ຜົນການທ່ອງທ່ຽວຂອງຫຼາຍໆຄົນອາກຈະບໍ່ມີຄວາມສຸກແນ່ນອນ ຖ້າຫາກທ່ານມົວແຕ່ເມົາລົດຢູ່ ແຕ່ສໍາລັບນັກທ່ອງທ່ຽວທີ່ມີຄວາມຊໍານານ ແລ້ວເຂົາຈະມີວິທີປ້ອງກັນຕົວເອງບໍ່ໃຫ້ເມົາລົດໄດ້! ໄປເບິ່ງພ້ອມກັນ.
1, ເບິ່ງໄປທາງໜ້າ
ຂໍ້ຫ້າມຂອງການນັ່ງລົດທາງໄກ ຄືບໍ່ຕ້ອງກົ້ມໜ້າອ່ານໜັງສືພີມ ຫຼື ຈ້ອງເບີ່ງແຕ່ໜ້າໜ້າໂທລະສັບໂດຍການຫຼິ້ນເກັມ ການກົ້ມໜ້າຂະເຮັດໃຫ້ເລືອດໄປລ້ຽງສະໝອງບໍ່ສະດວກ ແລະ ຈະກໍ່ໃຫ້ເກີດອາການປວດຮາກ ຕາມມາ.
2, ຢຸດພັກເມື່ອມີໂອກາດ
ຖ້າສໍາລັບຜູ້ທີ່ມັກເມົາລົດບໍ່ຄວນນັ່ງລັດເປັນເວລາຍາວນານຈົນເກີນໄປ ຖ້າເປັນໄປໄດ້ຄວນບອກໃຫ້ໂຊເຟີ ຢຸດພັກເປັນໄຍລະ ອາດຈະເຂົ້າຫ້ອງນໍ້າ ຫຼື ຍ່າງຢືດເສັ້ນຢືດສາຍ ເພື່ອປ່ຽນອະລິຍະບົດ ເຮັດໃຫ້ເລືອດລົມໄຫຼວຽນໄດ້ສະດວກຂຶ້ນ.
3, ການນັ່ງເທີງລົດ
ສ່ວນທ້າຍຂອງລົດຈະເປັນສ່ວນທີ່ໄດ້ຮັບແຮງກະທົບຂອງລົດຫຼາຍກວ່າສ່ວນໜ້າ ຄົນທີ່ນັ່ງສ່ວນທ້າຍຂອງລົດຈຶ່ງສ່ຽງກັບການເມົາຫຼາຍກວ່າ ເພາະສະນັ້ນຄວນມາລົດກ່ອນ ແລະ ຈອງບ່ອນນັ່ງທາງໜ້າໄວ້ກ່ອນໝູ່.
4, ຢ່່າກິນເຕັມທີ່
ການກິນອາຫານເຕັມທ້ອງຈະມີສ່ວນເຮັດໃຫ້ທ່ານ ຮູ້ສຶກປວດຮາກຫຼາຍຂຶ້ນ ຖ້າຮູ້ວ່າຈະຕ້ອງເດີນທາງໄກ ສໍາລັບຜູ້ທີ່ມັກເມົາລົດຈຶ່ງບໍ່ຄວນກິນຫຼາຍກິນພໍຮອງທ້ອງ ເລັກໆໜ້ອຍໆກໍ່ພໍ.
5, ເປີດແວ່ນລົດໃຫ້ອາກາດຖ່າຍເທ.
ອັອກຊີເຈັນ ຈະຊ່ວຍໃຫ້ສະໝອງແຈ່ມໃສ ຫຼຸດຜ່ອນອາການເມົາລົງໄປໄດ້ ເຖິງແມ່ນວ່າຈະນັ່ງຢູ່ບ່ອນໜ້າຕ່າງທີ່ປິດແໜ້ນ ແຕ່ກໍ່ຄວນທີ່ຈະເປີດເປັນບາງຄັ້ງຄາວ ໃຫ້ລົມຂ້າງນອກໄດ້ພັດເອົາອັອກຊີເຈັນເຂົ້າມາໃນລົດ ຖ້ານັ່ງລົດທີ່ມີຜູ້ໂດຍສານແອອັດ ຍິ່ງຈໍາເປັນຕ້ອງເປີດໜ້າຕ່າງ ເລື່ອຍໆ ໃຫ້ອາດຖ່າຍເທສະດວກ.
ພຽງເທົ່ານີ້ ທ່ານກໍ່ຈະຫຼຸດຜ່ອນຄວາມສ່ຽງຕໍ່ການປວດຮາກ ແລະ ຂາຍເຂົ້າປຽກຢູ່ເທີງລົດແລ້ວ !