ເລີ່ມແລ້ວ! ບຸນປະເພນີ ແລະ ງານເທດສະການຕ່າງໆໃນຂອບເຂດທົ່ວປະເທດ ເພື່ອເຮັດຕາມຮິດຄອງປະເພນີອັນດີງາມຂອງລາວເຮົາ ໃນລະຫວ່າງ ເດືອນມັງກອນ – ກຸມພາ 2024 ມາເບິ່ງໄປນຳກັນວ່າຈະມີງານບຸນສຳຄັນໃດເກີດຂຶ້ນແດ່.

– ເດືອນມັງກອນຈະມີງານເທສະການເກີດຂຶ້ນທັງໝົດ 5 ງານຄື:

1. ງານບຸນກິນຈຽງ (ໜໍ່ເປເຈົ່າ) ແຂວງວຽງຈັນ ຈັດຂຶ້ນໃນວັນທີ 8 – 14 ມັງກອນ (ສະຖານທີ່ ບ້ານໂພນຄຳ, ເມືອງໂພນໂຮງ , ແຂວງວຽງຈັນ).

2. ງານບຸນກອງເຂົ້າໃຫຍ່ເມືອງພຽງ, ແຂວງໄຊຍະບູລີ ຈັດຂຶ້ນໃນວັນທີ 9 – 12 ມັງກອນ.

3. ງານຕະຫຼາດນັດຊຽງຂວາງ, ງານວາງສະແດງ ຜະລິດຕະພັນກະສິກຳ ແລະ ສິນຄ້າໂອດ໋ອບ ທີ່ເທສະການບຸນກິນຈຽງຊົນເຜົ່າມົ້ງ ຈັດຂຶ້ນໃນວັນທີ 13 – 15 ມັງກອນ (ສະຖານທີ່ ສະມາຄົມກິລາວັນນະຄະດີພື້ນເມືອງ, ເມືອງແປກ , ແຂວງຊຽງຂວາງ ຫຼື ເດີ່ນບຸນກິນຈຽງ ສະໜາມກິລາງົວຊົນ).

4. ງານບຸນປະເພນີບັນດາເຜົ່າແຂວງອຸດົມໄຊ ເພື່ອສະເຫຼີມສະຫຼອງປີທ່ອງທ່ຽວລາວ 2024 ຈັດຂຶ້ນໃນວັນທີ 16 – 20 ມັງກອນ (ສະຖານທີ່ສະໜາມກິລາແຂວງອຸດົມໄຊ).

5. ງານນະມັດສະການພະບາດໂພນສັນ ຈັດຂຶ້ນໃນວັນທີ 22 – 25 ມັງກອນ.

– ເດືອນກຸມພາຈະມີງານເທສະການເກີດຂຶ້ນທັງໝົດ 3 ງານຄື:

1. ງານມະຫະກຳບຸນຊ້າງໄຊຍະບູລີ ຈັດຂຶ້ນໃນວັນທີ 12 – 18 ກຸມພາ.

2. ງານບຸນວັດພູຈຳປາສັກ ຈັດຂຶ້ນໃນວັນທີ 22 – 24 ກຸມພາ.

3. ງານບຸນພະທາດສີໂຄດຕະບອງ ແຂວງຄຳມ່ວນ 22 – 24 ກຸມພາ.

ເພື່ອເປັນການສົ່ງເສີມປີການທ່ອງທ່ຽວລາວ 2024 ນີ້, ຂໍເຊີນຊວນທຸກຄົນມາຮ່ວມກັນເປັນເຈົ້າພາບທີ່ດີໃນການຕ້ອນຮັບນັກທ່ອງທ່ຽວ ທີ່ເຂົ້າມາທ່ຽວຊົມປະເທດຂອງພວກເຮົາໃຫ້ມີແຕ່ຄວາມປະທັບໃຈ ແລະ ຄວາມຊົງຈຳທີ່ດີໃນການມາທ່ຽວ ສປປ ລາວ.