Homeຂ່າວຕ່າງປະເທດອັບເດດຍອດຜູ້ເສຍຊີວິຈາກເຫດໄຟປ່າ ທີ່ເມືອງລອສແອນແຈລິສ

ອັບເດດຍອດຜູ້ເສຍຊີວິຈາກເຫດໄຟປ່າ ທີ່ເມືອງລອສແອນແຈລິສ

Published on

ອີງຕາມສຳນັກຂ່າວຕ່າງປະເທດລາຍງານໃນວັນທີ 13 ມັງກອນ 2025 ນີ້ວ່າ: ຍອດຜູ້ເສຍຊີວິດຈາກໄຟປ່າໃນວັນທີ 8 ມັງກອນ 2025 ທີ່ເມືອງລອສແອນແຈລິສ ສະຫະລັດອາເມຣິກາ ເພີ່ມຂຶ້ນເປັນ 24 ຄົນ ຂະນະທີ່ໜ່ວຍງານພະຍາກອນອາກາດໃນແຄລິຟໍເນຍເຕືອນ ລົມແຮງຈະມາອີກເຮັດໃຫ້ໄຟປ່າຈະກັບມາຕິິດ ແລະ ໄໝ້ລຸກລາມອີກຄັ້ງ.

ທາງດ້ານເຈົ້າໜ້າທີ່ດັບເພິງໄດ້ເດີນທາງມາສົມທົບລວມເປັນ 14,000 ຄົນ, ໃນພາກຕອນໃຕ້ຂອງລັດແຄລິຟໍເນີຍພ້ອມເຮືອບິນດັບໄຟກວ່າ 84 ລຳ ແລະ ລົດດັບໄຟກວ່າ 1,354 ຄັນ.

ທັງນີ້ຍັງມີລາຍງານຈັບກຸມຜູ້ຕ້ອງສົງໃສໃນການລັກຊັບໃນຂອບເຂດອົບພະຍົບຢ່າງນ້ອຍ 29 ຄົນ, ໂດຍ 2 ຄົນຖືກຈັບໄດ້ຍ້ອມປອມໂຕເປັນນັກດັບເພິງເພື່ອມາລັກເຄື່ອງຈາກຜູ້ທີ່ອົບພະຍົບ ເຊິ່ງທາງການໄດ້ຂໍກຳລັງປ້ອງກັນເພີ່ມອີກ 1000 ຄົນຈາກທີ່ມີຢູ່ພຽວ 400 ຄົນ.

ສຳລັບຄວາມເສຍຫາຍຈາກໄຟປ່າທີ່ໃຫຍ່ທີ່ສຸດຄື: ພາລິເສດ ເຊິ່ງໄດ້ລຸກລາມພຶ້ນທີ່ກວ່າ 58,000 ໄຮ່ ແລະ ຄວບຄຸມໄດ້ພຽງແຕ່ 11% ສ່ວນປ່າອີຕັນ ເຊິ່ງເປັນໄຟປ່າທີ່ໃຫ່ຍອັນດັບສອງ ໄດ້ລຸກລາມພຶ້ນທີ່ກວ່າ 35,400 ໄຮ່ ແລະ ຄວບຄຸມໄດ້ 27% ສ່ວນໄຟປ່າເຮີດ ຂະຫຍາຍຕົວເປັນ 2,000 ໄຮ່ ແລະ ເກືອບຈະຄວບຄຸມໄດ້ທັງໝົດ.

ແຫຼ່ງຂ່າວ: ໄທລັດ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...