ການຊົດເຊີຍຄ່າເສຍຫາຍ ແລະ ຟື້ນຟູຊີວິດການເປັນຢູ່ຂອງຜູ້ໄດ້ຮັບຜົນກະທົບຈາກໂຄງການສ້າງ ເຂື່ອນເປັນໜຶ່ງ
ປະເດັນຮ້ອນທີ່ປະຊາຊົນຢາກໄດ້ຄຳຕອບ ໃນນັ້ນ ລວມທັງໂຄງການສ້າງເຂື່ອນນ້ຳງື່ມ 2.
ຄຳສະເໜີກຈາກສາຍດ່ວນສະພາຂອງປະຊາຊົນກ່ຽວກັບການຍົກຍ້າຍຈັດ ສັນປະຊາຊົນທີ່ຖືກໂຄງການເຂື່ອນໄຟຟ້າ
ນ້ຳງື່ມ 2 ການຊົດເຊີຍຄ່າເສຍຫາຍເຫັນວ່າຍັງຕອບສະໜອງບໍ່ທັນໄດ້ເທື່ອຕໍ່ ບັນຫາດັ່ງກ່າວ ທ່ານ ຖາວອນ ວົງ ໂພສີ
ຮອງຫົວໜ້າກອງປະເມີນຜົນກະ ທົບຕໍ່ສິ່ງແວດລ້ອມ ແລະ ສັງຄົມ, ກະຊວງຊັບພະຍາກອນທຳມະຊາດ ແລະ ສິ່ງແວດ
ລ້ອມ ໄດ້ຊີ້ແຈງວ່າ: ສຳລັບ ການທົດແທນຄ່າເສຍຫາຍ ແລະ ຟື້ນຟູຊີວິດການເປັນຢູ່ໃຫ້ປະຊາຊົນຈຳນວນ 16 ບ້ານ ທີ່
ຖືກຜົນກະທົບຈາກໂຄງການນ້ຳງື່ມ 2 ຍ້າຍມາຢູ່ບ້ານໂພນສະຫວາດ ເມືອງເຟືອງ ແຂວງວຽງຈັນ ເຫັນວ່າຍັງບໍ່ໄດ້ຕາມ
ແຜນທີ່ຄາດຄະເນໄວ້ຍ້ອນສະພາບພື້ນທີ່ຖືກ ຍົກຍ້າຍໄປມີທີ່ດິນທຳການຜະລິດບໍ່ພຽງພໍ ເພາະຂໍ້ມູນທີ່ເກັບກຳ, ສຶກ
ສາສຳຫຼວດທຳອິດ ແມ່ນມີແຕ່ໂຄງການເຂື່ອນນ້ຳງື່ມ 2 ໂຄງການດຽວ ແຕ່ຍ້ອນມີໂຄງການເຂື່ອນນ້ຳລີກ 1;2 ເກີດ
ຂຶ້ນ ຈິ່ງເຮັດໃຫ້ການນຳໃຊ້ທີ່ດິນເພື່ອການຊົດເຊີຍເພີ່ມຂຶ້ນ.
ສະເພາະໂຄງການນ້ຳງື່ມ 2 ແມ່ນໄດ້ມີການສຶກສາຜົນກະທົບຕໍ່ສິ່ງແວດລ້ອມ ແລະ ສັງຄົມ, ມີແຜນຄຸ້ມຄອງສິ່ງແວດ
ລ້ອມ, ແຜນຈັດສັນຍົກຍ້າຍ, ມີມາດຕະການຫຼຸດຜ່ອນຜົນກະທົບທາງດ້ານສິ່ງແວດລ້ອມ-ສັງຄົມ ແລະ ຖືກຮັບຮອງ
ຈາກກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ນອກນັ້ນ ໃບລາຍງານ (EIA) ການປະເມີນຜົນກະທົບຕໍ່
ສິ່ງແວດລ້ອມ-ສັງຄົມໄດ້ກຳນົດແຈ້ງມາດ ຕະການຫຼຸດຜ່ອນ ຜົນກະທົບຢູ່ໃນແຜນຈັດສັນຍົກຍ້າຍ ແລະ ເອກະສານ
ຊ້ອນທ້າຍຂອງສັນຍາສຳປະທານ.
ແນວໃດກໍດີ ປະຊາຊົນທີ່ຍົກຍ້າຍໄປແມ່ນໄດ້ຮັບເຮືອນຢູ່ພ້ອມດິນປຸກສ້າງ 600 ຕາແມັດ ແລະ ດິນປູກຝັງ 0,5 ເຮັກ
ຕາຕໍ່ຄອບຄົວ ພ້ອມທັງສົ່ງ ເສີມການລ້ຽງສັດນ້ອຍເຊັ່ນ: ລ້ຽງແບ້, ປາ, ໄກ່ ແລະ ລ້ຽງໝູ ແລະ ສົ່ງເສີມ ການຜະລິດ
ເປັນສິນຄ້າ, ການຕ່ຳຫູກທໍໄໝ, ບໍລິການດ້ານອື່ນໆ ສະເພາະບ້ານຈັດສັນໃໝ່ບ້ານໂພນສະຫວາດມີພົນລະເມືອງ
6.000 ຄົນ ປະຈຸບັນລາຍຮັບຂອງປະຊາຊົນສ່ວນຫຼາຍມີເຖິງ 15 ລ້ານກີບຕໍ່ປີ ຍັງເຫຼືອປະມານ 20% ທີ່ ຍັງບໍ່ໄດ້ຕາມ
ຄາດໝາຍ.
ທັງນີ້ ໃນປີ 2017 ນີ້ ກໍຈະຄົບຮອບ 5 ປີຂອງແຜນການຟື້ນຟູຊີວິດການເປັນຢູ່ຂອງປະຊາຊົນບ້ານໂພນ ສະຫວາດຄະ
ນະກຳມະການ ແລະ ໂຄງການຈະໄດ້ກວດກາ, ຕີລາຄາຄືນອັດຕາສ່ວນລາຍຮັບທີ່ປະຊາຊົນໄດ້ຮັບ ຈາກນັ້ນ ກໍຈະສືບ
ຕໍ່ໃຫ້ການຊ່ວຍເຫຼືອປະຊາຊົນທີ່ຍັງບໍ່ທັນສາມາດກຸ້ມ ຕົນເອງ, ສືບຕໍ່ກຳນົດນະໂຍບາຍຈົນສາມາດກຸ້ມຕົນເອງໄດ້
ຄາດວ່າປີ 2017-2018 ຈິ່ງຈະສຳເລັດ.
ແຫລ່ງຂ່າວ: ເສດຖະກິດ – ສັງຄົມ