ວັນທີ 17 ທັນວາ 2014 ທີ່ຜ່ານມາ ມຸກດາວັນ ສັນຕິພອນ ນັກຮ້ອງບ້ານນາຊື່ດັງຂອງລາວ ໄດ້ນຳເອົາເຄື່ອງນຸ່ງຈຳນວນຫຼວງຫຼາຍ ທີ່ໄດ້ຈາກການໂຮມເງິນບໍລິຈາກ ຈາກແຟນເພງຜູ້ລະເລັກລະໜ້ອຍ ຕື່ມໃສ່ທຶນສ່ວນຕົວ.
ມຸກດາວັນ ສັນຕິພອນ ເວົ້າວ່າ ຍັງມີປະຊາຊົນແລະເດັກນ້ອຍລາວ ຈຳນວນຫຼວງຫຼາຍທີ່ຂາດເຂີນເຄື່ອງນຸ່ງຫົ່ມ ເຊິ່ງການໄປບໍລິຈາກເຄື່ອງໃຫ້ແກ່ປະຊາຊົນ ແລະເດັກນ້ອຍເທື່ອນີ້ແມ່ນລົງໄປ ເມືອງເຊໂປນ ໂດຍສົມທົບກັບພາກສ່ວນ ພັດທະນາຊຸມຊົນເມືອງເຊໂປນ ອຳນວຍຄວາມສະດວກໃນການນຳພາເດິນທາງ. ເຄື່ອງເຄື່ອງທີ່ເອົາມາບໍລິຈາກເທື່ອນີ້ ບໍ່ໄດ້ເນັ້ນຄວາມງາມ ບໍ່ໄດ້ເນັ້ນລາຄາ ແຕ່ເນັ້ນຄວາມອົບອຸ່ນຂອງຜູ້ນຸ່ງແລະຄວາມທົ່ວເຖິງ. ແລະມຸກດາວັນໄດ້ໄປເລືອກເຄື່ອງຈາກມື ແລະມາມອບເຄື່ອງຈາກມືຂອງໂຕເອງແທ້ໆ.
ມຸກດາວັນ ຝາກຂອບໃຈມາຍັງຜູ້ໃຈບຸນທັງຫຼາຍ ທີ່ໄດ້ສະລະຊັບສ່ວນຕົວປະກອບສ່ວນໃນຄັ້ງນີ້ ແລະຫວັງວ່າກິດຈະກຳຂອງມຸກດາວັນ ເທື່ອນີ້ຈະເປັນການປຸກກະແສຊັກຊວນ ດາລາ ນັກຮ້ອງ ນັກສະແດງ ແລະຜູ້ໃຈບຸນອື່ນໆ ທີ່ກຳລັງຢາກຊ່ວຍເຫຼືອສັງຄົມ ໃຫ້ໄດ້ໂຮມແຮງໂຮມໃຈກັນ ຊ່ວຍເຫຼືອສັງຄົມໃຫ້ຫຼາຍກວ່ານີ້ອີກ.
ໃນໂອກາດດັ່ງກ່າວ ທີມງານເວັບໄຊ www.laopost.com ກໍໄດ້ມີໂອກາດເຂົ້າຮ່ວມ ໂດຍການບໍລິຈາກເງິນຊື້ເຄື່ອງ ຈຳນວນ 300,000 ກີບ ແລະນຳພາ ມຸກດາວັນ ໄປເລືອກຊື້ເຄື່ອງ ທີ່ບ້ານ ລາດຄວາຍ, ເມືອງໄຊທານີ, ນະຄອນຫຼວງວຽງຈັນ.
