spot_img
Homeຂ່າວພາຍ​ໃນມ້າງຄະດີຢາເສບຕິດ ພ້ອມຂອງກາງຢາໄອ໊ສ 50 ກິໂລກຼາມ ເຂດບ້ານເສັດ ເມືອງໂຂງ ແຂວງຈຳປາສັກ

ມ້າງຄະດີຢາເສບຕິດ ພ້ອມຂອງກາງຢາໄອ໊ສ 50 ກິໂລກຼາມ ເຂດບ້ານເສັດ ເມືອງໂຂງ ແຂວງຈຳປາສັກ

Published on

ຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກໃຫ້ຮູ້ວ່າ: ໃນຄັ້ງວັນທີ 25 ສິງຫາ 2024 ທີ່ຜ່ານມາ ເຈົ້າໜ້າທີ່ ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ໄດ້ລົງມ້າງຄະດີຢາເສບຕິດຢູ່ເຂດບ້ານເສັດ ເມືອງໂຂງ ແຂວງຈຳປາສັກ ເຊິ່ງສາມາດໄດ້ກັກຕົວຜູ້ຖືກຫາໄດ້ ຈໍານວນ 06 ຄົນ, ພ້ອມເຄື່ອງຂອງກາງຢາເສບຕິດ (ຢາໄອສ) ຈໍານວນ 50 ກິໂລກຼາມ. ເຊິ່ງຜູ້ຖືກຫາໃນຄັ້ງນີ້ມີ:

 

1. ທ້າວ ສົມຊາຍ ເພັດປະທຸມມາ ອາຍຸ 42 ປີ ກຳມະກອນ ຢູ່ບ້ານປາກກະດິງ, ເມືອງປາກກະດິງ ແຂວງບໍລິຄໍາໄຊ ຖືກກັກໂຕໃນຂໍ້ກ່າວຫາ : ຄ້າ-ຂາຍ ຢາເສບຕິດ (ຢາໄອສ) ພ້ອມເຄື່ອງຂອງກາງ ແລະ ຂອງຕິດຕົວມີ: ຢາເສບຕິດ (ຢາໄອສ) ຈໍານວນ 50 ກິໂລກຼາມ
ວັດຖຸສີເຫຼືອງຄ້າຍຄືຄໍາປະເພດ:ສາຍຄໍ 01 ເສັ້ນ, ແຫວນ 01 ວົງ,ແມ່ພະ 02 ອົງ, ໂທລະສັບ 01 ໜ່ວຍ, ເງິນບາດ 100.000 ບາດ (ໜຶ່ງແສນບາດ), ເງິນກີບ 2.700.000ກີບ (ສອງລ້ານເຈັດແສນກີບ), ລົດ ກະບະຣິໂວ້ ສີຂາວ ປ້າຍທະບຽນ ຣຈ 8588 ກຳແພງນະຄອນ


2. ທ້າວ ແສງ ແຈ້ງສະຫວ່າງ ອາຍຸ 30 ປີ ປະຊາຊົນ ບ້ານ ດອນໄຊ ເມືອງປາກຊັນ ແຂວງບໍລິຄໍາໄຊ, ຖືກກັກໂຄໃນຂໍ້ກ່າວຫາ : ຄ້າ-ຂາຍ ຢາເສບຕິດ (ຢາໄອສ), ເຄື່ອງຂອງກາງ ແລະ ຂອງຕິດຕົວມີ: ໂທລະສັບ 01 ໜ່ວຍ.

3. ທ້າວ ໄພລີນ ພົງສາລີ ອາຍຸ 21 ປີ ຊາວນາ ບ້ານຫາງສະດໍາ ເມືອງໂຂງ ແຂວງ ຈໍາປາສັກ, ຖືກກັກໂຕໃນຂໍ້ກ່າວຫາ: ຄ້າ-ຂາຍ ຢາເສບຕິດ (ຢາໄອສ), ເຄື່ອງຂອງກາງ ແລະ ຂອງຕິດຕົວມີ: ລົດກະບະຣິໂວ້ ສີຂາວ ບໍ່ມີປ້າຍທະບຽນ, ໂທລະສັບ 01 ໜ່ວຍ.

4. ທ້າວ ສຳເລັດ ອາຍຸ 24 ປີ, ສັນຊາດກຳປູເຈຍ ຊາວນາ ບ້ານ ສົ້ມໂຮງ ເມືອງແສນປາງ ແຂວງຊຽງແຕງ, ກຳປູເຈຍ, ຖືກກັກໂຕໃນຂໍ້ຂໍ້ກ່າວຫາ : ຄ້າ-ຂາຍ ຢາເສບຕິດ (ຢາໄອສ), ເຄື່ອງຂອງກາງ ແລະ ຂອງຕິດຕົວມີ: ໂທລະສັບ 01 ໜ່ວຍ, ລົດຈັກຮອນດາເວັບ 01 ຄັນ ສີປອນ ປ້າຍທະບຽນ ຍນ 4473 ກຳແພງນະຄອນ, ສາຍຄໍສີເຫຼືອງຄ້າຍຄືຄໍາຝັ່ຣງ 01 ເສັ້ນ.


5. ທ້າວ ແອັດ ສີສະໝຸດ ອາຍຸ 54 ປີ ສັນຊາດກຳປູເຈຍ ຊາວນາ ບ້ານ ສົ້ມໂຮງ ເມືອງ ແສນປາງ ແຂວງຊຽງແຕງ, ຖືກກັກໂຕໃນຂໍ້ກ່າວຫາ : ສົມຮູ້ຮ່ວມຄິດຄ້າ-ຂາຍ ຢາເສບຕິດ (ຢາໄອສ), ເຄື່ອງຂອງກາງ ແລະ ຂອງຕິດຕົວມີ: ໂທລະສັບ 01 ໜ່ວຍ.


6. ທ້າວ ແຊນ ສີສະໝຸດ ອາຍຸ 21 ປີ ຊາວນາ ບ້ານ ໂສດ ເມືອງໂຂງ ແຂວງຈໍາ ປາສັກຖືກກັກໂຕໃນຂໍ້ກ່າວຫາ : ຂົນສົ່ງ ຢາເສບຕິດ (ຢາໄອສ) ເຄື່ອງຂອງກາງ ແລະ ຂອງຕິດຕົວມີ:ໂທລະສັບ 01 ໜ່ວຍ.


ປະຈຸບັນຄະດີດັ່ງກ່າວເຈົ້າໜ້າທີ່ກຳລັງດໍາເນີນການສືບສວນ-ສອບສວນເພື່ອຊອກຫາຜູ້ເຂົ້າຮ່ວມຂະບວນການມາດໍາເນີນຄະດີຕາມຂັ້ນຕອນ ຂອງກົດໝາຍ.

ຂ່າວ: ຫ້ອງຂ່າວກອງບັນຊາການ ປກສ ແຂວງຈຳປາສັກ

ບົດຄວາມຫຼ້າສຸດ

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...

ການສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ພ້ອມຂົວຂ້າມນໍ້າຂອງ 1 ແຫ່ງ

ສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ແຫຼ່ງຂ່າວຈາກ ແຂວງຫຼວພະບາງ ໃຫ້ຮູ້ວ່າ: ພິທີເຊັນສັນຍາໃນການສຳຫຼວດ-ອອກແບບ, ຄິດໄລ່ປະເມີນມູນຄ່າໂຄງການ, ຂຽນບົດວິພາກເສດຖະກິດ-ເຕັກນິກ, ສຶກສາຜົນກະທົບສິ່ງແວດລ້ອມ-ສັງຄົມ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ...

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...