ເຊນລູໄລທ ຖືເປັນບັນຫາໃຫຍ່ຫລາຍສຳລັບສາວໆ ບໍ່ວ່າຈະສາວຫຸ່ນນ້ອຍ ຫລື ສາວອວບ ກໍມີໂອກາດເກີດເຊນລູໄລໄດ້ ວິທີເຊັກ ເຊນລູໄລງ່າຍໆ ດ້ວຍການບີບບໍລິເວນຜິວຫາກເກີດລັກສະນະຄ້າຍຜິວເປືອກສົ້ມ ນັ້ນສະແດງວ່າເຈົ້າກຳລັງມີ ເຊນລູໄລ ຊຶ່ງເຊນລູໄລ ເກີດຈາກການທີ່ບໍລິເວນນັ້ນເລືອດໄຫລວຽນຊ້າ ໃນຮ່າງກາຍຂອງເຮົາມີຂອງເສຍເກາະຢູ່ຕາມເນື້ອເຍື່ອ ຂອງແຫລວທີ່ເປັນຂອງເສຍຈະເຂົ້າໄປດັນເຮັດໃຫ້ໄຂມັນທີ່ຢູ່ບໍລິເວນນັ້ນແຂງຕົວເປັນຖົງ ເຮັດໃຫ້ເລືອດໄຫລວຽນຕາມຮ່າງກາຍບໍ່ສະດວກ ຈຶ່ງເຮັດໃຫ້ເກີດຢູ່ຕາມຕົ້ນແຂນ ຕົ້ນຂາ ແລະ ສະໂພກ ມາເລີ່ມຕົ້ນກຳຈັດ ເຊນລູໄລວິທີງ່າຍໆ ດ້ວຍຕົນເອງ
–ເລີ່ມຕົ້ນຈາກການຕື່ນນອນໃນຕອນເຊົ້າກ່ອນສີແຂ້ວ ດື່ມນ້ຳໃນອຸນຫະພູມປົກກະຕິ 2 ຈອກຊ່ວຍໃຫ້ຮ່າງກາຍຕື່ນຕົວ ແລະ ເພີ່ມການເຜົາຜານໃນຕົວໃຫ້ຍ່ອຍອາຫານໄດ້ດີຂຶ້ນ
–ການດື່ມນ້ຳມື້ລະ 3 ລິດ ດ້ວຍວິທີການຄ່ອຍໆກິນເທື່ອລະນິດຊ່ວຍລຸດ ເຊນລູໄລ ຕົ້ນຂາ ຢ່າດື່ມລວດບາດດຽວ ເພາະບໍ່ເຊັ່ນນັ້ນການດື່ມນ້ຳຂອງເຈົ້າອາດຈະກໍ່ໃຫ້ເກີດອາການບວມນ້ຳໄດ້
–ຢ່າໃສ່ໂສ້ງຂາສັ້ນ ຫລື ກະໂປງສັ້ນໆ ໃນຂະນະທີ່ຢູ່ໃນຫ້ອງແອ ເພາະອາກາດເຢັນຈະເຮັດໃຫ້ຮ່າງກາຍສ້າງໄຂມັນເພື່ອໃຫ້ຮ່າງກາຍອົບອຸ່ນ ເມື່ອສ່ວນທີ່ຢູ່ດ້ານນອກເຄື່ອງນຸ່ງຫົ່ມ ເຊັ່ນ ແຂນ ຂາ ກໍຈະເຮັດໃຫ້ບໍລິເວນດັ່ງກ່າວສະສົມໄຂມັນເພີ່ມຫລາຍຂຶ້ນກວ່າເດີມ
–ລ້ຽງການດື່ມ ຊາ ກາແຟ ຫລື ເຄື່ອງດື່ມທີ່ເຈົ້າໄດ້ຍິນມາວ່າສາມາດລົດນ້ຳໜັກໄດ້ເພາະໃນເຄື່ອງດື່ມເຫລົ່ານັ້ນອຸດົມໄປດ້ວຍສານເຕີມຄວາມຫວານ ເມື່ອເຈົ້າດື່ມເຂົ້າໄປຄວາມຫວານເຫລົ່ານັ້ນອາດຈະເຮັດໃຫ້ເຈົ້າບໍ່ຮູ້ສຶກຫິວ ແຕ່ການດື່ມສານເຕີມຄວາມຫວານເຂົ້າໄປຫລາຍໆ ກໍມີໂອກາດສ່ຽງຕຸ້ຍໄດ້
–ປ່ຽນການຮັບປະທານອາຫານຈາກໄຂມັນບໍ່ດີ ດ້ວຍການຮັບປະທານໄຂມັນດີເຂົ້າໄປ ຫລີກລ້ຽງອາຫານຟາດຟູ້ດ ນົມເນີຍ ອາຫານປະສົມສີອາຫານທຽມ ເພື່ອບໍ່ໃຫ້ຕັບເຮັດວຽກໜັກຫລາຍເກີນໄປ
–ອອກກຳລັງກາຍດ້ວຍການແລ່ນ ຫລິ້ນຟິດເນດ ຈະຊ່ວຍເລັ່ງໃຫ້ເກີດການໄຫລວຽນຂອງເລືອດໄດ້ດີ ຍົກນ້ຳໜັກ ຈະຊ່ວຍລຸດການໄຫລວຽນຂອງເລືອດໄດ້ດີ ຫລືການອອກກຳລັງກາຍສະເພາະສ່ວນກໍຈະຊ່ວຍໃຫ້ກະຊັບ ແລະ ສະຫລາຍໄຂມັນໄດ້ວ່ອງໄວຂຶ້ນ
–ນວດບໍລິເວນທີ່ເກີດເຊນລູໄລ ເພື່ອເປັນການກະຕຸ້ນຮ່າງກາຍ ດ້ວຍເອົານິ້ວມືທັບລົງທີ່ຂາເລີ່ມຈາກຂໍ້ຕີນ ໂດຍນວດຂຶ້ນມາທີ່ຂາອ່ອນ ເນັ້ນຈຸດທີ່ມັນຫຍຸ່ນໆອ່ອນໆ ຄືຟອງນ້ຳ ເຮັດຊ້ຳກັນອີກຂ້າງທຸກໆ ເຊົ້າອົດທົນຈັກໜ້ອຍເມື່ອເຮັດຄວບກັບອີກ 2 ວິທີ ບໍ່ຊ້າມັນກໍຈະລຸດລົງໄດ້