ໃນຍຸກປັດຈຸບັນຕະຫຼາດແຮງງານທີ່ກຳລັງເຕີບໃຫຍ່ຢ່າງໄວວາ ໂດຍໄດ້ຮັບອິດທິພົນມາຈາກ ແທັກໂນໂລຢີ ແລະ ພຶດຕິກຳຂອງຜູ້ຊົມໃຊ້ທີ່ປ່ຽນໄປ ເຮັດໃຫ້ທິດທາງການຫາວຽກຂອງແຮງງານເລີ່ມມີຄວາມທ້າທາຍຂຶ້ນ. ສະນັ້ນ, ທີມງານລາວໂພສຈຶ່ງໄດ້ລວບລວມບັນດາອາຊີບທີ່ມາແຮງ ແລະ ຕ້ອງການໃນຕະຫຼາດແຮງງານຫຼາຍທີ່ສຸດ ໃນປີ 2025 ມາເບິ່ງພ້ອມກັນເລີຍວ່າຈະມີອາຊີບໃດແນ່.
1 ນັກພັດທະນາປັນຍາປະດິດ (AI Developer)
ໃນຍຸກທີ່ AI ມີບົດບາດສໍາຄັນໃນທຸກໆອຸດສາຫະກໍາ ນັກພັດທະນາປັນຍາປະດິດ AI ເປັນອາຊີບທີ່ມີຄວາມຕ້ອງການຫຼາຍທີ່ສຸດ ຄວາມຊ່ຽວຊານໃນການຂຽນໂຄ້ດ ວິເຄາະຂໍ້ມູນ ແລະ ພັດທະນາແບບຈຳລອງ AI ຈະຊ່ວຍໃຫ້ທ່ານເປັນທີ່ຕ້ອງການແຮງງານທີ່ກຳລງັເຕີບໃຫຍ່ຢ່າງໄວວາ.
2 ນັກວິເຄາະຂໍ້ມູນຂະນາດໃຫຍ່ (Big Data Analyst)
ຂໍ້ມູນໄດ້ກາຍເປັນຊັບພະຍາກອນທີ່ສໍາຄັນໃນຍຸກດິຈິຕອນ. ນັກວິເຄາະຂໍ້ມູນຂະນາດໃຫຍ່ມີບົດບາດໃນການຈັດການ ແລະ ການວິເຄາະຂໍ້ມູນເພື່ອຊ່ວຍໃຫ້ອົງກອນຕັດສິນໃຈຢ່າງຖືກຕ້ອງ. ຄວາມສາມາດໃນການນໍາໃຊ້ເຄື່ອງມືວິເຄາະເຊັ່ນ Python, R ຫຼື Power BI ແມ່ນທັກສະທີ່ຈໍາເປັນສໍາລັບສາຍອາຊີບນີ້.
3 ຜູ້ຊ່ຽວຊານດ້ານຄວາມປອດໄພທາງໄຊເບີ (Cybersecurity Specialist)
ໃນໂລກທີ່ທຸກສິ່ງທຸກຢ່າງເຊື່ອມຕໍ່ໂດຍຜ່ານອິນເຕີເນັດ ຄວາມປອດໄພມທາງດ້ານໄຊເບີເປັນສິ່ງສໍາຄັນຜູ້ຊ່ຽວຊານນີ້ມີຄວາມຮັບຜິດຊອບສໍາລັບການປ້ອງກັນ ແລະ ການຄຸ້ມຄອງໄພຂົ່ມຂູ່ທີ່ອາດຈະເກີດຂຶ້ນຕໍ່ລະບົບຂໍ້ມູນຂອງອົງກອນ.
4 ຜູ້ຈັດການໂຄງການດີຈີຕອນ (Digital Project Manager)
ການປ່ຽນແປງໄປສູ່ດິຈິຕອນໄດ້ເພີ່ມຄວາມຕ້ອງການຂອງຜູ້ຈັດການໂຄງການທີ່ມີຄວາມຊໍານານດ້ານເຕັກໂນໂລຢີ.ເພີ່ມຂຶ້ນສູງ ໂດຍຜູ້ຈັດການໂຄງການດິຈິຕອນມີບົດບາດໃນການບໍລິຫານຈັດການທີມແລະ ໂຄງການໃຫ້ສຳເລັດຕາມເປົ້າໝາຍ.
5 ນັກສ້າງເນື້ອຫາອອນລາຍ (Content Creator)
ສື່ສັງຄົມອອນລາຍຍັງຄົງເຕີບໂຕຢ່າງຕໍ່ເນື່ອງ ນັກສ້າງເນື້ອຫາທີ່ມີຄວາມຄິດສ້າງສັນ ແລະ ເຂົ້າໃຈພຶດຕິກໍາຂອງຜູ້ບໍລິໂພກອອນລາຍ ຈະມີໂອກາດທີ່ຈະມີລາຍໄດ້ທັງຈາກແພັດຟອມສ່ວນຕົວ ແລະ ການຮ່ວມງານກັບແບນຊັ້ນນຳ.
6 ຜູ້ຊ່ຽວຊານພະລັງງານໝຸນວຽນ (Renewable Energy Specialist)
ຄວາມຮັບຮູ້ດ້ານສິ່ງແວດລ້ອມເຮັດໃຫ້ອາຊີບພະລັງງານທົດແທນມີຄວາມຕ້ອງການຜູ້ຊ່ຽວຊານນີ້ຈະຊ່ວຍພັດທະນາເຕັກໂນໂລຊີແລະການແກ້ໄຂເປັນມິດຕໍ່ສິ່ງແວດລ້ອມ.
7 ຜູ້ໃຫ້ຄຳປຶກສາດ້ານສຸຂະພາບຈິດ (Mental Health Counselor)
ຄວາມຕຶງຄຽດ ແລະ ຄວາມກົດດັນໃນຊີວິດປະຈໍາວັນເຮັດໃຫ້ຄວາມຕ້ອງການຜູ້ໃຫ້ຄຳປຶກສາດ້ານສຸຂະພາບຍຈິດເພີ່ມຂຶ້ນ ການໃຫ້ຄໍາປຶກສາແບບເລິກເຊິ່ງ ແລະ ການສະຫນັບສະຫນູນທາງດ້ານຈິດໃຈຊ່ວຍສ້າງການປ່ຽນແປງໃນທາງບວກສໍາລັບຜູ້ຄົນ.
8 ນັກພັດທະນາເກມ (Game Developer)
ອຸດສາຫະກໍາເກມແມ່ນການຂະຫຍາຍຕົວຢ່າງຫຼວງຫຼາຍ. ນັກພັດທະນາເກມທີ່ມີຄວາມຊໍານານໃນການອອກແບບເກມ, ການຂຽນໂຄ້ດ ແລະ ການພັດທະນາປະສົບການຂອງຜູ້ຫຼິ້ນເກມແມານຈະໄດ້ຮັບໂອກາດໃນຕະຫຼາດທີ່ກຳລັງຂະຫຍາຍຕົວ
9 ຜູ້ຊ່ຽວຊານຍດ້ານການຕະຫຼາດດີຈີຕອນ (Digital Marketing Specialist)
ໃນຂະນະທີ່ທຸລະກິດຫັນໄປສູ່ຊ່ອງທາງດິຈິຕອນເພີ່ມຂຶ້ນ, ດັ່ງນັ້ນ, ຜູ້ຊ່ຽວຊານດ້ານການຕະຫຼາດດິຈິຕອນແມ່ນອາຊີບທີ່ຂາດບໍ່ໄດ້. ຍຸດທະສາດແລະການນໍາໃຊ້ເຄື່ອງມືການຕະຫຼາດເຊັ່ນ SEO, SEM ແລະສື່ສັງຄົມອອນລາຍ ເປັນທັກສະທີ່ຈໍາເປັນ.