ການຈັດງານກິລາໂອລິມປິກໃນຄັ້ງນີ້ ກໍເປັນທີ່ຈັບຕາເບິ່ງຂອງຄົນທົ່ວໂລກ, ເນື່ອງຈາກ ເປັນການກັບມາເປັນເຈົ້າພາບອີກຄັ້ງໃນຮອບ 100 ປີ ຂອງປະເທດຝຣັ່ງ, ເຊິ່ງຈະໄດ້ຈັດຂຶ້ນທີ່ນະຄອນຫຼວງປາຣີ ໃນລະຫວ່າງວັນທີ 28 ສິງຫາ ຫາ 8 ກັນຍາ 2024, ໂດຍຈະມີນັກກິລາເຂົ້າຮ່ວມທັງໝົດ 206 ປະເທດໃນໂລກ, ຈຳນວນນັກກິລາ 10,500 ຄົນ, ມີກິລາ 329 ລາຍການໃນ 32 ຊະນິດກິລາ. ເຊິ່ງໃນການເປັນເຈົ້າພາບຂອງປະເທດຝຣັ່ງໃນຄັ້ງນີ້ ໄດ້ມີຫຼາຍໆຈຸດເດັ່ນທີ່ຖືກກ່າວເຖິງ, ມື້ນີ້ລາວໂພສໄດ້ຮວບຮວມມາໃຫ້ທຸກຄົນອ່ານໄປນຳກັນ.

1. ຄອນເຊັບຫຼັກຂອງງານຄັ້ງນີ້ແມ່ນເນັ້ນຢໍ້າ ”ຄວາມເທົ່າທຽມ ແລະ ອິດສະລະ”, ໂດຍມີການອອກແບບ ໂລໂກ້, ໂປສເຕີ, ມາສຄອສ (ຕຸກກະຕາທີ່ລະນຶກ) ທີ່ໃຊ້ສຳລັບງານ ໂອລິມປິກ ແລະ ພາລາລິມປິກ (ການແຂ່ງຂັນກິລາສຳລັບຜູ້ພິການ) ແບບດຽວກັນ.

2. ຫຼຽນລາງວັນຈະມີສິ້ນສ່ວນເຫຼັກຂອງຫໍໄອເຟວ (ສິ້ນສ່ວນຈາກການສ້ອມແປງ) ມາປະກອບໃນຫຼຽນ ເພື່ອເປັນຂອງຂວັນສຸດພິເສດໃຫ້ແກ່ນັກກິລາໃນການມາເຂົ້າຮ່ວມການແຂ່ງຂັນທີ່ປາຣີໃນຄັ້ງນີ້.

3. ຊຸດເຄື່ອງແບບຂອງນັກກິລາປະເທດຟຣັ່ງ ທີ່ໄດ້ຮັບການອອກແບບຈາກດີຊາຍເນີ້ຊື່ດັງ ແລະ ສວຍງາມ, ເທ່, ມີເອກກະລັກ ສົມກັບວ່າເປັນເມືອງແຫ່ງສິລະປະ ແລະ ແຟຊັ່ນ.

4. ເພິ່ມການແຂ່ງຂັນກິລາຊະນິດໃໝ່ເຂົ້າມາ ໂດຍສະເພາະແມ່ນການແຂ່ງຂັນກິລາເບຣກແດນ.

5. ມາສຄອສ ຫຼື ຕຸກກະຕາປະຈຳງານ ແມ່ນໄດ້ຮັບແຮງບັນດານໃຈໃນການອອກແບບມາຈາກໝວກຂອງຊາວຟຣີເຈຍທີ່ສວມໃສ່ຂະນະທີ່ທຳການປະຕິວັດຝຣັ່ງໃນປີ 1789 ແລະ ສະຖາປະນາເປັນສາທາລະນະລັດຝຣັ່ງ, ສຳລັບການອອກແບບມາກຄອສ ຈະມີ 2 ປະເພດຄື: ມາສຄອສສຳລັບໂອລິມປິກ ແລະ ພາຣາລິມປິກ, ເຊິ່ງຈະພິເສດຄື: ມາສຄອສບາງສ່ວນຈະມີສວມໃສ່ອຸປະກອນຊ່ວຍແລ່ນ ເພື່ອເປັນຕົວແທນຂອງຜູ້ພິການ.

ຂໍ້ມູນຈາກ: bbc, The Metropolis