ສຳນັກຂ່າວຕ່າງປະເທດລາຍງານໃນວັນທີ 15 ກັນຍາ 2024 ນີ້ເປັນເຫດການທີ່ໜ້າຕົກໃຈທີ່ສຸດສຳລັບຄອບຄົວໜຶ່ງໃນປະເທດໄທທີ່ກຳລັງຈະໄດ້ພົບໜ້າ ສະມາຊິກໃໝ່ຂອງຄອບຄົວ ແຕ່ກໍເກີດເຫດການສຸດແປກຂຶ້ນ ຫຼັງຈາກທີ່ເດັກນ້ອຍຄົບກຳນົດຮັກສາຕົວທີ່ໂຮງໝໍ ເຈົ້າໜ້າທີ່ຈຶ່ງໄດ້ສົ່ງຕໍ່ໃຫ້ຜູ້ທີ່ເປັນພໍ່ ແລະ ແມ່ ພາລູກຂອງຕົນເອງກັບບ້ານ ແຕ່ດ້ານພໍ່ນັ້ນໄດ້ເອະໃຈ ວ່າລູກຂອງຕົນເອງນັ້ນມີໃບໜ້າທີ່ປ່ຽນໄປ ຈາກທີ່ຜົມຍາວກໍສັ້ນ ຈາກທີ່ມີຄິ້ວກໍບໍ່ມີ ປ້າຍຊື້ຢູ່ຂໍ້ມືກໍບໍ່ມີ ແຖມຜ້າຂົນໜູກໍບໍ່ແມ່ນຂອງຕົນ.
ດ້ວຍຄວາມສົງໃສຈຶ່ງໄປຮຽກຮ້ອງໃຫ້ທາງໂຮງໝໍໃຫ້ມີການກວດເລືອດ ແລະ DNA ປາກົດວ່າບໍ່ແມ່ນລູກຂອງຕົນແທ້ ເດັກນ້ອຍໄດ້ສະລັບກັບເດັກນ້ອຍຊາວມຽນມາ ເຊິ່ງທາງດ້ານໄດ້ອອກມາຂໍໂທດ ແລະ ຍອມຮັບຜິດ ເຊິ່ງຈະໃຫ້ສິດທິໃນການຮັກສາເປັນພິເສດ ຂະນະທີ່ທາງຄອບຄົວຜູ້ເສຍຫາຍໄດ້ເອິ້ນເອົາເງິນຮັກສາ 2 ແສນບາດ ຫຼື ປະມານ 140 ລ້ານກີບ ໂດຍຈະແບ່ງກັບຄອບຄົວຊາວມຽນມາທີ່ຖືກສະລັບ.
ທາງດ້ານ ດຣ. ທະນະກິດ ຈິດອາລີຣັດ ທີ່ປຶກສາລັດທະມົນຕີວ່າການກະຊວງສາທາລະນະສຸກ ໄດ້ອອກມາຍອມຮັບວ່າເປັນຄວາມຜິດພາດຂອງໂຮງໝໍແທ້ ໂດຍໄດ້ຮັບລາຍງານຈາກນາຍແພດສາທາລະນະສຸກແຂວງສະມຸດສາຄອນແລ້ວ ຄາດວ່າເກີດເຫດສະຫຼັບຕົວຂະນະນຳເດັກນ້ອຍໄປກວດ ເມື່ອທາງພໍ່ຂອງເດັກນ້ອຍຮູ້ເຖິງຄວາມຜິດປົກກະຕິ ທາງໂຮງໝໍກໍໄດ້ດຳເນີນການສົ່ງກວດ DNA ແລ້ວ ແລະ ໄດ້ນັດທາງພໍ່ແມ່ຂອງເດັກມາເວົ້າໄກ່ເກ່ຍເລື່ອງຄ່າເສຍຫາຍ.
ແຫຼ່ງຂ່າວ: ໂຫນກະແສ