spot_img
Homeຂ່າວຄວາມສະຫງົບການຫັດແອບໜ່ວຍລົດຫຸ້ມເກາະເບົາລາດຕະເວນພາຍໃນຕົວເມືອງນະຄອນຫຼວງວຽງຈັນ

ການຫັດແອບໜ່ວຍລົດຫຸ້ມເກາະເບົາລາດຕະເວນພາຍໃນຕົວເມືອງນະຄອນຫຼວງວຽງຈັນ

Published on

ແຈ້ງການ ເລກທີ: 862/ກສຮ ນະຄອນຫຼວງວຽງຈັນ, ວັນທີ: 5 ກໍລະກົດ 2024
ເລື່ອງ: ການຫັດແອບໜ່ວຍລົດຫຸ້ມເກາະເບົາລາດຕະເວນພາຍໃນຕົວເມືອງນະຄອນຫຼວງວຽງຈັນ ເພື່ອປ້ອງກັນກອງປະຊຸມສຸດຍອດອາຊຽນທີ່ ສປປ ລາວ ເປັນເຈົ້າພາບ ໃນທ້າຍປີ 2024 ນີ້.

– ອີງໃສ່ ຕາມທິດຊີ້ນໍາ ຂອງຄະນະຊີ້ນໍາລະດັບຊາດກະກຽມກອງປະຊຸມສຸດຍອດອາຊຽນ.
– ອີງໃສ່ ທິດດຊີ້ນໍາ ຂອງຄະນະອະນຸກຳມະການປ້ອງກັນຊາດ – ປ້ອງກັນຄວາມສະຫງົບ ວ່າດ້ວຍການຫັດແອບ ຫັດແອບໜ່ວຍລົດຫຸ້ມເກາະເບົາລາດຕະເວນພາຍໃນຕົວເມືອງນະຄອນຫລວງວຽງຈັນ ເພື່ອກະກຽມປ້ອງກັນ ກອງປະຊຸມສຸດຍອດອາຊຽນທີ່ ສປປ ລາວ ເປັນເຈົ້າພາບໃນທ້າຍປີ 2024 ທີ່ຈະມາເຖິງ.

ກົມສູ້ຮົບ ກົມໃຫຍ່ເສນາທິການກອງທັບ ໃນນາມກອງເລຂາຄະນະອະນຸກຳມະການປ້ອງກັນກອງປະຊຸມ ສຸດຍອດອາຊຽນ ຂໍຖືເປັນກຽດຢ່າງສູງຮຽນມາຍັງທ່ານ ຊາບວ່າ:
1. ພວກເຮົາຈະເລີ່ມຫັດແອບແລ່ນລົດຫຸ້ມລົດເບົາຈໍານວນ 02 ຊະນິດໃນຂອບເຂດຕົວເມືອງນະຄອນຫຼວງວຽງຈັນ ເພື່ອເປັນການຫັດແອບໃຫ້ນັກຂັບຂີ່ ມີຄວາມຊໍານິຊໍານານໃນການແລ່ນລົດໃນຕົວເມືອງ, ໃນສະພາບເສັ້ນທາງທີ່ ແອອັດເຕັມໄປດ້ວຍຍານພາຫະນະ, ຝູງຊົນ ແລະ ຊຳນິຊຳນານໃນການແລ່ນລົດສູ້ຮົບຕາມເສັ້ນທາງຕ່າງໆໃນຕົວເມືອງ ທັງເປັນການປະຕິບັດພັນທະສາກົນວ່າດ້ວຍວຽກງານປ້ອງກັນຄວາມສະຫງົບເພື່ອສ້າງຄວາມໝັ້ນໃຈໃຫ້ແກ່ການນໍາ ແລະ ແຂກຕ່າງປະເທດທີ່ຈະມາຮ່ວມກອງປະຊຸມສຸດຍອດອາຊຽນທີ່ ສປປ ລາວ ເປັນເຈົ້າພາບໃນປີ 2024 ນີ້.

2. ການຫັດແອບຈະດໍາເນີນເປັນແຕ່ລະໄລຍະ ນັບຕັ້ງແຕ່ວັນທີ 08/07/2024 ເປັນຕົ້ນໄປຈົນສໍາເລັດກອງປະຊຸມ ສຸດຍອດອາຊຽນ ເຊິ່ງບໍ່ສາມາດເປີດເຜີຍແຜນການເຄື່ອນໄຫວລະອຽດໃຫ້ທ່ານຊາບໄດ້; ການຫັດແອບຈະມີທັງ ກາງເວັນ ແລະ ກາງຄືນ ຕາມແຜນການທີ່ໄດ້ກຳນົດໄວ້.
ດັ່ງນັ້ນ ຈຶ່ງຮຽນມາຍັງທ່ານເພື່ອຊາບ ແລະ ຊ່ວຍແຈ້ງໃຫ້ພໍ່ແມ່ພີ່ນ້ອງປະຊາຊົນຊາວນະຄອນຫຼວງວຽງຈັນຮັບຊາບ ແລະ ບໍ່ໃຫ້ແຕກຕື່ນຕໍ່ການຫັດແອບຂອງພວກເຮົາໃນຄັ້ງນີ້ດ້ວຍ.

ບົດຄວາມຫຼ້າສຸດ

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...

ພະຍາກອນອາກາດ ແຕ່ເວລາ 07 ໂມງ ຂອງວັນທີ 28/03/2025 ຫາ ເວລາ 07 ໂມງ ຂອງວັນທີ 29/03/2025

ກົມອຸຕຸແຈ້ງເຕືອນສະພາບອາກາດ 28/3/25 ພາກເໜືອຈະມີອາກາດຮ້ອນ-ຮ້ອນເອົ້າ ສ່ວນພາກກາງມີເນື້ອທີ່ຝົນປົກຫຸ້ມ 50%. ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກ ຂອງປະເທດລາວ ດ້ວຍກໍາລັງອ່ອນ ຫາປານກາງ, ສົມທົບກັບກະແສລົມ ຕາເວັນຕົກພັດປົກຄຸມ, ຊຶ່ງຈະເຮັດໃຫ້ອາກາດຍັງສືບຕໍ່ຮ້ອນ ພ້ອມມີ ໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ລະພາກ...

ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ

ເພື່ອຍົກລະດັບການຂົນສົ່ງ ຂອງ ສປປ ລາວ ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ. ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ ເພື່ອຍົກລະດັບການຂົນສົ່ງ ຂອງ ສປປ ລາວ ຮອງຮັບການນໍາເຂົ້າ - ສົ່ງອອກ, ສົ່ງອອກຕໍ່ ແລະ ຜ່ານແດນ...

ພະຍາກອນອາກາດ ປະຈໍາວັນທີ 27 ມີນາ 2025, ເວລາ 12 ໂມງ 00

ຮ້ອນຈັດອາກາດຕອນສວາຍ ພາກເໜືອມີອຸນຫະພູມສູງສຸດ 40 ອົງສາ ສ່ວນພາກໃຕ້ມີເນື້ອທີ່ຝົນປົກຫຸ້ມ 50% ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກພັດປົກຄຸມ, ຊຶ່ງຈະເຮັດໃຫ້ ອາກາດຍັງສືບຕໍ່ຮ້ອນ ພ້ອມມີຫມອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ ລະພາກ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ...