ກຽມສ້ອມແປງເສັ້ນທາງ 16B ດ້ວຍງົບປະມານມູນຄ່າ 445.053,17 ໂດລາສະຫະລັດ
ໃນວັນທີ 22 ເມສາ ນີ້ ທີ່ຫ້ອງປະຊຸມ ພະແນກໂຍທາທິການ ແລະ ຂົນສົ່ງແຂວງເຊກອງ ໄດ້ມີພິທີມອບ-ຮັບງົບປະມານ ໃນການສ້ອມແປງເສັ້ນທາງ 16B ທີ່ນອນໃນຄວາມຮັບຜິດຊອບ ຂອງບໍລິສັດ ມອນຊູນວິນ ພາວເວີ ຈໍາກັດ ແລະ ບໍລິສັດ ພາວເວີ ໄຊນາ ຈໍາກັດ ເພື່ອນໍາໃຊ້ເຂົ້າໃນວຽກຟື້ນຟູ ແລະສ້ອມແປງເສັ້ນທາງ ທີ່ນອນຢູ່ໃນເຂດຄວາມຮັບຜິດຊອບຂອງບໍລິສັດດັ່ງກ່າວ (ໄລຍະທາງ 8 ກິໂລແມັດ)
ເສັ້ນທາງດັ່ງກ່າວແຕ່ບ້ານດາກຣັນ ຫາ ບ້ານດາກດໍ ຫາ ສາມແຍກທາງເຂົ້າເຂື່ອນເຊຂະໝານ2ເມືອງດາກຈຶງ, ແຂວງເຊກອງ, ເປັນຈໍານວນເງິນ 445.053,17 ໂດລາສະຫະລັດ, ຊຶ່ງເປັນຕົວແທນໃນການຮັບງົບປະມານໃນຄັ້ງນີ້ ຕາງໜ້າໃຫ້ອໍານາດການປົກຄອງທ້ອງຖິ່ນແຂວງເຊກອງ ແມ່ນພະແນກໂຍທາທິການ ແລະຂົນສົ່ງ ແຂວງ, ໂດຍມີທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ, ຕາງໜ້າທັງສອງບໍລິສັດ, ພ້ອມດ້ວຍຂະແໜງການກ່ຽວຂ້ອງເຂົ້າຮ່ວມເປັນສັກຂີພະຍານ.
ແຫຼ່ງຂ່າວ: Media LAOS