ໃນຕອນເຊົ້າວັນທີ 30 ສິງຫາ 2024 ທີ່ກອງບັນຊາການ ປກສ ນະຄອນ ໄກສອນ ພົມວິຫານ ໄດ້ຈັດພິທີກ່ຽວກັບການກັກຕົວເປົ້າໜາຍຄ້າຂາຍຢາສູບໄຟຟ້າ(ພ໋ອດ) ພ້ອມຂອງກາງຈຳນວນ12.998 ອັນ.
ຕາມການລາຍງານ ເຈົ້າໜ້າທີ່ ປກສ ນະຄອນໄກສອນ ພົມວິຫານ ໃຫ້ຮູ້ວ່າ: ພາຍຫຼັງເຈົ້າໜ້າທີ່ໄດ້ຮັບແຈ້ງວ່າ: ຢູ່ຈຸດເຮືອນຂອງ ທ້າວ ເດືອນປະເສີດ ສົງສີ ຫຼື ແບັກແຮ່ມ ອາຍຸ 24 ປີ ອາຊີບ ກໍາມະກອນ ບ້ານ ສຸນັນທາ ນະຄອນໄກສອນພົມວິຫານ ແຂວງ ສະຫວັນນະເຂດ ເປັນບ່ອນ ຊື້-ຂາຍ ສິ່ງເສບຕິດປະເພດຢາສູບໄຟຟ້າ (ພ໋ອດ); ໃນວັນທີ 29 ສິງຫາ ຜ່ານມານ້ ເຈົ້າໜ້າທີ່ໄດ້ເຂົ້າກວດຄົ້ນເຮືອນຂອງເປົ້າໝາຍ ພ້ອມທັງກັກຕົວ ທ້າວ ເດືອນປະເສີດ. ຜ່ານການກວດຄົ້ນຈິ່ງພົບເຫັນ ຢາສູບໄຟຟ້າ(ພ໋ອດ) ຈໍານວນ 1.299 ກັບ ແລະ 08 ອັນ ລວມທັງໝົດເທົ່າກັບ 12.998 ອັນ ມາສືບສວນ-ສອບສວນ.
ປັດຈຸບັນ, ເຈົ້າໜ້າທີວີຊາສະເພາະກຳລັງເລັ່ງດຳເນີນການສືບສວນ-ສອບສວນຂະຫຍາຍຜົນຫາຜູ້ຮ່ວມຂະບວນການມາດຳເນີນຄະດີຕາມຂັ້ນຕອນຂອງກົດໜາຍ ທັງນີ້ການຢາສູບໄຟຟ້າ ຫຼື ພ໋ອດ ເຮັດໃຫ້ມີຜົນເສຍຫຼາຍຢ່າງແກ່່ຄົນອ້ອມຂ້າງ ແລະ ຕົນເອງເຊັ່ນ: ຫາຍໃຈຫອບ, ເປັນປອດ, ຫົວໃຈ, ຫຼື ເປັນມະເຮັງ.
ຂ່າວ: ປກສ ແຂວງສະຫວັນນະເຂດ.