ຕົ້ນໄມ້ເຖົ້າຂໍຝົນຈາກເມກກ້ອນນ້ອຍ, ເມກກ້ອນນ້ອຍຕອບພຽງວ່າ ນ້ຳຝົນມີບໍ່ຫຼາຍ ຢ້ານບໍ່ພຽງພໍໃຫ້ຕົ້ນໄມ້ໃຫຍ່ເຖົ້າໄດ້ຊື່ນໃຈ.
ມື້ຕໍ່ມາ ກ້ອນເມກນ້ອຍກໍຍັງບອກຄືເກົ່າ ມັນໜ້ອຍເກີນໄປ ຈຶ່ງບໍ່ພ້ອມທີ່ຈະໃຫ້. ກ່ອນເມກນ້ອຍຈຶ່ງເດິນທາງ ແລະພະຍາຍາມສະສົມຝົນ ເພື່ອທີ່ຈະໃຫ້ມັນຫຼາຍພໍ ພໍທີ່ຈະເຮັດໃຫ້ຕົ້ນໄມ້ເຖົ້າໄດ້ສົດຊື່ນ.
ເມື່ອມີປະລິມານນ້ຳຫຼາຍພໍ ເມກນ້ອຍຈຶ່ງໄດ້ເດິນທາງກັບມາ ເພື່ອຈະໃຫ້ນ້ຳແກ່ຕົ້ນໄມ້ເຖົ້າ ແຕ່ສິ່ງທີ່ພົບເຫັນຢູ່ຕໍ່ໜ້າ ມີພຽງຊາກຕົ້ນໄມ້ເຖົ້າທີ່ຕາຍແລ້ວ ເມກກ້ອນນ້ອຍໄດ້ແຕ່ຮ້ອງໄຫ້ ແລ້ວຖາມວ່າເປັນຫຍັງຄວາມພະຍາຍາມຂອງຂ້ອຍ ບໍ່ມີຄ່າເລີຍບໍ?
ຜູ້ຊາຍຜູ້ໜຶ່ງທີ່ນັ່ງຢູ່ກ້ອງຕົ້ນໄມ້ ຈຶ່ງໄດ້ແຫງນໜ້າຂຶ້ນເບິ່ງ ແລ້ວບອກກ້ອນເມກນ້ອຍວ່າ: “ການທີ່ເຮົາຈະໃຫ້ຫຍັງແກ່ໃຜ ທີ່ເຮົາຮັກ ມັນບໍ່ຕ້ອງລໍຖ້າໃຫ້ຫຼາຍພໍ ຫຼືລໍຖ້າຄວາມພ້ອມອິຫຍັງດອກ ຈົ່ງໃຫ້ເທົ່າທີ່ມີ ກໍເຮັດໃຫ້ຄົນຮັບຊື່ນຫົວໃຈໄດ້ ຄວາມພະຍາຍາມເປັນສິ່ງທີ່ດີ ແຕ່ມັນກໍມີເວລາເປັນເງື່ອນໄຂ ຢ່າໄປລໍຖ້າໃຫ້ລ່ຳລວຍ ເຖິງຈະເຮັດຫຍັງໃຫ້ຄົນທີ່ເຮົາຮັກ ຢ່າໄປລໍຖ້າໃຫ້ພ້ອມທຸກຢ່າງຈຶ່ງຈະເຮັດ ໃຫ້ຄົນທີ່ເຮົາຮັກ ເພາະຄົນທີ່ເຮົາຮັກ ອາດຈະບໍ່ມີເວລາຫຼາຍພໍທີ່ລໍຖ້າເຮົາ, ແລ້ວກ່ອນຕົ້ນໄມ້ຈະຈາກໄປ ຕົ້ນໄມ້ໄດ້ຝາກບອກເຂົາໄວ້ວ່າ ຖ້າເຫັນເມກນ້ອຍຜ່ານມາໃຫ້ບອກວ່າ ເຂົາຮັກເມກນ້ອຍ”.
ເມກນ້ອຍໄດ້ແຕ່ຫຼັ່ງນ້ຳຕາອອກມາ ເປັນເມັດຝົນຢ່າງບໍ່ຂາດສາຍ ໃຫ້ແກ່ຕົ້ນໄມ້ຕາຍທີ່ບໍ່ມີມື້ແຕກໃບ ໃຫ້ໄດ້ເຫັນອີກຕໍ່ໄປ ຕະຫຼອດກາລະນານ.
ທ່ານຜູ້ອ່ານ! ຖ້າເຫັນວ່າບົດຄວາມນີ້ມີປະໂຫຍດ ຂໍຈົ່ງສົ່ງບົດຄວາມນີ້ຕໍ່ໃຫ້ຄົນທີ່ທ່ານຮັກ ແດ່ເດີ !!
ອ່ານບົດຄວາມດີໆ ອີກຢ່າງຫຼວງຫຼາຍລຸ່ມນີ້:
ບໍ່ມີເວລາໃດທີ່ຄົນເຮົາຈະພ້ອມທຸກຢ່າງ
ສິ່ງທີ່ຕ້ອງເຮັດ ເມື່ອອາຍຸຫຼາຍຂຶ້ນ
ໃຜໄດ້ອ່ານບົດຄວາມນີ້ຈົບ ຜູ້ນັ້ນຈະເປັນຄົນໂຊກດີ
ປະໂຫຍດ 10 ຢ່າງທີ່ເກີດຈາກການຢູ່ຄົນດຽວ
5 ວິທີງ່າຍໆ ຖ້າບໍ່ຢາກຖືກນິນທາ
5 ຂໍ້ທີ່ຄົນໃກ້ຕາຍຮູ້ສຶກເສຍດາຍທີ່ສຸດ