ຢ່າງ​ທີ່​ຄວນ​ຈະ​ເປັນ​ຂອງ​ເຈົ້າ​ໄປ​ຢ່າງ​ໜ້າເສຍ​ດາຍ ເພາະ​ສະ​ນັ້ນຫາກ​ເຈົ້າ​ຮູ້ສຶກ​ວ່າ​ຄົົນທີ່​ເຈົ້າ​ກຳ​ລັງ​ທຸ້ມເທ ​ແລະ​ ໃສ່​ໃຈ​ຢູ່​ນັ້ນກຳ​ລັງ​ເຮັດໃຫ້​ເຈົ້າ​ເສຍ​ໂອ​ກາດ ​ແລະ​ ເວລາ​ໄປ​ຢ່າງ​ບໍ່ມີ​ປະໂຫຍດເຈົ້າ​ກໍ​ຄວນ​ທີ່​ຈະ​ຍ່າງ​ອອກ​ມາ ແລະ​ ເຊົາຄິດ​ເຖິງ​ຄົນ​ເຫລົ່າ​ນັ້ນ​ ເອົາ​ເວລາ​ທີ່​ເຈົ້າ​ເຄີຍ​ໃຊ້​ກັບ​ຄົນ​ຜິດ​ຄົນ​ໄປ​ເຮັດຫຍັງ​ທີ່​ສ້າງສັນ​ ແລະ ​ເຮັດໃຫ້​ຕົວ​ເອງ​ດີ​ຂຶ້ນ​ຈະດີກວ່າ​
  1. ລືມ​ໄປ​ຊະກັບ​ອະ​ດີດ​ທີ່​ຊົ່ວ​ຮ້າ   ບາດແຜ​ ແລະ​ ຄວາມ​ຊົງ​ຈຳ​ທີ່​ເຈັບ​ປວດ ເປັນ​ໜຶ່ງ​ໃນ​ສິ່ງ​ທີ່​ຈະ​ເຮັດໃຫ້​ຊີວິດ​ຂອງ​ເຈົ້າ​ບໍ່​ກ້າວ​ໜ້າ​ໄປ​ໃສ ແຕ່​ຍັງ​ເຮັດໃຫ້​ເຈົ້າ​ຕ້ອງ​ຈົມ​ປັກ​ຢູ່​ກັບ​ຄວາມ​ໂສກ​ເສົ້າ ແລະ​ ຄວາມ​ຄຽດ​ອີກ​ດ້ວຍ ຊຶ່ງ​ບໍ່ແມ່ນ​ຄວາມ​ຄິດ​ທີ່​ດີ​ເລີຍ​ທີ່​ຈະ​ເກັບ​ເອົາ​ໄວ້ ເຈົ້າ​ຄວນ​ຈະ​ປ່ອຍວາງ​ລົງ​ເສຍ ຖິ້ມ​ເອົາ​ໄວ້​ຂ້າງ​ຫລັງ​ແລ້ວ​ຍ່າງ​ຕໍ່ໄປ ຫາກ​ສິ່ງ​ເຫລົ່າ​ນັ້ນ​ຄື​ຄວາມ​ຜິດ​ພາດ​ທີ່​ເຈົ້າ​ບໍ່​ອາດ​ໃຫ້​ອະ​ໄພ​ໃຫ້ຕົວ​ເອງ​ໄດ້ ກໍ​ຄວນ​ຈະ​ປ່ຽນ​ຄວາມ​ຄິດ​ໃໝ່ ແລະ​ ໃຫ້​ອະ​ໄພ​ຕົວ​ເອງ​ຊະ ເພື່ອ​ທີ່​ເຮົາ​ຈະ​ໄດ້​ມີ​ແຮງ​ລຸກ​ຂຶ້ນ​ຍ່າງ​ຕໍ່ໄປ​ອີກ​ເທື່ອ​ໜຶ່ງ​
  1. ເປີດ​ໃຈ​ແລ້ວ​ເບິ່ງ​ໃຫ້​ກວ້າງ​ຂຶ້ ປະຈຸບັນນີ້​ອາດຈະ​ມີ​ຫລາຍ​ຄົົນທີ່​ຕັດ​ສິນ​ຜູ້​ອື່ນ​ພຽງ​ເພາະ​ສິ່ງ​ທີ່​ເຫັນ ບໍ່ແມ່ນ​ໃນ​ສິ່ງ​ທີ່​ເປັນ ຊຶ່ງ​ບໍ່ແມ່ນ​ເລື່ອງ​ດີ​ເລີຍ ແລະ ​ຍັງ​ເຮັດໃຫ້​ຫລາຍໆຄົນ​ພາດ​ໃນ​ສິ່ງ​ທີ່​ແສນ​ງາມ​ໄປ​ໂດຍ​ບໍ່​ຮູ້​ຕົວເພາະ​ສະ​ນັ້ນ​ລອງ​ເປີດ​ໃຈ​ແລ້ວ​ເບິ່ງໃຫ້​ກວ້າງ​ຂຶ້ນ ເຊົາຕັດ​ສິນ​ຄົນ​ອື່ນ​ຈາກ​ພາຍນອກ​ແລ້ວ​ເບິ່ງ​ລົງ​ໄປ​ໃນ​ຈິດ​ໃຈ​ຂອງ​ ​ພວກເຂົາ​ຈະ​ດີກວ່າ ບາງ​ທີ​ເຈົ້າ​ອາດຈະ​ພົບ​ວ່າ​ຜູ້​ຄົນ ​ແລະ​ ເຫດການ​ທີ່​ເບິ່ງ​ຮ້າຍແຮງ​ອາດຈະ​ດີກວ່າ​ທີ່​ຄິດ​ກໍ​ໄດ້
  1. ຢ່າ​ປ່ອຍ​ໃຫ້​ຄວາມ​ຂັດ​ແຍ້ງ​ບານ​ປາ ບາງເທື່ອ​ຄວາມ​ເຂົ້າໃຈ​ຜິດ​ກັນ​ພຽງ​ເລັກນ້ອຍ​ກໍ​ອາດຈະ​ບານ​ປາຍ​ໃຫຍ່ຫຼວງ​ໄດ້​ຖ້າ​ຫາກ​ປ່ອຍຖິ້ມ​ເອົາ​ໄວ້ທາງ​ທີ່​ດີ​ທີ່ສຸດ​ຄື​ຫາກ​ເຈົ້າ ​ແລະ ​ຄົົນທີ່​ເຈົ້າ​ຮັກ​ເກີດ​ການ​ເຂົ້າໃຈ​ຜິດ​ກັນ​ພຽງ​ເລັກນ້ອຍ ກໍ​ຢ່າ​ໃຫ້​ສິ່ງ​ເຫລົ່າ​ນັ້ນ​ເຮັດໃຫ້​ເຈົ້າ​ເບິ່ງ​ຂ້າມ​ສິ່ງ​ດີໆ ທີ່​ເຄີຍ​ເຮັດ​ມາ​ຮ່ວມ​ກັນ ເພາະ​ສິ່ງ​ດີໆເຫລົ່າ​ນັ້ນ​ມີ​ຄ່າ​ເກີນ​ກວ່າ​ທີ່​ຈະ​ສູນ​ເສຍ​ໄປ​ພຽງ​ເພາະ​ຄວາມ​ເຂົ້າໃຈ​ຜິດ​ເລັກນ້ອຍຢ່າ​ໃຫ້​ຄວາມ​ຄິດ​ຜິດໆທີ່​ເຮັດໃຫ້​ເຈົ້າ​ ແລະ ​ອີກ​ຝ່າຍ​ເຂົ້າໃຈ​ຜິດ​ກັນ​ກາຍ​ເປັນ​ສະ​ນວນ​ຂອງ​ຈຸດ​ຈົບ​ຄວາມ​ສຳພັນ​ ຄືຊິບໍ່​ຍາກ​ເກີນ​ໄປ ​ຖ້າ​ຈະ​ກ່າວ​ຄຳ​ວ່າ​ຂໍ​ໂທດ ແມ່ນບໍ່?
  1. ເຄົາລົບ​ຕົນເອງ​ໃຫ້​ຫລາຍ​ຂຶ້ ໃນໄລຍະ​ເວລາ​ທີ່​ບໍ່​ມີ​ໃຜ​ເຊື່ອ​ໝັ້ນ​ໃນ​ຕົວ​ເຈົ້າ ສິ່ງ​ທີ່​ບໍ່​ຄວນ​ຂາດ​ຫາຍ​ໄປ​ກໍ​ຄື​ການ​ເຊື່ອ​ໝັ້ນ​ໃນ​ຕົວ​ເອງ​ ແລະ ​ການ​ເຄົາລົບ​ຕົນເອງເພາະ​ຖ້າ​ຫາກ​ເຮົາ​ບໍ່​ເຊື່ອ​ໝັ້ນ​ ແລະ ​ເຄົາລົບ​ຕົວ​ເອງກໍ​ຄົງ​ຈະ​ບໍ່​ມີ​ໃຜ​ເຊື່ອ​ໝັ່ນໃຈ​ຕົວ​ເຈົ້າ​ຢ່າງ​ແນ່ນອນຄົນ​ທັງ​ໂລກ​ອາດຈະ​ຫັນ​ຫລັງ​ໃຫ້​ເຈົ້າ​ໄດ້ ແຕ່​ເຈົ້າ​ບໍ່​ຄວນ​ຫັນ​ຫລັງ​ໃຫ້​ກັບ​ຕົນເອງ ດັ່ງ​ນັ້ນ​ຈົ່ງ​ເຊື່ອ​ມັ່ນ​ໃນ​ຕົວ​ເອງ​ໃຫ້​ຫລາຍ​ທີ່ສຸດ ໃຫ້​ຄວາມ​ເຄົາລົບ​ຕົນເອງ​ໃຫ້​ຫລາຍກວ່າ​ເດີມ ແລ້ວ​ຮັບຮອງ​ວ່າ​ທຸກ​ຢ່າງ​ກໍ​ຈະ​ດີ​ຂຶ້ນ​ຢ່າງ​ແນ່ນອນ​
  1. ບໍ່​ມີ​ຄຳ​ວ່າ​ຜິດ​ທີ່​ຜິດ​ເວລາ ຄວາມ​ຄິດ​ທີ່​ວ່າ​ສິ່ງ​ທີ່​ເຈົ້າ​ພົບ​ເຫັນເກີດ​ຂຶ້ນ​ຜິດ​ທີ່ຜິດ​ເວລາ​ ເປັນ​ຄວາມ​ຄິດ​ທີ່​ເຈົ້າ​ຄວນ​ຈະ​ໂຍນ​ຖິ້ມ​ໄປ​ເປັນ​ຢ່າງ​ຍິ່ງ ເພາະ​ທຸກ​ສິ່ງ​ທີ່ເກິດຂື້ນ​ໃນ​ເວລາ ​ແລະ ​ສະຖານ​ທີ່​ເຫລົ່າ​ນັ້ນ ຕ່າງ​ກໍ​ມີ​ເຫດຜົນ​ວ່າ​ເປັນຫຍັງ​ເຖິງ​ໄດ້​ເກີດ​ຂຶ້ນ ແລະ ​ບໍ່ແມ່ນ​ຄວາມ​ຜິດ​ພາດ​ຢ່າງ​ແນ່ນອນ ດັ່ງ​ນັ້ນ​ຫາກ​ມີ​ຫຍັງ​ເກີດ​ຂຶ້ນ​ໃນ​ເວລາ​ທີ່​ເຈົ້າ​ບໍ່​ຄາດ​ຄິດ ຢ່າ​ຝ້າວ​ຄິດວ່າ​ສິ່ງ​ເຫລົ່າ​ນັ້ນ​ບໍ່​ຄວນ​ເກີດ​ຂຶ້ນ ແຕ່​ຄວນ​ຈະ​ຂອບໃຈ​​ທີ່​ສິ່ງ​ເຫລົ່າ​ນັ້ນ​ໄດ້​ເກີດ​ຂຶ້ນ ເພາະ​ບັນຫາ​ຈະ​ເຮັດໃຫ້​ເຈົ້າ​ເຕີບໂຕ​ຂຶ້ນ​ໄປ​ອີກ​ຂັ້ນ​

ເຫັນບໍ່​​ວ່າ​ກາ​ນປ່ອຍວາງ​ບໍ່​ຍາກ​ເກີນ​ຄວາມ​ສາມາດ​ຂອງ​ເຮົາ​ເລີຍ​ຈັກໜ້ອຍ ພຽງ​ແຕ່​ເຮົາ​ຕ້ອງ​ເລີ່ມ​ເຮັດ​ດ້ວຍ​ຕົນເອງ ເຖິງວ່າ​ການ​ປ່ຽນ​ແລວເບິ່ງ​ຄວາມ​ຄິດ​ຈະ​ຍາກ​ທີ່​ຈະ​ເຮັດ ແຕ່​ຖ້າ​ຫາກ​ເຮັດ​ໄດ້​ແລ້ວ​ຮັບຮອງ​ວ່າ​ຊີວິດ​ຂອງ​ເຈົ້າ​ຈະ​ເປັນ​ສຸກ ແລະ ​ບໍ່​ຕ້ອງ​ມາ​ນັ່ງ​ກັງ​ວົນ​ກັບ​ສິ່ງ​ວຸ້ນວາຍ​ທີ່​ວົນ​ວຽນ​ຢູ່​ຮອບ​ຕົວ​ເຈົ້າ​ຢ່າງ​ແນ່ນອນ​

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...