ວັນທີ 4 ມິຖຸນາ 2024, ກອງບັນຊາການ ປກສ ແຂວງໄຊຍະບູລີ ໄດ້ສຶກສາອົບຮົມກຸ່ມໄວໜຸ່ມມົ້ວສຸມດື່ມນໍ້າກະທ່ອມ ຈຳນວນ 11 ຄົນ, ຍິງ 4 ຄົນ ພ້ອມທັງເຮັດບົດບັນທຶກສຶກສາອົບຮົມ ແລະ ມອບໃຫ້ຜູ້ປົກຄອງນໍາໄປສຶກສາອົບຮົມ ແລະ ຕິດຕາມຢ່າງໃກ້ຊິດ ເພື່ອໃຫ້ເຂົາເຈົ້າກາຍເປັນຄົນດີໃນສັງຄົມ, ຮູ້ສໍານຶກຜິດ ແລະ ບໍ່ໃຫ້ກັບມາດື່ມນໍ້າກະທ່ອມຕື່ມອີກ, ຖ້າຫາກຍັງມີການເຄື່ອນໄຫວອີກ ຈະໄດ້ດຳເນີນຄະດີ ແລະ ປັບໃໝຕາມລະບຽບຢ່າງເຂັ້ມງວດ.
ພັນຕີ ວິໄລເພັດ ພັນນຸຮັກ ຮອງຫົວໜ້າພະແນກຕຳຫລວດສະກັດກັ້ນ ແລະ ຕ້ານຢາເສບຕິດ ປກສ ແຂວງໄຊຍະບູລີ ໄດ້ເນັ້ນໃຫ້ກຸ່ມເປົ້າໝາຍດັ່ງກ່າວຮັບຮູ້ ແລະ ເຂົ້າໃຈຕໍ່ລະບຽບຂອງກໍາລັງປ້ອງກັນຄວາມສະຫງົບ, ຈໍາແນກໄດ້ສິ່ງທີ່ຜິດ ແລະ ຖືກ, ຮັບຮູ້ໄດ້ເຖິງແນວທາງນະໂຍບາຍຂອງພັກ-ລັດ, ຜົນຮ້າຍ ແລະ ໄພອັນຕະລາຍຂອງນໍ້າກະທ່ອມ ທີ່ເປັນໄພຄຸກຄາມຕໍ່ສັງຄົມ ແລະ ປະເທດຊາດບ້ານເມືອງ, ພ້ອມອະທິ ບາຍຜົນຮ້າຍຂອງສານຕິດແຕ່ລະປະເພດ ໃຫ້ເຂົ້າເຈົ້າໄດ້ຮັບຮູ້ ແລະ ເຂົ້າໃຈ ຕໍ່ໄພອັນຕະລາຍຂອງສານເສບຕິດປະເພດຕ່າງໆ ແລ້ວ ພ້ອມກັນຫັນປ່ຽນພຶດຕິກຳໄປໃນທາງທີ່ຖືກຕ້ອງ.
ແຫຼ່ງຂ່າວ: ປກສ ແຂວງໄຊຍະບູລີ