ອົດສະຕາລີ ຍົກຍ້ອງ 2 ຕົວປະກັນທີ່ເສຍຊີວິດຈາກເຫດຈັບຕົວປະກັນ ໃນກາງນະຄອນຊິດນີ້ ເປັນຮີໂຣ່ ເສຍສະຫລະຊີ
ວິດເພື່ອຕົວປະກັນຄົນອື່ນໆ.
ວັນທີ 16 ທັນວານີ້ ສຳນັກຂ່າວຕ່າງປະເທດລາຍງານວ່າ ທ່ານ ໂທ ຣີ ຈອນສັນ ອາຍຸ 34 ປີ ຜູ້ຈັດການຮ້ານຊ໊ອກໂກແລັດ
ລິນ ຄາເຟ່ ໃນນະຄອນຊິດນີ ປະເທດອົດສະຕາລີ ແລະ ທ່ານ ນາງ ຄາທຣິນາ ດໍສັນ ອາຍຸ 38 ປີ ອາຊີບທະນາຍຄວາມ ເຊິ່ງ
ເປັນ 2 ຜູ້ເສຍຊີວິດໃນເຫດການຈັບຕົວປະກັນໃນຮ້ານ ລິນ ຄາເຟ່ ກາງນະຄອນຊິດນີ ໃນມື້ວານນີ້ (15 ທັນວາ) ໄດ້ຮັບ
ການຍົກຍ້ອງໃຫ້ເປັນວິລະບຸລຸດ ແລະ ວິລະສະຕີ ຈາກຄວາມກ້າຫານທີ່ຍອມເສຍສະຫລະຊີວິດຂອງຕົນເອງ ເພື່ອຊ່ວຍ
ເຫລືອຕົວປະກັນຄົນອື່ນໆ.
ແຫລ່ງຂ່າວໄດ້ລາຍງານວ່າ ທ່ານ ໂທຣີ ຈອນສັນ ໄດ້ພະຍາຍາມເຂົ້າໄປຍາດເອົາປືນຈາກ ມານ ຮາຣອນ ໂມນິສ ເຊິ່ງເປັນ
ຊາວອີຣ່ານຜູ້ກໍ່ເຫດ ແລະ ສຸດທ້າຍປືນກໍລັ່ນໃສ່ຈອນສັນ ຈົນເສຍຊີວິດ, ຫລັງຈາກສຽງປືນດັງຂຶ້ນ ເຈົ້າໜ້າທີ່ຕຳຫລວດ
ໄດ້ເປີດສາກບຸກເຂົ້າຊ່ວຍເຫລືອຕົວປະກັນຄົນອື່ນໆໄດ້ຈົນສຳເລັດ.
ສ່ວນທ່ານ ນາງ ຄາທຣິນາ ດໍສັນ ໄດ້ຍອມສະຫລະຊີວິດຂອງນາງ ເພື່ອປົກປ້ອງເພື່ອນຕົວປະກັນຜຸ້ທີ່ຖືພາ ກ່ອນທີ່ນາງ
ຈະໄປເສຍຊີວິດໃນຂະນະນຳສົ່ງໂຮງໝໍ ໂດຍຕຳຫລວດໄດ້ຢືນຢັນວ່າ ຕົວປະກັນຜູ້ກ້າຫານທັງສອງຄົນ ແລະ ມືປືນຜູ້ກໍ່
ເຫດອີກ 1 ຄົນ ເສຍຊີວິດໃນເຫດການ, ຂະນະທີ່ຕົວປະກັນຄົນອື່ນໆ ແມ່ນໄດ້ຮັບບາດເຈັບ 4 ຄົນ.
ມະຫາວິທະຍາໄລເຊັນແມຣີ່ ເຊິ່ງຢູ່ບໍ່ໄກຈາກຮ້ານດັ່ງກ່າວນັ້ນ ໄດ້ມີການນຳເອົາຊໍ່ດອກໄມ້ຫລາຍຮ້ອຍຊໍ່ ມາວາງລວມ
ກັນຢູ່ໜ້າໂບດ ໂດຍມີຄຸນພໍ່ແອນໂທນີ່ ຟິດເຊີ ໄດ້ກ່າວຍົກຍ້ອງທ່ານ ຈອນສັນ ແລະ ທ່ານນາງ ດໍສັນ ວ່າທັງຄູ່ເປັນວິລະ
ບູລຸດ ແລະ ວິລະສະຕີ ທີ່ຍອມເສຍສະຫລະຊີວິດເພື່ອຊ່ວຍຜູ້ອື່ນ.
