ໄລຍະມື້ພັກອາທິດນີ້ ສາວໆ ເຮົາມາເຮັດຄວາມສະອາດອຸປະກອນແຕ່ງຫນ້າທີ່ໃຊ້ເປັນປະຈຳແຕ່ອາດບໍ່ເຄີຍເຮັດຄວາມສະອາດມັນເລີຍ ເຊິ່ງຈະເຮັດໃຫ້ເກີດບັນຫາຜິວແບບຄາດບໍ່ເຖິງເລີຍ ຕັ້ງແຕ່ ສິວອຸດຕັນ ຕຸ່ມແດງ ແລະ ມີໜອງຈາກເຊື້ອແບັກທີເຣຍ ຈຶ່ງຄວນໝັ່ນເຮັດຄວາມສະອາດອຸປະກອນເຫລົ່ານີ້ທຸກໆ 2-4 ອາທິດ
ແປ້ງພັບ ຫລື ຟອງນໍ້າ ລ້າງດ້ວຍນ້ຳສະບູ່ອ່ອນໆ ຫລື ສະບູ່ລ້າງໜ້າປົກກະຕິ ລ້າງສຳເລັດບີບໃຫ້ແຫ້ງ ນຳໄປເຊັດເທິງຜ້າຂົນໜູອ່ອນໆ ແລະ ປ່ອຍໄວ້ເທິງຜ້າຂົນໜູໃຫ້ລົມພັດຈົນແຫ້ງສະນິດ
ແນວດັດຂົນຕາ ທາມອຍເຈີໄລເຊີ ຫລື ຄີມລ້າງໜ້າບໍລິເວນທີ່ສຳຜັດກັບຂົນຕາ ໃຊ້ເຈ້ຍຊິດຊູເຊັດອອກໃຫ້ສະອາດແລ້ວເກັບໄວ້ໃນກັບ
ຟອຍແຕ່ງໜ້າຕ່າງໆ ຫລັງໃຊ້ທຸກເທື່ອຄວນປັດປາຍຟອຍ ກັບ ເຈ້ຍຊິດຊູ້ເພື່ອຫລຸດຝຸ່ນສີທີ່ຕິດຄ້າງແປງ ສ່ວນຟອຍກັນທາປາກຕ້ອງເຊັດສີອອກທຸກເທື່ອທີ່ໃຊ້ສຳເລັດ ແລະ ທຸກ 2- 4 ອາທິດໃຫ້ລ້າງເຮັດຄວາມສະອາດໂດຍແກວ່ງ ຫລື ສະບັດຟອຍກັນໄປມາໃນນ້ຳສະບູ່ເພື່ອໃຫ້ ຝຸ່ນ ຫລື ສີລະລາຍອອກແລ້ວບີບໄລ່ນ້ຳ ເຮັດຊ້ຳໆ ຈົນສະອາດ ໃຊ້ຜ້າຂົນໜູເຊັດຂົນຟອຍກັນ ຈາກນັ້ນນຳໄປຫໍ່ເຈ້ຍຊິດຊູ້ ແລະ ຕາກລົມໃຫ້ແຫ້ງ