ອີງຕາມລາຍງານຈາກ: ມູນນິທິ ພົມມະເທບ ສະຫວັນນະເຂດ ໃນວັນທີ 28 ຕຸລາ 2024 ເວລາ 19:24 ນາທີ ໄດ້ຮັບແຈ້ງເຫດພໍ່ລູກຜິດກັນແລ້ວຟັນຫົວ ແລະ ແຂນ ລູກຊາຍບາດເຈັບສາຫັດ ຢູ່ບ້ານໂພນສະຫວ່າງໃຕ້ ນະຄອນໄກສອນ ແຂວງສະຫວັນນະເຂດ ຫລັງກໍ່ເຫດແລ້ວຜູ້ເປັນພໍ່ໄດ້ເອົາຫລົບໜີ.

ອາການເບື້ອງຕົ້ນຫົວມີບາດແຜເປີດເລິກ 4 ບາດແຜ ແລະ ຂໍ້ມືຊ້າຍຖືກຟັນເກືອບຂາດ ເຮັດໃຫ້ຄົນເຈັບເສຍເລືອດຫລາຍ ທີມກູ້ໄພໄດ້ປະຖົມພະຍາບານຂັ້ນຕົ້ນໃຫ້ແລ້ວນຳສົ່ງຄົນເຈັບໄປໂຮງໝໍແຂວງ, ປັດຈຸບັນ ເຈົ້າໜ້າທີ່ກຳລັງຊອກກັກຕົວຜູ້ກໍ່ເຫດມາສືບສວນສອບສວນຫາສາເຫດແລະແຮງຈູງໃຈໃນການກໍ່ເຫດຄັ້ງນີ້ ແລະ ດຳເນີນຕາມຂັ້ນຕອນລະບຽບກົດໝາຍ.