ປີໃໝ່ແລ້ວຫລາຍຄົນຄົງກຽມຫາຂໍອງຂວັນ ບໍ່ວ່າຈະເປັນການໃຫ້ໃນນາມລັດທະກອນ ໃຫ້ບຸກຄົນທີ່ເຮົາເຄົາລົບຮັກ ໃຫ້ຜູ້ມີພະຄຸນ ໃຫ້ຍາດຜູ້ໃຫຍ່ ໄປຈົນເຖິງຄົນເຈັບ ສື່ເຖິງຄວາມຮັກ ແລະ ຄວາມໃສ່ໃຈ ແຕ່ກະຕ່າປີໃໝ່ໃນປະຈຸບັນ ສ່ວນໃຫຍ່ລ້ວນເຕັມໄປອາຫານ ແລະ ເຄື່ອງດື່ມທີ່ທຳລາຍສຸກຂະພາບ ຫລາຍກວ່າໃຫ້ປະໂຫຍດ ຫາກບໍລິໂພກເປັນຈຳນວນຫລາຍ ແລະ ເຮົາຈະມີວິທີການເບິ່ງການເລືອກຊື້ຢ່າງໃດລະ ມື້ນີ້ເຮົາມີຄຳແນະນຳມາໃຫ້ເລືອກ ແລະ ຫລິກ ໃນການເລືອກຊື້ກະຕ່າ
ອາຫານທີ່ຄວນຫລິກລ້ຽງ
– ຄວນຫລິກລ້ຽງ ສຸລາ , ແອວກໍ່ຮໍ ເພາະສິ່ງເຫລົ້ານີ້ ເປັນອັນຕະລາຍຕໍ່ສຸກຂະພາບໄດ້ທັງໃນໄລຍະສັ້ນແລະໄລະຍະຍາວ ເຮົາຮູ້ກັນບໍວ່າ ແອນກໍຮໍນັ້ນ ສົ່ງຜົນຮ້າຍໄດ້ຕັ້ງແຕ່ເລີ່ມດື່ມຈາກປາກ ຈົນເຖິງກະເພາະອາຫານ ,ຕັບ ໄປຈົນເຖິງລະບົບປະສາດ ແລະ ສະຫມອງ
– ຂະໝົມຄຸກກີ້ , ມັນຝະຫລັ່ງທອດ ຂະໜົມຂົບຫຍ້ຳເຫລົ່ານີ້ ອຸດົມໄປດ້ວຍ ແປ້ງ ແລະ ໄຂມັນ ຫລາຍຊະນິດເປັນໄຂມັນສົ່ງຜົນ ຕໍ່ຮ່າງກາຍ ເພາະຫາກຮ່າງກາຍໄດ້ຮັບໄຂມັນທີ່ຫລາຍເກີນຄວາມພໍດີ ມີຜົນຕັ້ງແຕ່ເຮັດໃຫ້ລະດັບໄຂມັນໃນເລືອດສູງ ເຮັດໃຫ້ຫລອດເລືອດແດງແຂງ,ຕີບ, ອຸດຕັນ ສົ່ງຜົນໃຫ້ເກີດພະຍາດແຊກຊ້ອນຕ່າງໆ ເຊັ່ນ ພະຍາດຫົວໃຈຂາດເລືອດ ອຳມະພາດ ຫມາກໄຂ່ຫລັງວາຍ ຫລອດເລືອດທີ່ໄປລ້ຽງຂາຕີບຕັນ ຕັບອ່ອນອັກເສບ ເປັນຕົ້ນ
– ຊັອກໂກແລັດ ຫມາກໄມ້ກະປ໋ອງ ແຍມ ການໃຫ້ຂອງເຫລົ່ານີ້ ຄືກັບຈັບນ້ຳຕານປະລິມານສູງໃຫ້ຜູ້ຮັບ ໂດຍການບໍລິໂພກນ້ຳຕານໃນປະລິມານສູງ ກໍເປັນທີ່ມາຂອງພະຍາດຕຸ້ຍ ພະຍາດເບົາຫວານ ພະຍາດຫົວໃຈ ແລະ ຫລອດເລືອດ ພະຍາດຄວາມດັນເລືອດສູງ ໂດຍສະເພາະພະຍາດເບົາຫວານ
ອາຫານຄວນເລືອກ
- ນ້ຳສະໝຸນໄພ,ນ້ຳຫມາກໄມ້, ນ້ຳທັນຍະພືດ ເຄື່ອງດື່ມເຫລົ່ານີ້ ອຸດົມໄປດ້ວຍສານອາຫານທີ່ຈຳເປັນຕໍ່ຮ່າງກາຍ ມີທັງວິຕາມິນ, ແຮ່ທາດຫລາກຫລາຍຊະນິດ ລວມໄປເຖິງໃຍອາຫານ ທີ່ແສນຈະມີປະໂຫຍດຕໍ່ລະບົບທາງເດີນອາຫານ ແລະ ຂັບຖ່າຍ
- ຂະໜົມທັນຍະພືດອົບກອບ ຜະລິດຕະພັນຜັກ ຫມາກໄມ້ອົບແຫ້ງ ປະຈຸບັນ ມີຜະລິດຕະພັນເຫລົ່ານີ້ຫລວງຫລາຍໃນທ້ອງຕະຫລາດ ໂດຍສະເພາະຕາມຮ້ານອາຫານເພື່ອສຸກຂະພາບ ເຮົາຈະເຈີຜະລິດຕະພັນຂະໜົມ ເພື່ອສຸກຂະພາບເຫລົ່ານີ້ຫລວງຫລາຍຢ່າງບໍ່ໜ້າເຊື່ອ ໄດ້ທັງວິຕາມິນ ແລະແຮ້ທາດ ໄປຈົນເຖິງໃຍອາຫານ ໃຫ້ແກ່ຮ່າງກາຍ
– ຊາຂຽວ ຊາດສະມຸນໄພ ເຄື່ອງດື່ມທັນຍະພືດລວມ ຂິງຜົງສຳເລັດຮູບ ເຄື່ອງດື່ມແຫ້ງພ້ອມຊົງດື່ມເຫລົ່ານີ້ ເປັນຕົວເລືອກທີ່ແສນຈະໜ້າສົນໃຈ ແລະ ມີປະໂຫຍດຕໍ່ສຸກຂະພາບຫລາຍ ຊາຮ້ອນ ສັບພະຄຸນດີໆ ຈາກຊາສະມຸນໄພ ແຫລ່ງພະລັງງານຊັ້ນດີຈາກເລື່ອງດື່ມທັນຍາພືດທີ່ໃຫ້ທັງວິຕາມິນ ແຮ່ທາດ ໃຍອາຫານ ຫລັກງ່າຍໆ ກໍຄືການເລືອກຜະລິດຕະພັນຕ່າງໆທີ່ເປັນປະໂຫຍດຕໍ່ສຸກຂະພາບ ຊຶ່ງເລືອກກັນໄດ້ບໍ່ຍາກກັນເລີຍ ຍິ່ງໃນປະຈຸບັນ ຜູ້ຄົນຫັນມາສົນໃຈ ໃສ່ໃຈໃນການເລືອກການບໍລິໂພກອາຫານເພື່ອສຸກຂະພາບ ຈຶ່ງເຮັດໃຫ້ມີຮ້ານຄ້າທີ່ຂາຍອາຫານແລະ ຜະລິດຕະພັນເພື່ອສຸກຂະພາບຂຶ້ນມາຮອງຮັບຫລາຍຂຶ້ນ ນອກຈາກຈະເລືອກຜະລິດຕະພັນເພື່ອສຸກຂະພາບກັນແລ້ວ ຢ່າລືມກວດເບິ່ງມື້ຜະລິດ ມື້ໝົດອາຍຸຂອງຜະລິດຕະພັນມີການສະແດງສະຫລາກອາຫານທີ່ຊັດເຈນ ແລະ ມີເລກ ອຍ. ກັນແນ່ ໃຫ້ໝັ່ນໃຈວ່າເຮົາໄດ້ຂອງທີ່ໃໝ່ ບໍ່ໝົດອາຍຸ ແລະ ມີການຂຶ້ນທະບຽນຖືກຕ້ອງຕາມກົດຫມາຍ